2017-06-24 09:49:51 clouds 27o High | Kigali Rwanda

Dukurikire:
 
 

Abaririra ifungwa ry’amwe mu mavuriro nibarebe kure –Dr. Ndimubanzi

Yanditswe na IMVAHO NSHYA

Kuya 2017-06-14 08:40:40

 
Share on:
 
Yasuwe:45
 
Yavuzweho:200
 
10
 
10

Minisiteri y’Ubuzima yasabye bawe mikomeje igikorwa cyo gufunga amwe mu mavuriro atujuje ibyangombwa byo gutanga serivise z’ubuzima mu Rwanda, hari bamwe mu baganaga aya mavuriro bavuga ko ibi bishobora kuzabagiraho ingaruka mu gihe babura ahandi bivuriza, Minisiteri y’Ubuzima yasabye abafite iyo myumvire kuyivaho.

Abiganjemo abivuza indwara z’iza bukuru, umunaniro, ndetse n’izindi ndwara zahoze zivurwa mu buryo bw’umuco wa Kinyarwanda ni bo bavuga ko icyemezo cyo gufunga amavuriro nk’ayo kizabagiraho ingaruka cyane ko amenshi mu mavuriro arebwa n’icyemezo cyo gufunga ari aya Kinyarwanda, akora massage na reflexology ndetse n’andi amwe n’amwe akora mu buryo budasobanutse.

Ubugenzuzi bwa MINISANTE kuri bene aya mavuriro bwerekanye ko hari abafite imikorere idahwitse kugeza ubwo ngo hari n’abanakoresha inzoka mu kuvura abanyarwanda, ibintu bidafite ihuriro na gato mu gukiza umurwayi.

JPEG - 244.5 kb
Dr Ndimubanzi Patrick asaba abagana amavuriro atujuje ibyangombwa kureba kure (Foto;n James R)

Mu kiganiro Minisiteri y’Ubuzima iherutse kugirana n’abanyamakuru, hagarutswe ku kibazo cy’abavuzi bitwa Abarangi bamaze igihe bakorera mu Rwanda aho bakoresha kuvuza ingoma ubundi bakavuga amagambo ameze nk’imitongero.

Umwe mu banyamakuru abaza ikibazo MINISANTE, yagize ati “Nk’abarangi bari bamaze igihe bakorera mu Rwanda kandi abarwayi babagana bagaruka bemeza ko bakize, birumvikana ko MINISANTE musanzwe muzi imikorere yabo kuko bari no mu rugaga rw’abavuzi gakondo, abandi ni abakora reflexology, hari bamwe mu basaza bagize icyo batangaza kuri icyo cyemezo ko batakishimiye kuko ayo mavuriro yabafashaga, ibyo murabikemura mute?”

Mu gusubiza ibi bibazo, umunyamabanga wa Leta muri MINISANTE, Dr Ndimubanzi Patrick, yavuze ko kuba aya mavuriro afungwa atari ubugizi bwa nabi.

Ati “Bagombye kuvuga ngo turashima ko bahagaritse umuntu uri kutwicira ubuzima avuga ngo aratuvura kandi adafite ubumenyi cyangwa uvuga ngo afite ubumenyi kandi mu kuri atabufite, ibyo nta muntu wagombye kubitindaho kuko ubuvuzi bwose bwaba ari ubwa gakondo cyangwa n’ubu bwa kizungu, ikintu cyose ukoze nabi gishobora kwica umuntu. Byumvikane rero niba hari abantu badakora neza cyangwa batujuje ibisabwa nta bwo nka Minisiteri y’Ubuzima dushobora kubareka ngo bakomeze kwica abantu”

MINISANTE ivuga ko ayo mavuriro afite imikorere mibi igamije inyungu z’ubucuruzi aho ngo usanga ba nyiri ayo mavuriro badatinya no kwiyamamaza babeshya ko ngo bavura indwara zirenga magana atatu ndetse bakanashyiramo indwara kugeza ubu zitarabonerwa imiti ku buryo buhamye nka kanseri n’umutima.

NIYONSENGA SCHADRACK

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE