Advertisement
 
 
 
 
 
 
 
 

Ubuzima

Abapfakazi n’inshike za Jenoside 1000 batangiye kuvurwa   

  Yanditswe na RUBIBI OLIVIER
 April 2016

 
 

Abapfakazi n’inshike za Jenoside yakorewe Abatutsi mu 1994 bagera ku 1000 mu gihugu hose batangiye kuvurwa uburwayi bw’amaso n’Umuryango mpuzamahanga ukora ibikorwa by’ubugiraneza ukomoka mu Bwongereza Vision for a Nation.

Abapfakazi n’inshike za Jenoside yakorewe Abatutsi batangiye kuvurwa amaso bibumbiye mu muryango wa AVEGA AGAHOZO, usanzwe ubafasha mu bikorwa byo kubavana mu bukene n’ubwigunge. Igikorwa cyo kuvura amaso abapfakazi n’inshike za Jenoside yakorewe Abatutsi cyatangiriye mu Mujyi wa Kigali kikazakomereza mu gihugu hose. Umuryango wa Vision for a Nation uzafasha abapfakazi n’inshike za Jenoside yakorewe Abatutsi kubasuzuma, kubaha imiti kubaga uburwayi bw’ishaza ndetse no guhabwa indorerwamo z’amaso.

Mugorewera Therese umwe mu banyamuryango ba AVEGA AGAHOZO bavuwe mu 2015, yabwiye itangazamakuru ko yafashwe n’uburwayi bwo guhuma akagira ngo n’imyaka y’izabukuru ndetse gusoma biza ku munanira. Mugorewera avuga ko ubwo burwayi yabumaranye hafi imyaka ibiri ariko nyuma aza kuvurwa ahabwa indorerwamo z’amaso abona kongera gusoma.

Nk’uko yakomeje abivuga ngo ataravurwa yahuraga n’imbogamizi zirimo no kunanirwa gukora akazi kamutunze. Yagize ati “ Ntaravurwa nari mfite byinshi nahagaritse harimo no guhagarika umurimo wo kuboha.”

Mukanyangezi Esperance wari wazindukiye aho Umuryango wa Vision for a Nation wari yaje kuvurira amaso yabwiye Imvaho Nshya ko iyo bigeze nimugoroba ahuma akaba afite icyizere ko aributahe amaso ye yamaze gukira. Yagize ati “Mu mugoroba ntabwo mba nkireba nizeye ko aba bagiraneza bari bumvure nkakira.”

Umuyobozi w’Umuryango wa AVEGA AGAHOZO Mukabayire Valerie yavuze ko igikorwa cyo kuvura amaso abapfakazi n’inshike za Jenoside yakorewe Abatutsi bafashwa cyane n’ubuvuzi bahabwa n’Umuryango wa AVEGA AGAHOZO.

Mukabayire yagize ati “Ubundi ubuvuzi bw’amaso buba busaba abaganga bakomeye ariko Umuryango wa Vision for a Nation waradufashije uratuvura kandi abantu barakira. Mu mwaka wa 2015 abasaga 800 bavuwe barakize neza basubira mu mirimo yabo.”

Umuyobozi wa AVEGA AGAHOZO ku rwego rw’Igihugu Mukabayire Valerie yavuze ko umuryango wa Vision for a Nation usanzwe ubafasha aho cyane mu gihe cyo kwibuka Jenoside yakorewe Abatutsi bavura abapfakazi n’inshike za Jenoside yakorewe Abatutsi ndetse bagasiga babararitse igihe bazagarukira kubavura.

Yagize ati “Umwaka washize bavuye abantu 800 ndetse basiga batubwiye ko indi nshuro bazaza bazavura abantu 1000. Icyo dukora tureba abantu bakeneye kuvurwa amaso mu mirenge yose bakavurwa amaso.”

Umuyobozi w’Umuryango wa Vision for a Nation Uwihoreye Abdallah yavuze ko uburwayi bw’amaso buturuka ahanini ku myaka umuntu aba agezemo. Uwihoreye yagize ati “ Ubushakashatsi bugaragaza ko abantu bageze mu myaka iri hejuru ya 40 bagira ikibazo cyo kutabona neza. Uko kutabona neza bigabanyije mu byiciro bibiri; kutabona neza ibya hafi no kutabona neza ibiri kure. Niyo mpamvu ubona abantu bamwe bajya gusoma bakambara indorerwamo (Lunette) cyangwa ntibazambare.

Uyu munsi twaje kubasuzuma amaso nitumara kubasuzuma turabavura. Iyo tubavura dusangamo ibyiciro binyuranye harimo abafite uburwayi bushobora gukosorwa n’imiti ndetse n’abafite uburwayi bushobora gukosorwa ariko tubabaze.”

Umuyobozi w’Umuryango Vision for a Nation Uwihoreye yakomeje avuga ko nk’uko byagaragaye mu bantu bavurwa amaso hari abayatewe uburwayi n’ingaruka za Jenoside yakorewe Abatutsi.

Umuryango AVEGA AGAHOZO ufite abanyamuryango bose hamwe 1909 bose bakaba ari inshike n’abapfakazi ba Jenoside yakorewe Abatutsi. Kuva mu 2012 Abanyarwanda miliyoni 1,2 bamaze kuvurwa amaso ku bwa Vision for a Nation na MINISANTE.

Vision for a Nation Foundation ifite ubuzima gatozi bwo mu gihugu cy’u Bwongereza akaba ari umuryango washinzwe mu 2010 na rwiyemezamirimo ukunda gufasha mu bijyanye n’ imibereho myiza y’ abaturage batishoboye James Chen.



 

Comments

 
 
Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

U Rwanda rugeze kure ruha umugore uburenganzira kwihitiramo kuboneza urubyaro
U Rwanda rugeze kure ruha umugore uburenganzira kwihitiramo kuboneza urubyaro

Minisitiri w’Uburinganire n’Iterambere ry’Umuryango, Nyirasafari Esperance, avuga ko u Rwanda rugeze kure rushyira mu bikorwa amasezerano ya Maputo aha uburenganzira abagore n’abakobwa mu bijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.