Advertisement
 
 
 
 
 
 
 
 

Ubuzima

Abanyarwanda batanyuzwe n’umubiri wabo bahawe amahirwe yo kwibagisha muri Faisal   

  Yanditswe na IMVAHO NSHYA
 September 2016

 
 

Bwa mbere mu Rwanda, ibitaro bya King Faisal byatangiye gutanga serivisi yo kubaga abantu batanyuzwe n’uko umubiri wabo uteye.

Itangazo ibi bitaro byashyize ahagaragara rivuga ko kubaga abantu bigamije kunoza uburanga bwabo bizakorwa n’itsinda ry’abaganga riyobowe na Dr Charles Furaha wabizobereyemo.

Izi serivisi zizatangirwa ubuntu ku bantu 15 ba mbere, ku minsi yo ku wa Gatandatu kuva ku ya 17 Nzeli kugeza ku ya 8 Ukwakira.

Abazajya babagwa ni abashaka ko inda zabo zigabanuka (Abdominoplasty) abashaka kugira iminwa mito cyangwa minini( liposuction) abashaka amabere y’imitemeri (Mastopexy) abashaka ko amabere yabo aba mato cyangwa abyimba, abagabo bashaka ko amabere yabo aba mato (Gynecomastia) kugabanya amatwi, kongera ubunini bw’ikibuno (amataye) n’ibindi.

JPEG - 73.2 kb
King Faisal izabaga abashaka kurushaho kugira isura nziza

Ibi bitaro biherutse gushyirwa mu maboko y’ikigo cyitwa Oshens Group ngo kibishyire ku rwego rw’ibitaro mpuzamahanga, iki gikorwa kizatwara miliyoni 21 z’amadorali.

Icyo gihe Minisitiri w’Imari n’Igenamigambi, Amb. Gatete Claver wari uhagarariye Leta y’u Rwanda mu muhango wo gushyira umukono kuri ayo masezerano yavuze ko Oshen izafasha izacunga King Faisal by’igihe kirekire, ikabigira ibitaro bikomeye mu karere.

Yakomeje agira ati “Impamvu ni ukugira ngo bijye ku rwego mpuzamahanga ku buryo bishobora gufasha akarere kose, aho kuba u Rwanda gusa. Tumaze igihe twohereza abantu benshi hanze [kwivuza], ubu turizera ko abo hanze bazajya baza mu Rwanda, tukohereza hanze abantu bake bashoboka.”

Alex Lifschitz,Umuyobozi wungirije w’ikigo kibarizwamo Oshen Health Care Rwanda Ltd, yavuze ko bazihutira gushora imari muri KFH no gutanga amahugurwa ku baganga b’Abanyarwanda.

 

Comments

 
 
RSSB yatangije ubundi buryo bwo kwishyura mituweli
RSSB yatangije ubundi buryo bwo kwishyura mituweli

Ikigo cy’Igihugu cy’Ubwiteganyirize, RSSB, cyatangaje ko uburyo bushya bw’ikoranabuhanga bugiye kwiyongera ku bwari busanzwe bukoreshwa n’abaturage mu kwishyura imisanzu y’ubwisungane mu kwivuza, (...)

Rubavu:Isuku y’amaresitora n’utubari iracyari hasi
Rubavu:Isuku y’amaresitora n’utubari iracyari hasi

Amwe mu maresitora ndetse n’utubari byo mu karere ka Rubavu biranengwa kugira isuku nke muri serivisi zihatangirwa. Ubushakashatsi bwakozwe n’ikigo cy’Igihugu cy’imiyoborere (RGB) mu mwaka wa (...)

Guverineri Munyantwari yashimiye akagari kesheje umuhigo wa mituweli 100%
Guverineri Munyantwari yashimiye akagari kesheje umuhigo wa mituweli 100%

Guverineri w’intara y’Uburengerazuba Munyantwari Alphonse, yashimiye akagari ka Karambo ko mu murenge wa Kanama ho mu karere ka Rubavukesheje umuhigo wo kwitabita ubwisungane mu kwivuza, mituweli (...)

Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.