Advertisement
 
 
 
 
 
 
 
 

Ubuzima

Abanyarwanda basaga 1700 bagaragayeho ihungabana mu Kwibuka 21   

  Yanditswe na MUTUNGIREHE SAMUEL
 April 2016

 
 

Ishami ryita ku buzima bwo mu mutwe mu kigo cy’igihugu gishinzwe ubuzima RBC rivuga mu mwaka ushize abaturage bagaragayeho ibimenyetso by’ihungabana mu gihe cy’iminsi 100 cyo kwibuka Jenoside yakorewe Abatutsi ku nshuro ya 21 muri Mata 2015.

Umuyobozi w’iri shami Dr. Yvonne Kayitashonga, yatangarije abanyamakuru kuri uyu wa mbere yahamije ko mu gihugu hose hagaragaye Abanyarwanda 1712 bagaragayeho ibimenyetso by’ihungabana n’ubwo bamwe muri bo bahungabanye bangana na 1%.

Umwaka ushize 28% ni bagejejwe kwa muganga, mu gihe ubusanzwe abajyanwa kwa muganga bivugwa ko batajya barenga 8% mu bagaragaweho ibimenyetso.

Yasobanuye ko kugaragarwaho n’ibimenyetso by’ihungabana bitavuze gungungabana, ati “Nagira ngo mbahumurize, ba bandi tubona kuri stade, aho twagiye kwibukira bagaragaza ibimenyetso bisa n’iby’ihungabana ariko ntabwo twavuga ko bose bafite ihungabana. Abafite ihungabana ni babandi ubushakashatsi bwagaragaje.”

JPEG - 311.9 kb
Dr. Yvonne Kayitashonga, Umuyobozi w’Ishami rishinzwe ubuzima bwo mu mutwe muri RBC

Dr. Kayiteshonga yashimangiye ko mu bihe byo kwibuka ku nshuro ya 22 hateguwe abajyanama bahagije bazajya batanga serivisi zinyuranye ahariho hose habera ibikorwa byo kwibuka. Kwibuka ku nshuro ya 22 Jenoside yakorewe Abatutsi mu 1994 byateguwe ku bufatanye n’izindi nzego za Leta na Polisi.

Hahuguwe hanatangwa amabwirizwa ku byiciro bitandukanye, hakurikiranwa buri rwego ngo harebwe niba rwiteguye kuzatanga ubufasha mu gihe bukenewe.

Guhugura buri cyiciro haba abaganga, abajyanama mu by’ihungabana, urwego rwa polisi n’izindi byagiye bijyana no kubongerera ubushobozi mu byo bazifashisha bita ku bagizweho n’ihungabana no kubazagaragarwaho n’ihahamuka risaba ubundi bufasha bwisumbuye.

Mu guhugura buri rwego no gushishikariza Abanyarwanda kwitwara neza mu bihe byo kwibuka bijyana hirindwa imvugo cyangwa ibikorwa bisesereza abarokotse jenoside n’Abanyarwanda muri rusange; no gushyiraho imirongo yo guhamagara ku buntu kugira ngo hatangwe amakuru ku habaye ikibazo gisaba ubufasha mu gihe cyo kwibuka.

Ubushakashatsi bwakozwe n’abahanga mu by’ihungabana 2009 bwerekana ko Abanyarwanda 23% bafite ihungabana.

 

Comments

 
 
Rubavu:Isuku y’amaresitora n’utubari iracyari hasi
Rubavu:Isuku y’amaresitora n’utubari iracyari hasi

Amwe mu maresitora ndetse n’utubari byo mu karere ka Rubavu biranengwa kugira isuku nke muri serivisi zihatangirwa. Ubushakashatsi bwakozwe n’ikigo cy’Igihugu cy’imiyoborere (RGB) mu mwaka wa (...)

Guverineri Munyantwari yashimiye akagari kesheje umuhigo wa mituweli 100%
Guverineri Munyantwari yashimiye akagari kesheje umuhigo wa mituweli 100%

Guverineri w’intara y’Uburengerazuba Munyantwari Alphonse, yashimiye akagari ka Karambo ko mu murenge wa Kanama ho mu karere ka Rubavukesheje umuhigo wo kwitabita ubwisungane mu kwivuza, mituweli (...)

Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.