Advertisement
 
 
 
 
 
 
 
 

Ubuzima

Abacuruzi bakomeye mu karere ka Rutsiro bamaze imyaka 9 nta bwiherero   

  Yanditswe na DUSINGIZUMUREMYI VESTINE
 27 May

 
 

Abacuruzi bakorera mu isantere ya Congo-Nil, iri mu murenge wa Gihango mu karere ka Rutsiro, bavuga ko bamaze imyaka irenga 9 nta bwiherero bagira, bikabateza ibibazo biterwa n’umwanda.

Uwifashije Etienne, uhagarariye abacuruzi bo muri iyi santere ifatwa nk’ikomeye kurusha izi muri aka karere, avuga ko bahangayikishwe n’ikibazo cy’isuku nke iterwa no kuba nta bwiherero bagira, bituma hari abihagarika hafi y’aho bakorera bikahatera umwanda.

Mu kiganiro yagiranye n’Imvaho Nshya, yagize ati:“Nta bwiherero rusange tugira kandi turi santere ikomeye ikorera ku cyicaro cy’akarere.Ubuyobozi bw’umurenge bwatwijeje kudufasha kwiyubakira ubwiherero rusange ariko amaso yaheze mu kirere, hashize imyaka irenga 9 dutanze icyo kifuzo.”

JPEG - 68.9 kb
Centre ya Congo- Nil yegereye akarere ariko nta bwiherero igira

Uyu mucuruzi yongeraho ko iyo umuntu ushatse kujya ku bwiherero, bimusaba gukinga iduka agataha mu rugo iwe ajyanwe no kwiherera, bityo umwanya ugatakarira mu rugendo ndetse n’abakiriya bakamucika.

Mu rwego rwo kwishakamo ibisubizo, avuga ko bageze aho bishakamo ikibanza, ariko kigongwa n’imbago z’umuhanda uri kwagurwa (Karongi-Rutsiro-Rubavu) ntibabona ahandi hahasimbura.

Abagenzi bagana akarere ka Rutsiro nabo bavuga ko ukeneye kwiherera areba aho yikinga cyangwa akajya mu rugo rwegereye iyi santere, hakaba ubwo ingo zimwe na zimwe zidatiza ubwiherero.

Uwifashije Etienn kandi yanagaragarije iki kinyamakuru ko kwiherera ahabonetse kw’abagenzi muri iyi santere, bituma abacuruzi bacibwa amafaranga y’amande ajyanye n’isuku nke.

Umunyamabanga Nshingwabikorwa w’umurenge wa Gihango, Muhizi Patrick, avuga ko iki kibazo bakizi ndetse ngo banagifite mu mihigo y’umwaka utaha.

Yagize ati:“Twabiganiriyeho n’ubuyobozi bw’akarere, dufite n’umuterankunga (World vision), twari twadindijwe no gushaka ikibanza kiberanye n’ubwiherero rusange bukenewe.”

Aba bacuruzi bahamya ko babonye ikibanza bakwiyubakira ubwiherero batarindiriye abaterankunga.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
RBC yatangaje ko 2% by’imiti yataye igihe mu 2015
RBC yatangaje ko 2% by’imiti yataye igihe mu 2015

Ikigo cy’igihugu gishinzwe iby’ubuzima (RBC) cyatangaje ko 2% by’imiti itangwa mu bitaro bya Leta ari yo yarangije igihe idakoreshejwe mu mwaka wa 2015, kandi ko birinda kugera aho nta kitakozwe ngo (...)

N’abagabo bagiye kuzajya baterwa urushinge rwo kuboneza urubyaro
N’abagabo bagiye kuzajya baterwa urushinge rwo kuboneza urubyaro

Urushinge rwo kuboneza urubyaro rwagenewe abagabo, rwagaragayeho ubuziranenge nyuma y’amasuzuma atandukanye. Abashakashatsi bo muri Leta Zunze Ubumwe za Amerika bavuga ko mu isuzuma ryakorewe (...)

Uyu mukecuru w’imyaka 80 arusha ingufu abasore benshi
Uyu mukecuru w’imyaka 80 arusha ingufu abasore benshi

Ernest Shepherd, ni umukecuru ufite abuzukuru, yizihije isabukuru y’imyaka 80 muri iki cyumweru ariko isura ye nk’iy’umukobwa w’imyaka 20. Afite ingufu nk’iz’umugabo wihaye, avuga ko yakuze adakozwa (...)

Ngoma: Baterwa ipfunwe n’ubwiherero bwabo
Ngoma: Baterwa ipfunwe n’ubwiherero bwabo

Bamwe mu baturage bo mu mudugudu wa Kiruhura, mu kagari ka Cyasemakamba, mu murenge wa Kibungo batagira ubwiherero buboneye, bavuga ko ubushobozi buke aribwo bubibatera.. Ubwiherero bwubakishije (...)

Abakozi ba ADARWA bakomerekejwe n’imashini barataka akarengane
Abakozi ba ADARWA bakomerekejwe n’imashini barataka akarengane

Abakozi bakorera abanyamuryango ba koperative ADARWA, ikorera mu gakiriro ka Gisozi, barasaba kurenganurwa nyuma yo gucibwa ibice by’umubiri n’imashini zikora ibikoresho byo mu mbaho ntibahabwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.