Advertisement
 
 
 
 
 
 
 
 

Ubumenyi

Rubavu: Ntazibagirwa umugore wamuyoboye ku mpano yo gushushanya   

  Yanditswe na GISUBIZO Gentil M.
 29 March

 
 

Niyonsaba Serge w’imyaka 28 wavukiye mu karere ka Rubavu yishimira intambwe amaze kugezwaho n’umwuga w’ubugeni, akaba atazanibagirwa zimwe mu nama yagiriwe n’abamubonyemo impano we atarayibonamo.

Muri bo harimo umugore yahuye na we ubwo yajyaga kwiga mu mwaka wa Kane aho yari yoherejwe muri Lycée de Kigali, akamuhumura amaso amusaba kujya kwagura impano yifitemo yo gushushanya.

Ibi byatumye areka kwiga amasomo asanzwe ajya kwiga gushushanya muri Ecole d’art ku Nyundo mu karere ka Rubavu ari na ho yakuye ubumenyi bwinshi bumufasha gukirigita ifaranga.

JPEG - 118 kb
Yanejejwe n’ifoto y’umugore w’uwahoze ari Minisitiri w’Intebe w’u Bwongereza Cherie Blair (Foto_ Gisubizo Gentil M.)

Yanejejwe n’ifoto y’umufasha w’uwahoze ari Minisitiri w’intebe w’u Bwongereza Madamu Tony Blair (Foto_ Gisubizo Gentil M.)

Kubera iyi mpano uyu munyabugeni hari byinshi yishimira amaze kugeraho, nko kuba ntawe yaka amafaranga akoresha mu gushaka ibikoresho binyuranye yifashisha ashushanya, kuba amaze kubaka urubuga rwe acururizaho ibihangano bye ku rwego mpuzamahanga,n’ibindi

Serge ati “Nakoze ifoto ya mbere ku mafaranga ibihumbi 40 none ubu nyikorera amadolari 100, ubu nshobora gukora igihangano mu gihe cy’umunsi umwe mu gihe mu myaka yashize nagikoraga ibyumweru bibiri, mfite abantu nsigaye nsangiza ku mpano yanjye nkabafasha kubigisha gushushanya no kurema ibishushanyo ikindi kandi nibeshejeho neza mu mujyi wa Kigali."

Uyu musore abasha gushushanya umuntu amureba cyangwa yifashishije ifoto. Hari ingero nyinshi z’amasura y’abantu yashushanyije harimi n’iye ubwe.

JPEG - 80.1 kb
Uyu musore agerageza guhanga udushya anishushanya mu nyifato itandukanye

Serge afite icyerekezo cyo guca ukubiri n’ubukode kubera impano yumva icyambere agomba kuzubaka inzu ye bwite agashyiramo (studio) aho azajya akorera, aho acururiza anamurikira ibihangano bye ndetse bikaba mpuzamahanga.

Ikindi, yifuza ko abafite amahoteli n’ibigo byijyenga ko bazajya bagura ibihangano nyarwanda bagaha agaciro abahanzi nyarwanda ntibapfukirane banapfobye impano zabo.

Kuri we yifuza ko hakwiye kujyaho urugaga rw’abanyabugeni mu Rwanda kugirango no mugihe habaye ikibazo runaka bagire ubuvugizi kandi hagashwa abato bafite inyota hazamurwa impano yabo yo gushushanya.





JPEG - 249.5 kb
Agira ibishushushanyo bitandukanye (Foto Gisubizo Gentil M.)


 

Comments

Who are you?
Your post
  • To create paragraphs, just leave blank lines.

 
 
Rubavu: Ntazibagirwa umugore wamuyoboye ku mpano yo gushushanya
Rubavu: Ntazibagirwa umugore wamuyoboye ku mpano yo gushushanya

Niyonsaba Serge w’imyaka 28 wavukiye mu karere ka Rubavu yishimira intambwe amaze kugezwaho n’umwuga w’ubugeni, akaba atazanibagirwa zimwe mu nama yagiriwe n’abamubonyemo impano we atarayibonamo. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.