Advertisement
 
 
 
 
 
 
 
 

Ubukungu

WASAC mu bigo bihatanira igihembo mpuzamahanga cy’imicungire y’amazi   

  Yanditswe na IMVAHO NSHYA
 March 2016

 
 

Ikigo cy’Amazi, Isuku n’Isukura (WASAC) cyashyizwe mu bigo bizatoranywamo ikizahabwa igihembo mpuzamahanga cy’imicungire y’amazi.

Iki kigo cyatoranyijwe kubera impinduka zikomeye cyagize mu mwaka wa 2015, zatumye umutungo wacyo wikuba kabiri naho kwishyuza bikagera ku kigero cya 100%.

Igihembo Mpuzamahanga ku micungire y’amazi gitangwa n’ikinyamakuru cyo mu Bwongereza gitangaza ibijyanye n’urwego rw’amazi. Abatanga icyo gihembo, bavuga ko umutungo wa WASAC wiyongereyeho 174% mu mwaka umwe, ukava ku gihombo cya miliyoni 136 z’amafaranga ukagera ku nyungu y’ikirenga ya miliyoni 374.

JPEG - 137.5 kb
Perezida Kagame afungura uruganda rwa Nzove

Abagize akanama nkemurampaka bagarutse ku ruhare rw’umuyobozi wa WASAC, James Sano, Minisiteri y’Ibikorwa remezo n’ikigo cyahawe isoko ryo kwiga ku mpinduka.

Bati” Ku buyobozi bwa James Sano, n’ubufatanye bwa Minisiteri y’Ibikorwa remezo na 2 ML Consulting, iki kigo cyagaragaje imikorere idasanzwe mu gihe gito. Habayeho impinduka mu miyoborere, imicungire, kwakira abakiriya, ikoreshwa ry’ingufu no kugaruza amazi atishyurwa. Kuri ubu WASAC ifatwa nk’icyitegererezo muri Afurika yo munsi y’Ubutayu bwa Sahara.”

WASAC yashinzwe mu 2014 nyuma yo gucamo kabiri icyari ikigo cy’igihugu cy’amazi n’amashanyarazi (EWSA).

Ni nyuma y’uko ejo hashize, Perezida Kagame yafunguye uruganda rutunganya amazi rwa Nzove 2 ruzongera metero kibe 25 000 ku munsi ku mazi akoreshwa mu mujyi wa Kigali.

Icyo gihembo kizatangirwa i Abu Dhabi muri Leta Zunze Ubumwe z’Abarabu ku ya 19 Mata 2016.

Gutora WASAC Kanda Hano

Igihembo cya Global Water Awards cyatangiye gutangwa mu 2006, gihabwa ibigo by’indashyikirwa mu gusaranganya amazi, kuyayungurura no kuyavanamo ubusharire ndetse n’ibyimakaza ikoranabuhanga mu mikorere yabyo.

 

Comments

 
 
Umusore usoje amashuri y’imyuga i Rubavu yakoze imashini itunganya ibiribwa
Umusore usoje amashuri y’imyuga i Rubavu yakoze imashini itunganya ibiribwa

Abayisenga Jean Fabrice, umusore umaze imyaka ibiri arangije amashuri y’imyuga, utuye mu murenge wa Rugerero mu karere ka Rubavu yihangiye imashini isya ibiribwa bimwe na bimwe. Iyi mashini (...)

Kigali: RSE yahagurukiye kumvisha uburinganire abacuruzi n’abashoramari
Kigali: RSE yahagurukiye kumvisha uburinganire abacuruzi n’abashoramari

Ubuyobozi bw’isoko ry’imari n’imigabane mu Rwanda bwiunze ku yandi masoko arenga 40 ku isi mu guhagurukira icyuho cy’uburinganire mu bashoramari n’abakuriye ibigo by’ubucuruzi. Ubuyobozi bw’Isoko (...)

KCB yifuza ko guhererekanya amafaranga mu ntoki biba amateka mu Rwanda
KCB yifuza ko guhererekanya amafaranga mu ntoki biba amateka mu Rwanda

Gukoresha uburyo bwo gucuruza no kwishyura hifashishijwe ikoranabuhanga byatangiye gutanga umusaruro mu Rwanda kuko hari umubare munini umaze kubona ibyiza byo guhaha utitwaje amafaranga no (...)

Ngoma:Yatejwe imbere n’umwuga w’ubucuzi amazemo  imyaka 13
Ngoma:Yatejwe imbere n’umwuga w’ubucuzi amazemo imyaka 13

Habimana Déogratias utuye mu kagari ka Karama, umurenge wa Kazo mu karere ka Ngoma, avuga ko umwuga w’ubucuzi amaze imyaka igera kuri 13 akora umutungiye umuryango, kandi akaba amaze kuwukuramo (...)

Rubavu: Barishimira ko karoti zari zabahombanye zabonye isoko mu mahanga
Rubavu: Barishimira ko karoti zari zabahombanye zabonye isoko mu mahanga

Abahinzi ba karoti bo mu murenge wa Kanzenze mu karere ka Rubavu barishimira ko umusaruro wabo ubu noneho wabonye isoko, nyuma y’uko karoti zabo zari zarabahombanye, aho umufuka waguraga ibihumbi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.