Advertisement
 
 
 
 
 
 
 
 

Ubukungu

Uruganda rw’imyumbati rwa Kinazi rwatakaje 70% by’umusaruro   

  Yanditswe na UMUTONI BEATHA
 July 2016

 
 

Ubuyobozi bw’uruganda rwa rutunganya imyumbati Kinazi Cassava Plant, ruherereye mu karere ka Ruhango, butangaza ko ikibazo cy’indwara y’imyumbati cyagize ingaruka zikomeye ku mikorere n’umusaruro warwo.

Kuri ubu umusaruro batunganya w’imyumbati ungana na toni ziri hagati ya 20% na 30% bya toni 60 rwatuganyaga ku munsi, kandi nazo ziboneka hakozwe urugendo rw’ibirometero 400.

Nk’uko Birasa Chrispin, umukozi mu ruganda Kinazi Cassava ushinzwe umusaruro utunganywa mu ruganda abivuga, kuva imyumbati yahura n’indwara ya kabore, cyane cyane mu Ntara y’Amajyepfo, ngo byagize ingaruka zikomeye ku mikorere y’uru ruganda.

JPEG - 262 kb
Uruganda rw’imyumbati rwa Kinazi rwabuze umusaruro rutunganya kubera uburwayi bw’imyumbati

Avuga ko byagize ingaruka ku musaruro batunganyaga ku munsi wagabanutse, ndetse bikaba byaragize ingaruka ku ibiciro, ndetse n’abaturage bahabwaga akazi muri uru ruganda.

Yagize ati:“Uburwayi bw’imyumbati bwaduteye ikibazo, ku buryo ubu tujya gushakisha mu bindi bice nko mu burasirazuba, ahantu haba harenga ibirometero 300, cyangwa 400, ku buryo tuyigeza ku ruganda yahenze. Ubu abakozi twarabagabanyije kuko umusaruro twabonaga nawo wagabanutse, ubu dutunganya hagati ya 20 na 30 ku ijana by’imyumbati twatunganyaga mbere, urumva ko ari bike cyane.”

Nyiraminani Rachel, umwe mu baturage bakora muri uru ruganda, avuga ko nta myumbati bafite yagemurirwa uruganda nk’uko byari bisanzwe, bikaba byaratumye batakibona akazi nk’uko bakabonaga mbere imyumbati itararwara.

Uyu muturage kimwe na bagenzi be bifuza ko imbuto y’imyumbati yakongera kuboneka vuba, kugira ngo uruganda rubone umusaruro uhagije rutunganya, nabo babone akazi.

Mbabazi Francois Xavier, umuyobozi w’akarere ka Ruhango, nawe yemeza ko umusaruro utunganywa n’uruganda wagabanutse, ariko hakaba hari icyizere ko umwaka utaha mu kwezi 9 imbuto irimo ituburwa izaba imaze kubona umusaruro uruganda rugakomeza uko rwari rusanzwe rukora.

Yagize ati:"Ni byo uru ruganda igipimo rwakoraho cyaragabanutse kubera ikibazo cy’uburwayi bwa kabore bwaje mu myumbati, ariko twizera ko mu mwaka utaha mu kwezi kwa cyenda uru ruganda ruzongera gukora neza dukurikije uburyo imbuto nshya yatanzwe mu bari kuyitubura, igenda ikwirakwizwa hirya no hino mu bandi baturage.”

Mu gihe imyumbati itararwara ifu ikorerwa muri uru ruganda yaguraga amafaranga 300 ku kilo, kuri ubu ngo igura amafaranga 800 ku kilo.

 

Comments

 
 
Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Barasaba ko “amafaranga y’ikaramu” bakatwa na Sacco akurwaho
Barasaba ko “amafaranga y’ikaramu” bakatwa na Sacco akurwaho

Abaturage bari mu cyiciro cya mbere cy’ubudehe bakora muri VUP mu murenge wa Karambi, mu karere ka Nyamasheke, barasaba ubuyobozi bw’umurenge wabo n’ubw’akarere kubakemurira ikibazo cy’amafaranga (...)

Abahinzi barasabwa guhinga vuba bitarenze ku ya 15 Werurwe
Abahinzi barasabwa guhinga vuba bitarenze ku ya 15 Werurwe

Abahinzi bo mu Karere ka Nyaruguru barasabwa guhinga vuba bakaba barangiye gutera bitarenze taliki ya 15 Werurwe 2017, kugira ngo bazafunge neza itera ry’igihembwe cy’ihinga 2017B. Ibi abahinzi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.