Advertisement
 
 
 
 
 
 
 
 

Ubukungu

Umwalimu Sacco mu nzira zo gucutswa ku nkunga za Leta   

  Yanditswe na MUGISHA BENIGNE
 1 month ago

 
 

Minisitiri w’Uburezi Dr Musafiri Papias Malimba, yibukije abayobozi ba Koperative Umwalimu Sacco ko igihe kigeze ngo iyi koperative y’abarimu icutswe ku nkunga za Leta, bityo itangire kwigira.

Minisitiri Dr Musafiri i yagarutse kuri gahunda yo gucutsa Umwalimu Sacco mu muhango w’ihererekanyabubasha bw’abayobozi ba bacyuye igihe n’abashya. Yashimangiye ko Leta yatangiye kuyifasha kuva yashingwa mu mwaka wa 2006, ikaba yari yarihaye intego yo kuyitera inkunga mu gihe cy’imyaka 10 hanyuma igatangira kwigira.

Ati “Mukwiye gutangira gutekereza ko inkunga za Leta kuri koperative yanyu zizagira igihe zigahagarara mugatangira kwigira nk’uko Perezida wa Repubulika akunze kubishishikariza abanyarwanda bose, mukaba mugomba gufata iya mbere mu gushaka nk’abayobozi uburyo burambye bw’itarembere ry’iyi koperative.”

Minisitiri Dr. Musafiri (ibumoso) mu muhango w'ihererekanyabubasha hagati y'abayobozi ba Koperative Umwalimu Sacco


Yakomeje asaba umuyobozi mushya wa Koperative Umwalimu Sacco ibintu bitatu akwiye kwitaho afatanyije n’izindi nzego z’ubuyobozi bwa harimo kunoza imiyoborere mu nzego zose, gusuzuma ibyo Koperative yagejeje ku banyamuryango bayo bifitiwe ibimenyetso bifatika no gutegura uburyo bufatika bwo kwigira.

Umuyobozi Mukuru mushya wa Koperative Umwalimu Sacco Uwambaje Laurence, nk’uwari umukozi wa Banki Nkuru y’u Rwanda (BNR) ashinzwe ibigo by’imari iciriritse by’umwihariko Koperative Umwalimu Sacco, nyuma yo gushyikirizwa ububasha yabwiye abakozi mu nzego zose ko aje gufatanya nabo mu gukomeza guteza imbere iyi koperative y’abarimu, akazibanda cyane ku gukora amavugurura mu nzego zose mu rwego rwo gushimangira ibimaze kugerwaho, kunoza serivizi abarimu bakenera muri koperative Umwalimu Sacco no gushaka iterambere rya yo.



Ati “ Sinje gukora ibitangaza, ahubwo nje gufatanya na mwe mu gushakira hamwe iterambere rya Koperative Umwalimu Sacco, nzanye ubunararinonye mfite kongeraho ubwanyu, dushyire hamwe tuzamure iyi Koperative y’abarimu.”

Naho Dusabirane Aimable, Umuyobozi wayoboraga by’agateganyo iyi Koperative Umwalimu Sacco mu gihe cy’amezi 11 ari nawe washyikirije ubuyobozi n’ububasha umuyobozi mushya yashimangiye ko Koperative Umwalimu Sacco hari aho yavuye n’aho igeze, ariko ko inzira ikiri ndende kugira ngo igere ku ntego itegerejweho mu guteza imbere abarezi.

Umuyobozi ucyuye igihe yashimangiye ko inkunga za Leta zitazahoraho, ko ahubwo zizagera aho zigahagarara, akaba asaba umuyobozi mushya kwagura serivisi zihabwa abanyamuryango kugira ngo iyi koperative ikomeze kwiyubaka bityo izabashe kwigira mu gihe kiri imbere.

Yibukije ko Koperative Umwalimu Sacco ifite abanyamuryango 73 382, bafite ubwizagame buhoraho bwa Miliyari zisaga 13, ubwizigame budahoraho bungana na miliyari 8.



Umuyobozi w’Inama y’ubutegetsi nawe bwana Siborurema Tite yagaragaje ibimaze kugerwaho na Koperative Umwealimu Sacco nk’inguzanyo zimaze gutangwa kuva iyi Koperative yashingwa mu mwaka wa 2006 zingana na Miliayari 120, aho igice kinni cyagiye mu mishinga iciriritse no gushakira abarimu amacumbi.

Koperative Umwalimu Sacco igizwe n’ubuyobozi bw’Inama y’ubutegetsi n’iy’ubugenzuzi ndetse n’ubuyobozi bw’icungamutungo n’itsinda rishinzwe inguzanyo, kandi igizwe n’amashami 30 akorera mu turere twose tw’igihugu.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.