Advertisement
 
 
 
 
 
 
 
 

Ubukungu

Umushinga wa Obama urahindura u Rwanda icyitegererezo mu buhinzi bw’ibihumyo   

  Yanditswe na NTAWITONDA JEAN CLAUDE
 4 months ago

 
 

Umushinga ‘Feed the Future’ watangijwe na Perezida wa Leta Zunze Ubumwe za Amerika Barack Obama hagamijwe gushaka umuti w’inzara ku Isi, wafashije u Rwanda kugera ku ntera ishimishije mu buhinzi by’ibihumyo ku buryo rugiye kuza ku mwanya wa mbere muri Afurika y’Iburasirazuba mu gutanga umusaruro wizewe kandi uhagije iri soko risanzwe ryihariwe n’u Burayi.

Uyu mushinga wacishijwe mu kigega cya Leta Zunze Ubumwe za Amerika gishinzwe iterambere mpuzamahanga mu Rwanda (USAID) watumye hubakwa uruganda rwa mbere rutunganya ibihumyo mu karere ka Musanze, hahingwa umurima wa hegitari ebyiri witezweho kujya utanga toni 250 z’umusaruro wabyo buri mwaka.

JPEG - 527.4 kb
Umurima w’ibihumyo muri Musanze witezweho gutanga toni 250 buri mwaka

Ishami rishinzwe itumanaho muri USAID ryatangaje ko uyu mushinga wayobowe ku gukorana n’abahinzi bikorera mu Rwanda witwa ‘Private Sector Driven Agricultural Growth Project’, hagamijwe kugera ku nzozi za Perezida Obama zo gushaka uburyo Isi yahaza abaturage bategerejwe kugera kuri miliyari zisaga icyenda bitarenze mu mwaka wa 2050.

U Rwanda ni kimwe mu bihugu 19 byo ku mugabane wa Afurika, Asia and Amerika y’Epfo na Caraibbe bibona amahirwe kuri uyu mushinga watangiye gufasha abahinzi nyarwanda guhera mu 2014 ukazageza mu 2019.

Mu cyumweru gishize ni bwo hatashywe ahari igicumbi cy’umusaruro w’ibihumyo mu karere ka Musanze. USAID ngo yafatanyije n’Ikigo Kigali Farms mu gutunganya hegitari zizajya zibyara toni 250 z’ibihumyo buri mwaka, no kubaka uru ruganda rubitunganya.

JPEG - 127.6 kb
Abayobozi bahagarariye Kigali Farms na USAID bafungura ku mugaragaro igicumbi cy’’ibihumyo hashya mu Rwanda

Biteganyijwe ko Kigali Farms igiye kwagura isoko ryo mu Burasirazuba bwa Afurika aho ubwoko bw’ibihumyo bigiye guhingwa ku bwinshi mu Rwanda bikurwa mu mahanga cyane cyane i Burayi.

Na none kandi abahinzi nyarwanda cyane cyane abo mu Karere ka Musanze na Burera bafite amahirwe yo kubona umurama w’ibihumyo mu buryo buboroheye nabo bakaba babyihingira mu kubona umusaruro wabafasha guhindura imibereho yabo no kurandura imirire mibi.

Umuyobozi wa Kigali Farm Laurent Demuynck, yagize ati “Mu gihe ibihumyo birenze kuba ubucuruzi, abahinzi babonye amahirwe yo kubyihingira… Byinjiza amafaranga ariko byafasha n’imirire y’abaturage aho kugira ngo bijye bigurishwa mu mahoteli gusa.”

Kugeza ubu abahinzi barenga 1,500 bo mu karere ka Musanze n’aka Burera bamaze guhugurirwa guhinga ibihumyo binyuze mu mirima y’icyitegererezo 77. Muri aba bahinzi harimo 356 batanze toni 5 mu musaruro wa mbere bari bagize.

 

Comments

 
 
 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Barasaba ko “amafaranga y’ikaramu” bakatwa na Sacco akurwaho
Barasaba ko “amafaranga y’ikaramu” bakatwa na Sacco akurwaho

Abaturage bari mu cyiciro cya mbere cy’ubudehe bakora muri VUP mu murenge wa Karambi, mu karere ka Nyamasheke, barasaba ubuyobozi bw’umurenge wabo n’ubw’akarere kubakemurira ikibazo cy’amafaranga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.