Advertisement
 
 
 
 
 
 
 
 

Ubukungu

Umusaruro mbumbe w’igihembwe cya mbere wazamutseho 7.3%   

  Yanditswe na MUTUNGIREHE SAMUEL
 June 2016

 
 

Umusaruro mbumbe w’igihugu (GDP: Gross Domestic Product) igihembwe cya mbere 2016 wavuye kuri miliyari 1,384 mu 2015 ugera kuri miliyari 1,536 mu 2016 bisobanuye kuzamuka ku kigero kiri hafi ya 7.3%.

Umuyobozi Mukuru w’ Ikigo cy’Igihugu cy’Ibarurishamibare Murangwa Yusuf yasobanuye ko serivisi zaje ku isonga mu byazamuye ubukungu aho yihariye 46% ku bukungu bw’igihugu, mu gihe ubuhinzi bufataho 33% naho inganda zigafataho 15%.

Uku kuzamuka mu nzego zitandukanye gusobanuye ko inganda zazamutse ku kigero 10% ubuhinzi bwazamutseho 7% kimwe na serivisi (7%).

JPEG - 58.6 kb
Minisitiri w’Imari n’Igenamigambi Ambasaderi Gatete Claver (iburyo) n’umuyobozi w’Ikigo cy’Ibarurishamibare NISR Murangwa Yusuf mu kiganiro n’itangazamakuru

Ubukungu nka kimwe mu bitunze umubare munini w’Abanyarwanda bisobanurwa ko bufashe runini mu bizamura ubukungu bw’igihugu cyane hashingiwe ku byoherezwa mu mahanga birimo cyane ikawa n’icyayi.

Murangwa asobanura ko byageze aho byenda kurenga igihombo cyatewe no kugwa kw’ibiciro by’ibyoherezwa mu mahanga birimo nk’amabuye y’agaciro.

Minisitiri w’Imari n’Igenamigambi Amb. Gatete Claver yasobanuye ko kuba urwego rw’ubuhinzi rutunze benshi rugaragaza kuzamura ubukungu bw’igihugu bidatuma hahita hashakwa izindi ngamba zirwihutisha, bisaba kureba uko ku rwego mpuzamahanga bihagaze.

Ati “Ntabwo twahindura ibyo twiteze kuzageraho dushingiye gusa ku bivuye muri raporo y’igihembwe kimwe, ntibishoboka! Tugomba kubanza kureba uko bizaba bimeze mu gihembwe cya 2 umuntu akaba yareba imbere akareba inzitizi cyangwa amahirwe ahari bityo umuntu akaba yagira uko atekereza uburyo bizaba bimeze bitewe n’ubunararibonye .”

Yongeraho ko bikunze gukorwa iyo harebwa uko ubukungu bwifashe mu gihe cy’amezi 9 ku rwego rw’Isi, mu karere, imbere mu gihugu, ibiri gukorerwa mu gihugu, imishinga itandukanye byose bigafasha ugena kureba uko umwaka uzarangira uhagaze.

Minisitiri avuga ko n’ubwo ibiciro ku mabuye y’agaciro ku rwego mpuzamahanga byagabanutse ku kigero cya 5%, hamaze gufatwa ingamba zo kuyongerera agaciro agatunganyirizwa mu gihugu kugira ngo bifashe ibyoherezwa hanze bibe bifite agaciro kiyongereyeho.

Kuba ibiciro ku masoko biri kuzamuka umuyobozi w’ikigo cy’Igihugu cy’Ibarurishamibare asobanura ko bitavuze ko ari akaga.

Minisitiri Amb. Gatete asobanura ko abantu batagombye guterwa ubwoba no kuzamuka keretse bigeze ku 8% mu gihe igihugu gifite intego ko kitarenza 5%, ubu kikaba kiri kuri 4.6%.

Raporo y’igihembwe cya kabiri ku musaruro mbumbe w’igihugu yitezwe gushyirwa ahagaragara muri Nzeri 2016 harebwa uko igihugu gihagaze mu bukungu mu gihe umwaka wa 2015 igihugu cyari gihagaze kuri 6%.

 

Comments

 
 
Rubavu: Barishimira ko karoti zari zabahombanye zabonye isoko mu mahanga
Rubavu: Barishimira ko karoti zari zabahombanye zabonye isoko mu mahanga

Abahinzi ba karoti bo mu murenge wa Kanzenze mu karere ka Rubavu barishimira ko umusaruro wabo ubu noneho wabonye isoko, nyuma y’uko karoti zabo zari zarabahombanye, aho umufuka waguraga ibihumbi (...)

Ngoma: Umusaruro w’ibishyimbo n’ibigori waragabanutse
Ngoma: Umusaruro w’ibishyimbo n’ibigori waragabanutse

Ubuyobozi bwa Koperative Rebakure Munyamurama_KOREMU, ikorera ubuhinzi bw’ibigori n’ibishyimbo kuri hegitari 400 mu murenge wa Murama buratangaza ko igihembwe cy’ihinga cya 2017A kitababereye kiza, (...)

 RAB irasaba abahinzi gucika ku birayi bya ’Peko’ bagahinga ibiryoshye
RAB irasaba abahinzi gucika ku birayi bya ’Peko’ bagahinga ibiryoshye

Abacuruzi bacuruza ibirayi mu masoko atandukanye yo mu karere ka Rubavu bavuga ko babangamiwe n’ikibazo cy’ibirayi byitwa Peko bikomeje kubatera igihombo, kuko abakiriya babigura nyuma (...)

Kicukiro: Hatangiye kubakwa  umudugudu ufite agaciro kagera kuri Miliyari 5
Kicukiro: Hatangiye kubakwa umudugudu ufite agaciro kagera kuri Miliyari 5

Akarere ka Kicukiro katangije ku mugaragaro igikorwa cyo kubaka umudugudu w’icyitegererezo (IDP Model Village) uzatuzwamo abakuwe mu manegeka ufite agaciro kagera kuri miliyari eshanu z’amafaranga (...)

Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.