Advertisement
 
 
 
 
 
 
 
 

Ubukungu

Umunyarwandakazi arahatanira igihembo mpuzamahanga cy’ikoranabuhanga   

  Yanditswe na HERVE UGIRUMUKUNDA
 April 2016

 
 

Clarisse Uwineza ni Umunyarwanda umwe rukumbi uhatanira igihembo mpuzamahanga cy’ikoranabuhanga mu bihugu bikiri mu nzira y’amajyambere GIST Tech I.

Muri iryo rushanwa, Uwineza afitemo umushinga ugamije kubyaza umusaruro umwanda. Ikoranabuhanga rye rituma umwanda wabyara amakara, umuriro w’amashanyarazi n’ubushyuhe bityo bigateza mbere kubungabunga ibidukikije.

GIST Tech I ni irushanwa ryateguwe n’Ikigo cya Leta Zunze Ubumwe za Amerika gishinzwe iterambere ry’udushya binyuze muri siyansi, rikorwa kuva mu 2014.

Aganira n’Imvaho Nshya, Uwineza yavuze ko ageze mu gice kibanziriza icyiciro cya nyuma cy’irushanwa. Yasobanuye ko umushinga we watoranyijwe kubera ubuhanga ukoranwe ku buryo kugeza ubu ari mu bantu 30 ba mbere.

JPEG - 31.9 kb
Uwineza Clarisse arahatanira igihembo mpuzamahanga cy’udushya mu ikoranabuhanga

Agira inama Abanyarwandakazi ngo ntibitinye ngo bahore bumva ko bazatega amaboko basaza babo n’abagabo babo.

Ati” Tugomba gutekereza icyaduteza imbere hamwe n’igihugu cyacu nk’uko Umukuru w’Igihugu ahora abitubwira. Tukereka amahanga ko dushoboye! Abatinya kwihangira imirimo cyane cyane Abanyarwandakazi nababwira ko icya mbere ari ugutinyuka no kwiyemeza , tugatekereza kure tukegera abandi badufasha kuko turashoboye!”

Uwineza akeneye amajwi azatuma aba muri ba rwiyemezamirimo bazahatanira igihembo cya nyuma kizatangwa mu nama mpuzamahanga y’ishoramari izabera i Silicon Valley muri Leta ya California ku wa 23-24 Kamena 2016.

Gutora umushinga wa Uwineza mu marushanwa ya GIST Tech I, KANDA HANO. Ushobora kumutora buri munsi kugeza ku ya mbere Gicurasi.

 

Comments

 
 
Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Barasaba ko “amafaranga y’ikaramu” bakatwa na Sacco akurwaho
Barasaba ko “amafaranga y’ikaramu” bakatwa na Sacco akurwaho

Abaturage bari mu cyiciro cya mbere cy’ubudehe bakora muri VUP mu murenge wa Karambi, mu karere ka Nyamasheke, barasaba ubuyobozi bw’umurenge wabo n’ubw’akarere kubakemurira ikibazo cy’amafaranga (...)

Abahinzi barasabwa guhinga vuba bitarenze ku ya 15 Werurwe
Abahinzi barasabwa guhinga vuba bitarenze ku ya 15 Werurwe

Abahinzi bo mu Karere ka Nyaruguru barasabwa guhinga vuba bakaba barangiye gutera bitarenze taliki ya 15 Werurwe 2017, kugira ngo bazafunge neza itera ry’igihembwe cy’ihinga 2017B. Ibi abahinzi (...)

Umusore usoje amashuri y’imyuga i Rubavu yakoze imashini itunganya ibiribwa
Umusore usoje amashuri y’imyuga i Rubavu yakoze imashini itunganya ibiribwa

Abayisenga Jean Fabrice, umusore umaze imyaka ibiri arangije amashuri y’imyuga, utuye mu murenge wa Rugerero mu karere ka Rubavu yihangiye imashini isya ibiribwa bimwe na bimwe. Iyi mashini (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.