Advertisement
 
 
 
 
 
 
 
 

Ubukungu

Umukobwa w’i Musanze yatejwe imbere n’umwuga wo kugendera ku karasisi   

  Yanditswe na NGABOYABAHIZI PROTAIS
 2 months ago

 
 

Mfitumukiza Vestine, umukobwa wo mu karere ka Musanze, umurenge wa Muhoza, avuga ko yatejwe imbere no kwigisha abantu kugendera ku karasisi (parade).

Uyu mukobwa yigisha akarasisi abanyeshuri bo ku bigo bitandukanye, agatoza n’abandi babyifuza, ndetse nawe ubwe agakora akarasisi mu gihe cy’ubukwe n’indi minsi mikuru akishyurwa.

Uyu mwuga yihangiye, avuga ko umwinjiriza amafaranga amutunze ndetse n’umuryango we, yemeza kandi ko icyo umuntu ashoboye, agikunze kandi azi ashobora kukibyaza umusaruro.

JPEG - 72.2 kb
Mfitumukiza Vestine ngo ibiraka biba ari byinshi (foto Ngaboyabahizi Protais)

Nyuma yo kurangiza amashuri yisumbuye aho ngo yize ishami ry’imibare, ibinyabuzima n’ubutabire, Mfitumukiza avuga ko yagize amahirwe yo kujya kwitoza akarasisi nk’urundi rubyiruko rwo muri EAR, rwari ruturutse muri Diyosezi ya Shyira, rwerekeje muri Kenya ahitwa Kikuyu mu mwaka wa 2012.

Yemeza ko nyuma y’amezi atatu yamaze yo we yahisemo kubigira umwuga.

Yagize ati “Njye nari nzi ko akarasisi ari ak’inzego z’umutekano zibereyeho gushimisha abantu gusa, ariko noneho njye nasanze nabigira umwuga, nkabibyaza amafaranga, akarasisi ni siporo mu zindi, iyo nyikora mba niyongerera amahirwe yo gukomeza kubaho, ariko nanone birantunze, ntiwampagurutsa ngo nze gutoza abanyeshuri utanyishyuye ibihumbi 50”.

JPEG - 48.5 kb
Umwambaro w’akarasisi ubera Mfitumukiza benshi bakamurangarira

Mfitumukiza ashimangira ko ageze mu mwaka wa nyuma w’amashuri makuru abikesha uyu mwuga.

Yagize ati “Nakoze akarasisi bituma mbona umuterankunga none ubu ndimo kurangiza amashuri makuru muri INES, burya akantu wita ko katakubyarira inyungu, ahubwo aho ni ho inyungu iba iri cyane.

Iyo mfite abantu ndatoza kandi buri wese anyishyura ibihumbi 50, abyiga kugeza abifashe, twashyizeho itsinda rikora akarasisi mu bukwe, kugira ngo uduhagurutse utwishyura nibura ibihunbi 500, uretse ko nyine bidakunze kubaho.

Ariko ndakubwira ko nibura mu kwezi ntabura ibihumbi ijana na mirongo itanu, urumva ni amafaranga menshi kuri njye”.

JPEG - 73.4 kb
Mfitumukiza n’abana yatoje akarasisi

Akomeza avuga ko indwara ubu yateye mu rubyiruko yo kuvuga ngo rwabuze igishoro ruba rubeshya, ngo ahubwo icya mbere ni ukureba kure.

Ati “None se nkanjye ubu wavuga ngo nashoye angahe? Naratekereje gusa nyuma yo kumva ko akarasisi gakunzwe, kandi natangiye mbikorera ubuntu, ariko byabaye ngombwa ko mbibyaza umusaruro.

Urubyiruko nirureke kwitinya cyane ndabwira abakobwa bagenzi banjye bumva ko babona amafaranga bayakuye ku basore n’abagabo rimwe na rimwe bakahakura inda zitateguwe”.

Gusa ngo n’ubwo akora uyu mwuga w’akarasisi ngo aracyafite imbogamizi zirimo kuba nta bikoresho bihagije byo gucuranga mu karasisi afite, ndetse no kuba abahungu bamwe ngo bamufata nk’umusirikare bityo ngo bakumva ko bamushatse nk’umugore yabakubita.

Mu gihe cy’imyaka igera kuri 4, ngo yakuyemo amafaranga menshi ku buryo ngo konti ye ibyibushye.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.