Advertisement
 
 
 
 
 
 
 
 

Ubukungu

Uburasirazuba: Imikorere y’abashinzwe gukusanya amahoro mu turere irakemangwa   

  Yanditswe na HAKIZIMANA YUSSUF
 5 months ago

 
 

Bamwe mu bayobozi b’uterere baremeza ko kuba amahoro (amahooro) y’uturere twabo yarasubiye inyuma ugereranyije n’ayo binjizaga mbere bikiri mu maboko y’akarere, akenshi biterwa n’imikorere mibi y’abatsindiye isoko ryo gukusanya amahoro y’akarere.

Ubwo hizihizwaga umunsi w’abasora, abayobozi b’uturere two mu Ntara y’Uburasirazuba ntibahwemye kugaragaza ikibazo baterwa na rwiyemezamirimo ufite isoko ryo gukusanya amahoro y’akarere, dore ko ubu byavanwe mu maboko y’uturere bwite.

Umuyobozi w’akarere ka Kayonza Murenzi Jean Claude, yagize ati:“Dufite ikibazo mu myinjirize y’imisoro n’amahoro mu turere….Si mu Ntara y’Uburasirazuba gusa ni mu turere twose tw’igihugu, dufite ikibazo cy’abakira imisoro.

JPEG - 302 kb
Guverineri Uwamariya Odette (Foto Manishimwe N)

Hari uwatanze urugero nk’umuturage kuva mu ifasi runaka ajya mu yindi akishyura amafanga 1000 nyamara yatanze amafaranga 8000 bya tike.”

Meya Murenzi yakomeje agira ati:“Ibi tubifitemo imbogamizi cyane, dusaba ko ibi byahinduka mukareba amasezerano mwagiranye na Ngali kuko ni mwe mureba uko irimo gukora ikadufasha, ikareba ko natwe ayo mahoro tugomba kubona akaboneka tukabona uko twagera ku ntego yacu.

Dufashe urugero muri Kayonza twageze kuri 66% ntabwo twageze ku ntego yacu twihaye, mwadufasha rero kuko bikomeje gutya uyu mwaka nabwo byazaba nk’ibi cyangwa bigasubira hasi.”

Guverineri w’Intara y’Uburasirazuba Uwamariya Odette, yavuze ko ibi bibazo bifitanye isano n’uko ari bwo iyi gahunda igitangira, bityo ngo uko ibihe bigenda biza bazarushaho kunoza imikorere, kandi ngo ibibazo biragenda bigabanuka bagereranyije n’ibyari bihari.

Komiseri mukuru wungirije mu kigo cy’igihugu gishinzwe kwinjiza imisoro n’amahoro(RRA) Ruganintwali Pascal, yasabye ibigo by’imari kwegera abaturage kugira ngo byorohereze abaturage ku ngendo ndende bakora cyangwa se bakajya bakoresha uburyo bw’ikoranabuhanga mu guhererekanya amafaranga.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.