Advertisement
 
 
 
 
 
 
 
 

Ubukungu

Ubukungu bw’u Rwanda bwazamutseho 5.4% mu gihembwe cya kabiri cya 2016   

  Yanditswe na MUTUNGIREHE SAMUEL
 4 months ago

 
 

Ikigo cy’Igihugu cy’Ibarurishamibare mu Rwanda (NISR) cyatangaje ko umusaruro mbumbe w’imbere mu gihugu (GDP), kuva mu kwezi kwa Mata kugeza Kanama 2016 (igihembwe cya kabiri) wazamutse ku kigero cya 5,4% bingana na miliyari 1.549 z’amafaranga y’ u Rwanda uvuye kuri miliyari 1.428 mu gihembwe cya kabiri cy’umwaka wa 2015.

Imibare yerekana ko icyiciro cy’inganda cyagabanutse ku kigero cya 2% ugereranyije n’izamuka rya 10% ku bukungu bw’igihembwe cya kabiri umwaka wa 2015.

Umuyobozi w’Ikigo cy’Igihugu cy’Ibarurishamibare, Murangwa Yusuf yavuze ko iryo gabanuka ryaturutse ku byo u Rwanda rwohereza hanze nk’amabuye y’agaciro kimwe n’ubwubatsi bimaze hafi imyaka 2 bifite ibiciro byaguye ku isoko mpuzamahanga.

Yagize ati “Ibyo twohereza mu mahanga byagabanutseho 23% cyane bitewe n’ikawa yagabanutseho 37% ariko icyayi cyo cyazamutseho 4.7%. Ikindi amabuye y’agaciro yagabanutseho 13% n’ubwubatsi bugabanukaho 6%.”

JPEG - 215.8 kb
Umuyobozi Mukuru w’Ikigo cy’Ibarurishamibare, Murangwa Yusuf ageza ku itangazamakuru raporo y’ubukungu mu gihembwe cya kabiri 2016 (Foto Samuel M)

Yasobanuye ko kumanuka kw’igipimo cy’ibikorwa by’ubwubatsi byatewe n’uko hari ko ibikorwa byinshi by’ubwubatsi byarangiye mu gihembwe cya kabiri cy’uyu mwaka mu gihe ibindi bitaratangira.

Iyo mishinga ni nayo yari yatumye kandi urwego rw’ubwubatsi mu gihembwe cya kabiri umwaka wa 2015 ruzamuka ku kigero cya 15%, mu ighe ibindi bitarazamuka uno mwaka bigatera iryo gabanuka.

Urwego rw’ubuhinzi n’ubworozi rwazamutse ku kigero cya 3% naho serivisi zizamukaho 9% biturutse ku bucuruzi bwazamutseho 13% kandi bukagira uruhare ungana na 12% by’umusaruro mbumbe w’igihugu.

Ukurikije uko umwaka ushize 2015 izamuka ry’ubukungu ryari rihagaze kuri 7,2% mu gihembwe cya kabiri, ukareba n’uko igihembwe cya mbere uyu mwaka 2016 cyari 7,6% na 5.4% muri iki gihembwe imibare igaragaza ko hari ukugabanuka.

Ikigo cy’ibarurishamibare kivuga ko ubukungu bukizamuka ahubwo icyagabanutse ari umuvuduko bugenderaho.

Ibyiciro by’ubukungu bitera imbere birimo inganda, cyane izikora inkweto n’imyenda nk’uko ziri gushyirwamo ingufu n’abikorera biturutse kuri gahunda ya Leta yo guteza imbere ibikorerwa mu gihugu.

Hiyongeraho amahoteli n’amaresitora, ikoranabuhanga itumanaho no gutanga amakuru na serivisi za Leta zihabwa abaturage, umutekano n’ubwishingizi.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.