2017-07-27 14:29:24 clouds 27o High | Kigali Rwanda

Dukurikire:
 
 

Ubuhinzi bwihariye 8% mu ngengo y’imari 2016/2017

Yanditswe na IMVAHO NSHYA

Kuya 2016-05-04 05:18:35

 
Share on:
 
Yasuwe:4
 
Yavuzweho:200
 
10
 
10

Minisiteri y’Imari n’Igenamigambi (MINECOFIN), yatangaje ko ubuhinzi buziharira amafaranga y’u Rwanda asaga miliyari 61, angana na 8% by’ingengo y’imari ya Leta yo muri 2016/2017.

Umunyamabanga wa Leta ushinzwe igenamigambi muri MINECOFIN, Dr. Uzziel Ndagijimana yabitangaje ubwo we n’itsinda ry’abayobozi bakuru muri iyo minisiteri, bitabaga komisiyo y’ingengo y’imari ya Leta n’abagize itsinda rishinzwe kugenzura imikoreshereze y’imari ya Leta, PAC, mu Nteko Ishinga Amategeko.

Dr. Ndagijimana yamurikiye inteko inyandiko ivunaguye igaragaza uko ingengo y’imari izasaranganywa n’ibikorwa by’ingenzi bizitabwaho biganisha ku iterambere ry’abaturage.

Ubuhinzi bwahariwe amafaranga y’u Rwanda ahwanye na 8% by’ingengo y’imari ya 2016/2017, ari yo angana na 61,400,000,000 akaba azakoreshwa mu bikorwa byo kuzamura umusaruro no kwegereza abahinzi imbuto n’inyongeramusaruro.

Dr Ndagijimana yavuze ko hazibandwa ku kwegereza abahinzi imbuto n’inyongeramusaruro, kuzamura gahunda yiswe “Twigire Muhinzi” nka bimwe mu bikorwa by’ingenzi bizafasha kuzamura umusaruro w’ubuhinzi.

Ati “ Azakoreshwa mu bikorwa byo gutegura no guteza imbere amaterasi y’indinganire no gushyira mu bikorwa umushimga wo gutanga ishwagara cyane mu turere dufite ubutaka busharira, gutunganya ibishanga ku buso buto, kuhira imyaka ku misozi n’ibindi”.

JPEG - 97.7 kb
Dr. Uzziel Ndagijimana, Umunyamabanga wa Leta muri Minisiteri y’Imari n’Igenamigambi ushinzwe igenamigambi (Foto James R.)

Perezida wa Komisiyo y’ingengo y’imari n’abandi badepite basanga hari imwe mu mishinga igamije gushyigikira ibikorwaremezo nk’imihanda, ibitaro, bitagaragara muri iyo nyandiko, kandi muri iyo mishinga hakubiyemo iyo Umukuru w’Igihugu yemereye abaturage.

Aha, Ndagijimana ati “Yaba imihanda n’ibitaro harimo ibya Shyira, ahitwa Vunga, ibya Nyabikenke kugeza ubu bitaruzura kandi nta cyabuze. Byose birimo kandi bizakorwa. Icyakora ku bitaro bya Nyabikenke habaye amakosa yakozwe na sosiyete yari ishinzwe ikurikirabikorwa, ubu harimo gutekerezwa icyakorwa…”

Perezida wa PAC, Nkusi Juvenal, yasabye MINECOFIN kugaragaza ingengo y’imari izakoreshwa kuri buri rwego aho gufatira ibintu muri rusange.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE