2017-08-24 09:26:29 clouds 27o High | Kigali Rwanda

Dukurikire:
 
 

U Rwanda rwiyemeje guhangana n’ibyaha bishingiye ku ifaranga muri Afurika

Yanditswe na

Kuya 2016-10-26 15:17:41

 
Share on:
 
Yasuwe:0
 
Yavuzweho:200
 
10
 
10

Leta y’u Rwanda yiyemeje gusenyera umugozi umwe n’ibindi bihugu bya Afurika mu guhangana n’ibyaha binyuranye bijyanye n’imari kuko biri mu bikidindiza iterambere ry’Umugabane wa Afurika.

Mu nama y’iminsi ibiri ya gatatu ngarukamwaka yahuje impuguke, abahagarariye ibigo by’imari bitandukanye muri Afurika ndetse n’abakuriye inzego z’ubukungu yabereye i Kigali guhera ku wa 26 Ukwakira 2016, Minisitiri w’Imari n’Igenamigambi mu Rwanda Amb. Claver Gatete yatangaje ko u Rwanda rwiteguye gukorana n’ibihugu bikumira ubujura, ikwizwa ry’amafaranga ritemewe, n’ibindi byaha by’imitungo bikorerwa ku ikoranabuhanga.

Iyi nama yateguwe na Banki Nyafurika y’Ubucuruzi mpuzamahanga (Afreximabank), igamije kureba uburyo ibihugu bya Afurika byarushaho guharanira kwigira bishyize hemwe mu gukuraho imbogamizi ku bukungu bwabyo birimo ikwizwa ritemewe ry’amafaranga n’ibyaha byifashisha ikoranabuhanga.

Minisitiri Amb. Gatete yasobanuriye abitabiriye iyi nama ko uko imyaka ihita ari ko ikoranabuhanga ryongera amahirwe mu kwihutisha serivisi zitangwa mu bijyanye n’imari ariko rikanaremera abanyabyaha amahirwe agoranye kuyakurikirana no kuyahagarika.

Yatanze ingero z’uburyo ibyaha bigaragara mu ikwizwa ry’umutungo bigira ingaruka zikomee mu gusubiza inyuma ubukungu bw’Afurika agendeye ku mibare itangwa n’Umuryango w’Ubumwe bwa Afurika yerekana ko umugabane uhomba asaga miliyari 50 buri mwaka bitewe n’ibi bikorwa.

Amb Gatete yagize ati “Mu Rwanda turagerageza guhindura igihugu amarembo y’ishramari muri Afurika ndetse rukaba n’icyitegererezo mu mitengire yaserivisi z’imari. Guverinoma, amabanki n’ibindi bigo by’imari ntibizatakaza ingufu mu gufatanya kurwanya ibyaha bijyanye n’imari mu guteza imbere isoko ryacu.”

Yakomeje ashimangira ko Guverinoma y’u Rwanda yabonye ubwitange bwa Afreximbank mu gutegura iyi nama no kumenyekanisha ibi byaha bimaze guteza ibibazo bikomeye iterambere ry’ubukungu mpuzamahanga.

Dr. George Elombi Umuyobozi Nshingwabikorwa wungirije ushinzwe imiyoborere na serivisi z’amategeko muri Afreximbank yashimangiye ko ikwizwa ry’imari ritemewe muri Afurika ryafashe indi ntera bisaba Guverinoma n’abikorera kumugabane gufatanya iki kibazo kikarangira.

Yakomeje ashima Perezida Kagame ku cyerekezo cyahaye u Rwanda nka kimwe mu bihugu 42 bigize Afremibank, kuko gitanga isomo ku bindi bihugu by’ibinyamuryango.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE