Advertisement
 
 
 
 
 
 
 
 

Ubukungu

U Rwanda rwiteze kuringanira na Uganda mu bucuruzi   

  Yanditswe na MUTUNGIREHE SAMUEL
 4 months ago

 
 

Minisitiri w’Ubucuruzi, inganda n’ibikorwa by’umuryango wa Afurika y’Uburasirazuba (MINEACOM) Kanimba François, yatangaje ko minisiteri ayoboye yiha icyizere ko mu myaka 10 iri imbere ubucuruzi bw’u Rwanda buzaba buringaniye n’ubwa Uganda ku bicuruzwa bizenguruka mu bihugu byombi.

Mu kiganiro n’itangazamakuru ubwo hatangizwaga icyumweru cy’ubukangurabaga ku nshuro ya 7 bugamije kuzamura imyumvire no gushishikariza abaturage bagize ibihugu byo mu Muryango w’Afurika y’Uburasirazuba (EAC) kubyaza inyungu z’ubuhahirane bw’uwo muryango, Minisitiri Kanimba yavuze ko n’ubwo Uganda ifite byinshi irusha u Rwanda, umusaruro uzava mu bukangurambaga ku banyarwanda n’intambwe bumaze kugira bimuha icyizere ko ubucuruzi buzageraho bukaringanira.

Ati “Uganda ni kimwe mu bihugu bigenda neza mu by’ubucuruzi, iyo urebye iracyaturusha byinshi. Ndiha imyaka 10 kugira ngo tube tumaze kuringaniza ubucuruzi, kuko mu nganda baturusha byinshi. Bizadutwara igihe ariko tuzabigeraho.”

JPEG - 259.2 kb
Minisitiri w’Ubucuruzi, inganda n’ibikorwa by’umuryango wa Afurika y’Uburasirazuba (MINEACOM) Kanimba François

Yavuze ko ubucuruzi buri hagati y’u Rwanda na Uganda bugeze ku gaciro ka miliyoni 250 z’amadolari ya Amerika buri mwaka, asaga miliyari 205 z’amafaranga y’u Rwanda.

Yongeyeho ko ubwo bucuruzi abona bugenda buzamuka ku kigero cya 10% bishingiye ku musaruro uva mu nganda, ati “Bizakomeza kugenda byiyongera kubera inganda zidasa n’izahandi ziri kugenda zubakwa mu Rwanda. Ni naho dushingira tuvuga ko icyo cyuho dufite uyu munsi kizagenda kigabanuka.”

Minisitiri yasobanuye ko amahirwe atandukanye mu koroshya ishoramari u Rwanda rugenda ruha abanyamahanga n’Abanyarwanda ari kimwe mu bizamura umusaruro ufatika haba mu kuzamura ubukungu bw’igihugu no gutanga akazi kenshi ku bashomeri.

Ubukangurambaga bwo kumenyekanisha inyungu ziri mu bihugu bigize EAC, buteganyijwe kuva tariki ya 14 kugeza ku ya 19 Ugushyingo 2016 buzibanda ku gusobanurira ububyiruko kwita ku kongera ubumenyi ngiro mu nzego z’imirimo itandukanye bizatuma babasha kwibona bahanganye n’abandi bo mu bihugu bigize uwo muryango.

Hazarebwa kandi imbogamizi abakorera ubucuruzi ku mipaka y’u Rwanda n’ibindi bihugu bagifite zibangamira ubuhahirane, zirimo no gutinda kwa bimwe mu bihugu gushyira mu bikorwa ibyo ubuyobozi bw’umuryango buba bwemeranyijweho.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.