Advertisement
 
 
 
 
 
 
 
 

Ubukungu

U Rwanda rwegukanye ibihembo mu imurikagurisha mpuzamahanga rya Uganda   

  Yanditswe na IMVAHO NSHYA
 5 months ago

 
 

Perezida Yoweri Museveni yahembye u Rwanda abinyujije ku Kigo cy’Igihugu cy’Iterambere, RDB, agishimira ko cyitwaye neza mu imurikagurisha mpuzamahanga rya Uganda ryabaye ku nshuro ya 24 ku wa 8 Ukwakira 2016.

Ubwo yafunguraga iryo murikagurisha ku mugaragaro, Museveni, wari wambaye gisirikare ari kumwe na Minisitiri w’Ubucuruzi, Inganda n’Amakoperative, Amelia Kyambadde, bahembye u Rwanda rwari ruhagarariwe n’umukozi wa RDB ushinzwe guteza imbere ibyoherezwa mu mahanga, Christian Ndatimana.

JPEG - 61.8 kb
Perezida Museveni ashyikiriza umukozi wa RDB igihembo cy’ukou Rwanda rwitwaye neza

Ndatimana yabwiye Imvaho Nshya ko muri iryo murikagurisha u Rwanda rwari ruhagarariwe n’inganda n’abanyabukorikori basaga 21, muri ibyo bigo, icumi ari iby’abagore, kuko n’imurikagurisha ryari rifite insanganyamatsiko yo kongerera ingufu abagore mu gukora ibiva mu nganda.

Ati “Leta y’u Rwanda yakoze ku buryo abagore bitabira iryo murikagurisha, bitewe na gahunda yayo yo kubaha amahirwe angana n’ay’abandi mu iterambere, cyane cyane mu bikorwa bibabyarira inyungu.”

Uyu mukozi yongeyeho ko u Rwanda rwahembwe nk’igihugu cy’amahanga cyarushije ibindi kumurika neza ibyo gikora, naho uruganda rwa Sulfo Rwanda rugahembwa nk’urwarushije izindi mu kumurika ibikorwa byarwo neza

JPEG - 86.7 kb
Uruganda rwa Sulfo nirwo rwamuritse neza kurusha ibindi bigo byo mu mahanga

Iryo murikagurisha ryagaragayemo ibikoresho by’ubuhinzi, ibyo mu nzu birimo intebe, n’amarido, ibikoresho byo mu gikoni, iby’ubwubatsi, ibiribwa n’ibinyobwa n’ibindi.

Leta y’u Rwanda yatangije gahunda yo guteza imbere ibikorerwa mu gihugu, nyuma yo gusanga ibikorerwa hanze ari byinshi cyane kurusha ibyoherezwayo.

JPEG - 54 kb
Abanyarwanda bakora imyenda n’inkweto nabo ntibatanzwe

Muri gahunda ya Made in Rwanda, hagamijwe gufasha ba rwiyemezamirimo bashoboye gukorera ibikoresho by’ibanze mu gihugu cyane cyane nk’imyenda.

Hari na gahunda yo gufasha abikorera bato n’abaciriritse cyane cyane abagore, bagashobora kuzamura ibikorwa byabo bikagera ku rwego rw’inganda.

JPEG - 56.1 kb
Inzoga zikorerwa mu Rwanda nazo zamuritswe muri Uganda

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.