2017-06-24 09:49:51 clouds 27o High | Kigali Rwanda

Dukurikire:
 
 

U Rwanda rwashyizwe mu bihugu 6 by’Afurika byiyubatse vuba

Yanditswe na Claude Ntawitonda

Kuya 2017-04-24 11:28:27

 
Share on:
 
Yasuwe:397
 
Yavuzweho:200
 
10
 
10

Banki y’Isi yashyize u Rwanda mu bihugu bitandatu byiyubatse vuba kurusha ibindi mu rwego rw’ubukungu ku mugabane wa Afurika, kuko byagize izamuka ryabwo riri hejuru ya 5.4% guhera mu mwaka wa 2015 kugeza mu 2017.

Muri raporo yiswe Africa’s Pulse (Umuyoboro w’Ubukungu bwa Afurika) yasohotse mu cyumweru gishize, hagaragajwe ko ibindi bihugu byiyubatse vuba kurusha ibindi ari Côte d’Ivoire, Ethiopia, Kenya, Mali, Senegal na Tanzania.

Nk’uko byatangajwe ku rubuga rwa Guverinoma y’u Rwanda, ibihugu byatangajwe nk’ibyubatse ubukungu kurusha ibindi muri Afurika byagiye bizamura umusaruro wabyo (GDP) ku buryo bugaragara.

Itangazo rigenewe abanyamakuru rivuga kuri raporo rigira riti “Ibi bihugu (birimo n’u Rwanda) bifite hafi 27% by’abaturiye Afurika yose kandi bifite 13% by’umusaruro w’imbere muri Afurika (GDP).

Ubukungu bw’u Rwanda bwazamutse ku gipimo cya 5.9 mu mwaka wa 2016, bituma umusaruro mbumbe ugera kuri miliyari 6 618 z’amafaranga y’u Rwanda, uvuye kuri miliyari 5.956 mu mwaka wa 2015.

Imibare yagaragajwe n’Ikigo cy’Igihugu cy’Ibarurishamibare mu kwezi gushize yerekana ko izamuka ry’ubukungu bw’u Rwanda rituruka ku kuba muri rusange ubuhinzi n’ubworozi byarazamutse ku kigero cya 4% ahanini uzamuwe n’umusaruro w’ibihingwa ngandurarugo wagenze neza mu gihembwe cya mbere (A) mu 2016, ku kigero cya 5%.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE