2017-08-19 07:41:08 clouds 27o High | Kigali Rwanda

Dukurikire:
 
 

U Rwanda rwafashe iya mbere mu gufungura imipaka- Minisitiri Tugireyezu

Yanditswe na IMVAHO NSHYA

Kuya 2017-05-24 06:54:12

 
Share on:
 
Yasuwe:172
 
Yavuzweho:200
 
10
 
10

Minisitiri muri Perezidansi ya Repubulika, Tugireyezu Venantie, atangaza ko u Rwanda ari kimwe mu bihugu byafashe iya mbere mu gushyira mu bikorwa ibipimo biganisha kuri gahunda yo gufungurira imipaka ibihugu bya Afurika.

Ibi Tugireyezu yabivugiye i Kigali ejo hashize ku wa 23 Gicurasi 2017 mu nama ya kabiri ihuje impuguke ziturutse mu bihugu bisaga 10 bihuriye mu muryango ugize Komisiyo y’Afurika Yunze Ubumwe.

Minisitiri Tugireyezu yatanze urugero rw’uko u Rwanda rwafashe iya mbere mu gufungura imipaka ku banyafurika bashaka kurwinjiramo, n’abanyamahanga bakoroherezwa kubona viza, aho bazihabwa bageze ku kibuga cy’indege.

Yakomeje kandi agira ati “N’ubwo ifungurwa ry’imipaka y’uyu mugabane w’Afurika rishobora kuzana n’ibindi bibazo by’umutekano muke abantu bashobora kwitondera bagashakira igisubizo, ibyiza birimo ni byo byinshi nko kuba ba mukerarugendo bamaze koroherezwa kubona viza n’ibindi. Ikindi bizihutisha ubuhahirane n’urujya n’uruza ku batuye umugabane w’Afurika maze bagere ku iterambere”.

JPEG - 211.4 kb
Tugireyezu Venantie, Minisitiri muri Perezidansi ya Repubulika (Foto James R.)

Umuyobozi ushinzwe umuryango uhuza inzego z’iperereza ku mugabane w’Afurika Col. Mutiganda Francis, asanga Afurika atari umugabane wugarijwe n’ibibazo by’umutekano cyane watuma ibihugu bigize uwo mugabane bidafungura imipaka yabyo mu rwego rwo korohereza urujya n’uruza rw’abayituye.

Mu gihe cy’iminsi itatu abayobozi batandukanye bafite mu nshingano serivise z’abinjira n’abasohoka, inzego z’umutekano n’abandi, baraganira ku ntambwe imaze guterwa ku ishyirwa mu bikorwa ry’amasezerano yorohereza urujya n’uruza hagati y’abaturage b’Afurika hagamijwe guha abatuye Afurika amahirwe n’umusanzu wabo mu guharanira icyabazanira amahoro n’umutekano bakarushaho kwiteza imbere.

TWAGIRA WILSON

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE