Advertisement
 
 
 
 
 
 
 
 

Ubukungu

U Rwanda rurifashisha impuguke zo muri Singapore mu iterambere ry’imijyi itandatu   

  Yanditswe na NTAWITONDA JEAN CLAUDE
 April 2016

 
 

Guverinoma y’u Rwanda yatangiye kwifashisha impuguke zo muri Singapore mu kureba kure hihutishwa iterambere ry’imijyi itandatu yunganira uwa Kigali binyuze mu idirishya ry’imiyoborere n’imitangire ya serivisi nziza.

Ikigo cy’Igihugu gishinzwe imiyoborere (RGB) kimaze umwaka n’igice gikorana n’Ikigo gitanga ubujyanama mu bihugu biharanira kwihutisha iterambere, Future Move Group (FMG) mu bijyanye no kuzamura iterambere rirambye.

Umuyobozi wa RGB, Prof. Shyaka Anastase, yavuze ko gukorana na FMG bishimangira umwanzuro w’Umwiherero w’Abayobozi bakuru b’igihugu mu 2010 uhamagarira abayobozi kwimakaza imiyoborere itsura iterambere, imijyi yunganira Kigali ikaba ari umuyoboro ukomeye wo kugera ku ntego cyane ko itegurirwa guturamo abarenga 35% by’abatuye mu byaro.

Guteza imbere Umijyi wa Huye na Muhanga mu Majyepfo, Rusizi na Rubavu mu Burengerazuba, Nyagatare mu Burasirazuba na Musanze mu Majyaruguru byitezweho kurwanya akajagari gaterwa n’abaza gutura mu mujyi wa Kigali.

JPEG - 142.3 kb
Umuyobozi wa RGB, Prof. Shyaka Anastase n’uwa FMG, Devadas Krishnadas mu kiganiro n’itangazamakuru

Mu kiganiro yagiranye n’Abanyamakuru nyuma yo guhura n’izi mpuguke tariki 24 Mata 2016, Prof Shyaka yakomeje agaragaza ko kuba u Rwanda rwitabaje impuguke atari uko hari ibibazo zije gukemura ahubwo zigiye gufasha kubaka intumbero irenze Icyerekezo 2020, gahunda y’imbaturabukungu (EDPRS II) n’izindi.

Yagize ati “Twitabaje impuguke kugira ngo turebe uko imiyoborere yadufasha kugera ku iterambere twifuza, ntabwo ari uko ibibazo by’imiyoborere bihari; ngira ngo byumvikane neza ko atari cyo kibazo dufite. Gukorana na bo ni indi nyungu y’umwihariko kuko turakorana n’abantu bafite ubunararibonye, atari uko ari abo muri Singapore gusa.”

Yakomeje asobanura ko ‘idirishya’ ry’imiyoborere n’imitangire ya Serivisi nirinozwa, izindi nzego zashyize ingufu mu kwihutisha iterambere ry’iyi mijyi zizabyungukiramo.

Umuyobozi wa FMG, Davadas Krishinadas, yatangarije Imvaho Nshya ko bafite ubunararibonye buhambaye mu myaka ine bamaze bakora kuko batanze ubujyanama mu Bushinwa, Leta Zunze Ubumwe za Amerika, Singapore n’u Buhinde.

Yashimye kuba u Rwanda rwitaye ku miyoborere mu guharanira iterambere kuko na Singapore yahaye agaciro ‘kuyobora ugamije ibisubizo’ ikaba igeze ahashimishije.

Biteganyijwe ko izi mpuguke zizamara icyumweru zizenguruka muri iyi mijyi uko ari itandatu kugira ngo zifashe mu gukusanya ibitekerezo mbumbe byatuma amajyambere yihutishwa.

 

Comments

 
 
Rubavu:Igare yaguze ibihumbi 80 rimaze kumwungura asaga miliyoni mu mwaka umwe
Rubavu:Igare yaguze ibihumbi 80 rimaze kumwungura asaga miliyoni mu mwaka umwe

Dusabimana Pascal, umwe mu rubyiruko rwo mu murenge wa Cyanzarwe mu karere ka Rubavu, avuga ko mu gihe cy’umwaka amaze akora akazi ko kunyonga igare, ubu ibyo amaze kwigezaho bifite agaciro (...)

Abanyamahanga bashoye imari mu Rwanda  baravuga imyato Perezida Kagame
Abanyamahanga bashoye imari mu Rwanda baravuga imyato Perezida Kagame

Bamwe mu bashoramari b’Abanyamahanga bakorera ubucuruzi mu Rwanda kuri bo Perezida Kagame arenze kuba Perezida ahubwo ni n’umuhanga mu guhanga u Rwanda rugezweho. Atma Prakash ni umwe mu bayobozi (...)

Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.