Advertisement
 
 
 
 
 
 
 
 

Ubukungu

U Rwanda rugeze he ruvana amashanyarazi muri Kenya na Ethiopia?   

  Yanditswe na UWIMANA DONATA
 June 2016

 
 

Mu rwego rwo kongera ingufu z’amashanyarazi u Rwanda rwatangiye umushinga wo kuvana umuriro muri Kenya akazanyura mu muyoboro uzaca muri Uganda.

Amasezerano yo kugura no kugurisha ingufu z’amashanyarazi zituruka muri Kenya zinyuze mu gihugu cya Uganda yasinywe mu mpera z’umwaka wa 2014. Icyo gihe byari biteganyijwe ko izo ngufu zitangira kugezwa mu Rwanda muri Kamena 2015 ariko habayeho impinduka.

Mu kiganiro kirambuye Imvaho Nshya yagiranye n’Umuyobozi ushinzwe kubaka inganda n’imiyoboro minini by’ingufu z’amashanyarazi, Eng Harerimana Donath, yasobanuye ko imirimo yo kubaka uwo umuyoboro irimo gukorwa na ba Rwiyemezamirimo batandukanye, bafitanye amasezerano n’ibigo bishinzwe ingufu z’amashanyarazi muri buri gihugu.

Ati “Mu ntangiriro zo gushyira ayo masezerano mu bikorwa, u Rwanda rwari guhera kuri Megawati 30 (30MW) rukagenda ruzamura hakurikijwe uko abafatabuguzi bagenda biyongera kandi bongera ibikorwa bikenera ingufu z’amashanyarazi”.

Eng Harerimana avuga ko kuba amatariki y’iyubakwa ry’uwo muyoboro atarubahirijwe, byaturutse ku bukererwe bwa bamwe muri ba rwiyemezamirimo. Ibyo ngo byatumye hari uduce tumwe na tumwe tw’uwo muyoboro tutarangira kubakwa nk’uko byari biteganyijwe.

JPEG - 500.6 kb
Eng Harerimana Donath, Umuyobozi ushinzwe kubaka inganda n’imiyoboro minini by’ingufu z’amashanyarazi (Foto James R)

Gusa ngo kugeza ubu imirimo yo kubaka uwo muyoboro irakomeje, nirangira amasezerano yo kugura no kugurisha ingufu z’amashanyarazi azatangira gushyirwa mu bikorwa.

Eng. Harelimana ahamya ko ihugu byose birakora ibishoboka byose kugira ngo iyubakwa ry’uwo muyoboro rirangire vuba.

Ubwumvikane mu bijyanye no kugura ingufu z’amashanyarazi ziva mu gihugu cya Ethiopia yashyizweho umukono n’Ubuyobozi bwa Rwanda Energy Group Limited (REG) na Ethiopia Electric Power Limited muri 2014.

Eng Harerimana asobanura ko ubu bwumvikane buteganya ko hazabaho amasezerano yo kugura no kugurisha ingufu z’amashanyarazi igihe inganda nini z’amashanyarazi zirimo kubakwa mu gihugu cya Ethiopia zizaba zatangiye kubyara amashanyarazi.

Muri izo nganda harimo ngo urwa Renaissance ruzaba rufite ingufu zingana na Megawati ibihumbi bitandatu (6,000 MW) ruteganyijwe kuzaba rwuzuye mu 2018.
U Rwanda ruteganya kuba rwazagira amahirwe yo gukura muri Ethiopia ingufu z’amashanyarazi zigera kuri Megawati 400 (400MW).

Yakomeje avuga ko kugira ngo ibyo bizashoboke, inyigo yo kubaka umuyoboro munini ufite ubukana bwa kilovolute 400 yarangiye muri Werurwe 2016.

Uwo umuyoboro munini, ufite ubukana bwa kilovolt 500 uhuza igihugu cya Kenya n’icya Ethiopia uri hafi kuzura, bikazatuma ingufu z’amashanyarazi zigera mu Rwanda ziturutse muri Ethiopia zikanyura muri Kenya ndetse na Uganda mbere yo kwinjira mu Rwanda.

Iyo miyoboro yavuzwe haruguru ishobobra no kuzifashishwa u Rwanda ruhererekanya ingufu z’amashanyarazi n’ibindi bihugu birukikije.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.