Advertisement
 
 
 
 
 
 
 
 

Ubukungu

U Rwanda na Mexico byabaye ibya mbere ku Isi bigiye guteganyiriza ahazaza ha “kawa”   

  Yanditswe na IMVAHO NSHYA
 June 2016

 
 

U Rwanda na Mexico ni byo bya mbere ku Isi byinjiye muri gahunda ya “Sustainable Coffee Challenge” igamije guteza imbere kawa ngo izatange umusaruro usumba uw’ibindi bihingwa mu gihe kiri imbere.

Iyi gahunda igamije guhuriza hamwe inganda z’ikawa, abashinzwe kubungabunga ibidukikije, abahinzi na za leta mu rwego rwo guhaza isoko rya kawa ku Isi.

U Rwanda ruzafashwa kuzamura imibereho myiza y’abahinzi , kubungabunga amashyamba, amazi n’ubutaka ku buryo ikawa izarushaho kuryoha no kurumbuka mu minsi iri imbere.

JPEG - 231.7 kb
Kawa ni igihingwa gitunze abanyarwanda benshi

Iyi gahunda yatangijwe n’umuryango Conservation International na sosiyete Starbucks mu nama ku mihindagurikire y’ibihe yabereye i Paris mu Bufaransa mu Kuboza 2015.

Ambasaderi Bill Kayonga, Umuyobozi w’Ikigo cy’Igihugu gishinzwe kohereza mu Mahanga ibikomoka ku Buhinzi, NAEB, avuga ko u Rwanda rwiyemeje guteganyiriza ahazaza ha kawa kuko ari igihingwa kinjiriza amafaranga menshi igihugu kandi kikaba kinatunze abaturage benshi,

Ati” Imiryango 355 000 ibeshejweho no guhinga kawa. Dufite inshingano zo gufasha abo bahinzi, kubungabunga ubutaka n’ubukungu by’igihugu kugira ngo ahazaza h’iki gihingwa habe heza.”

Muri iyi gahunda, Leta y’u Rwanda yiyemeje kongera umusaruro kuri buri giti cya kawa, kongera uburumbuke bw’ubutaka, kongerera ingufu koperative z’abahinzi ba kawa, kongera umubare w’abanywi ba kawa mu gihugu no koroshya urugendo kawa ikora mbere yo koherezwa mu mahanga.”

Bibaye mu gihe mu Rwanda n’ahandi ku Isi habangamiwe n’ubushyuhe bwiyongera, impeshyi isigaye imara igihe kinini n’izindi mpinduka z’ibihe. Ibi byiyongeraho ubwiyongere bw’abaturage butuma imirima igabanuka n’ibiti bya kawa bikomeje gusaza.

 

Comments

 
 
Rubavu:Igare yaguze ibihumbi 80 rimaze kumwungura asaga miliyoni mu mwaka umwe
Rubavu:Igare yaguze ibihumbi 80 rimaze kumwungura asaga miliyoni mu mwaka umwe

Dusabimana Pascal, umwe mu rubyiruko rwo mu murenge wa Cyanzarwe mu karere ka Rubavu, avuga ko mu gihe cy’umwaka amaze akora akazi ko kunyonga igare, ubu ibyo amaze kwigezaho bifite agaciro (...)

Abanyamahanga bashoye imari mu Rwanda  baravuga imyato Perezida Kagame
Abanyamahanga bashoye imari mu Rwanda baravuga imyato Perezida Kagame

Bamwe mu bashoramari b’Abanyamahanga bakorera ubucuruzi mu Rwanda kuri bo Perezida Kagame arenze kuba Perezida ahubwo ni n’umuhanga mu guhanga u Rwanda rugezweho. Atma Prakash ni umwe mu bayobozi (...)

Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.