Advertisement
 
 
 
 
 
 
 
 

Ubukungu

U Rwanda na Kongo byiyemeje guhuza imbaraga mu kubyaza umusaruro Kivu   

  Yanditswe na MAGARAMBE THEODORE
 May 2016

 
 

Mu nama irimo guhuza impuguke n’abashakashatsi ku kiyaga cya Kivu, hashyizwe ahagaragara ibyavuye mu bushakashatsi ku bijyanye cyane n’ibinyabuzima, uburobyi, amategeko agenga ibiyaga bihuje ibihugu, icukurwa rya Gaze metane n’ibindi.

Izi mpuguke zagaragaje ko mu gihe igihugu kimwe kitaragira gahunda ihamye mu gufata neza iki kiyaga no kubibyaza umusaruro, byagira igaruka zikomeye mu bihugu byombi.

Igihugu cyakunze gutungwa agatoki cyane ni Repubulika iharanira demokarasi ya Kongo, itarashyira mu bikorwa gahunda y’umushinga wa Gaze metane, kimwe no kudaha agaciro ibikorwa byo kubahiriza metero byibura hagati ya 50 na 150, zigomba kuba hagati y’aho abaturage batuye n’iki kiyaga.

JPEG - 218 kb
Abitabiriye inama yiga ku mikoreshereze y’ikiyaga cya Kivu (Foto amagarambe Theodore)

Mu kiganiro n’abanyamakuru, umuyobozi w’ikigo cy’igihugu gishinzwe gukwirakwiza amashanyarazi, REG, Mugiraneza Jean Bosco, yavuze ko bishimira intambwe u Rwanda rwateye mu kubyaza ingufu z’amashanyarazi Gaze metane, ariko anongeraho ko ku ruhande rwa Kongo nta kirakorwa kigaragara.

Yagize ati:“Kuba ku ruhande rw’abaturanyi nta cyo rurakora bituma hatabyazwa umusaruro wa megawati 700 twakagombye kugabana.”

Guverineri wa Kivu y’Amajyepfo muri Repubulika Iharanira Demokarasi ya Kongo Marcelin Chishambo, yavuze ko hari hagitegerejwe ubushakashatsi, bityo mu minsi mike bazatangira gushyira mu bikorwa umushinga wa Gaze metane.

Yagize ati:“Tumaze iminsi dukorera inama mu mujyi wa Goma, hasigaye kureba igihe n’ahantu twazashyira ibi bikorwa, niba ari i Bukavu cyangwa i Goma.”

Ku ruhande rwa Guverineri w’Intara y’Uburengerazuba Mukandasira Caritas, yagaragaje ko ubushakashatsi bwakozwe n’impuguke z’ibihugu byombi buzafasha mu kurushaho kumva kimwe amahirwe bahuriyeho.

Yagize ati:“Icyari gitegerejwe ni ubu bushakashatsi, kuba bwashizwe ahagaragara buri gihugu kizashyira mu bikorwa ibyo gishinzwe kandi iwacu tugeze ku ntambwe ishimishije.”

 

Comments

 
 
Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.