Advertisement
 
 
 
 
 
 
 
 

Ubukungu

U Rwanda na Congo byavaniyeho imisoro abacururiza ku mipaka   

  Yanditswe na Iyaremye Yves
 1 month ago

 
 

Leta y’u Rwanda n’iya Repubulika Iharanira Demokarasi ya Congo, kuri uyu wa 20 Ukwakira 2016, zasinye amasezerano yo gukuriraho imisoro abakora ubucuruzi bwambukiranya imipaka ku bicuruzwa by’ubwoko 168.

Ni amasezerano yashyizweho umukono na Minisitiri w’Ubucuruzi, Inganda n’Ibikorwa by’Umuryango w’Ibihugu bya Afurika y’Uburasirazuba, Francois Kanimba na mugenzi we wa Congo, Ngudiyanza Nefertiti, mu rwego rwo kurushaho guteza imbere ubucuruzi bw’ibihugu byombi..

Ubusanzwe ibicuruzwa byatangaga imisoro n’amahoro ni ibifite agaciro kari hejuru y’amafaranga y’u Rwanda ibihumbi bibiri, ariko ubu hazajya hasora ibicuruzwa by’agaciro kari hejuru y’amadorali ya Amerika ibihumbi biri gusa. Ibyakuriweho imisoro byiganjemo ibiribwa.

JPEG - 64.7 kb
Minisitiri Kanimba na mugenzi we Ngudiyanza Nefertiti bahamya ko ayo masezerano azateza imbere abacuruzi b’imande zombi (foto Iyaremye Y)

Minisitiri Francois Kanimba yavuze ko icyo gikorwa kigamije kurushaho kunoza serivsi z’ubucuruzi zakorerwaga ku mipaka yombi, zigakorwa zigendeye ku mategeko azwi kandi mu buryo busesuye.

Yagize ati “ Aya masezerano yasinywe agamije korohereza abacuruzi b’ibihugu byombi kugira ngo burusheho gutera imbere, turashimira uruhare rw’ibihugu byombi birushijeho gushimangira umubano n’ubuhahirane bunoze n’ubucuruzi bukozwe neza mu muco kandi amasezerano twasinye azatuma abacuruzi bagira amategeko abarengera.”

Yemeza ko abacuruzi bo mu Rwanda bari bagaragaje ko babangamiwe no gusoreshwa n’ubonetse wese muri Congo ariko ko icyo gihugu kigiye gukemura icyo kibazo n’ibindi bibazo abacuruzi baciriritse bahura nabyo.



Minisitiri w’Ubucuruzi wa Repubulika Iharanira Demokarasi ya Congo, Ngudiyanza Nefertiti nawe yabwiye Imvaho Nshya ko ayo masezerano azaca akajagari ka bamwe mu basoresha abaturage ku buryo budakurikije amategeko.

Ati “ Ntabwo aya masezerano dusinyanye n’u Rwanda ari inzozi ahubwo turakora ibishoboka byose atangire kubahirizwa, abaturage b’ibihugu byombi bazungukira kuri aya masezerano birusheho kwihutisha ubukungu bw’abaturage bacu.”

Yakomeje avuga ko hagiye kujyaho komite zihagarariye impande zombi zo gukurikirana ishirwa mu bikorwa by’aya masezerano ndetse buri mezi atandatu bakajya bahura ngo barebe niba nta bindi bicuruzwa bikwiye gushyirwa mu byasonewe imisoro.

Mujawamariya Assinah uhagarariye Koperative y’abakora ubucuruzi buto bwambukiranya umupaka mu karere ka Rubavu avuga ko bishimiye cyane iki gikorwa kuko kigiye gukemura ikibazo cy’abasoreshaga inshuro zirenze imwe ku gicuruzwa kimwe.

Abakora ubucuruzi buto bwambukiranya imipaka bagizwe n’abagore ku kigero cya 74% bacuruza ibyiganjemo ibiribwa n’ibikomoka ku matungo.

 

Comments

  • Natal 20 October

    Ibi ntako bisa. Dusabye leta y’u Rwanda kugenzura abasore birirwa kuri petite barrière nibo bisambo kdi bagaragara nk’abakorera leta. Uza wifatiye akantu bakakuvuzaho induru ngo ntawe ukwiriye kugurira Congo ikintu kiba mu Rwanda! Congs H.Es, the ministers!!


pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Nyamagabe: Umudozi yasabiwe guhuzwa n’Abashinwa bakora imyenda
Nyamagabe: Umudozi yasabiwe guhuzwa n’Abashinwa bakora imyenda

Minisitiri w’Abakozi ba Leta n’Umurimo Uwizeye Judith, yasabye ubuyobozi bw’Akarere ka Nyamagabe gukorana na Minisiteri y’Ubucuruzi n’Inganda gufasha umudozi wahangiye imirimo abaturage benshi muri (...)

Abanyarwanda 920 bamaze kwizigama by’igihe kirekire asaga miliyari
Abanyarwanda 920 bamaze kwizigama by’igihe kirekire asaga miliyari

Ikigo gishinzwe Ibigega by’Umugabane ku Ishoramari (RNIT Iterambere Fund) cyatangaje ko Abanyarwanda 920 ari bo bashoye imari mu igurisha rya mbere bizigama by’igihe kirekire amafaranga y’u Rwanda (...)

Ukwakira 2016: Ibiciro mu mijyi y’u Rwanda byiyongereyeho 7.4%
Ukwakira 2016: Ibiciro mu mijyi y’u Rwanda byiyongereyeho 7.4%

Ikigo cy’Igihugu gishinzwe ibarurishamibare mu Rwanda (NISR) cyatangaje ko igipimo cy’ihindagurika ry’ibiciro mu kwezi kw’Ukwakira 2016 cyagaragaje ko ibiciro mu mijyi Ibiciro mu mijyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.