Advertisement
 
 
 
 
 
 
 
 

Ubukungu

U Rwanda mu bihugu bya Afurika 5 bifite urwego rw’inganda rutera imbere vuba   

  Yanditswe na IMVAHO NSHYA
 5 months ago

 
 

U Rwanda ruri mu bihugu bitanu bya Afurika bifite urwego rw’inganda rutera imbere kurusha ibindi mu bushakashatsi bwakozwe n’Ikigo cyitwa ICAEW (Institute of Chartered Accountants in England and Wales).

Iki cyegeranyo cyiswe Economic Insight: Africa, kibanze ku bihugu byatangije impinduka mu rwego rw’inganda mu 2000, cyagendeye ku iterambere ry’ibikorwa remezo, ubuyobozi bworohereza abashoramari bo mu mahanga, amavugurura mu bucuruzi no gushora imari mu bumenyingiro.

ICAEW ivuga ko inganda zo muri Ethiopia na Congo zateye imbere ku kigero gikabakaba 10% naho iz’u Rwanda, Tanzania na Angola zikazamuka ku cy’umunani ku ijana buri mwaka.

PNG - 305.6 kb
Inganda zubakwa mu gace kahariwe inganda mu mujyi wa Kigali zikomeje kwiyongera

Yongeyeho ko u Rwanda rwateye imbere cyane mu musaruro uva mu buhinzi, icyegeranyo kiti” Mu gihe ibihugu nka Ethiopia Congo Brazzaville na Tanzania byateye imbere cyane mu nganda, u Rwanda, Botswana na Ghana nabyo byazamuye cyane umusaruro ukomoka ku buhinzi.”

Mu gihembwe cya mbere cy’umwaka wa 2016, ibikomoka ku nganda binjirije u Rwanda miliyari 235, mu gihe mu gihembwe cya nyuma cya 2015 byari byinjije miliyari 221.

Ibikomoka ku buhinzi byo byinjije miliyari 503 kandi byari biheruka kwinjiza miliyari 513.

U Rwanda rwihaye intego yo kugabanya ibikorerwa mu mahanga, binyuze muri gahunda zitandukanye zirimo kuzamura imisoro ku myenda ya caguwa n’imodoka zakoze, no kuzamura ubushobozi bw’inganda zo mu Rwanda.

Hari kandi gahunda yo kongera amashanyarazi izatuma u Rwanda rwakira inganda zikomeye n’iyo kwibanda ku bumenyingiro mu burezi bw’igihugu.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Nyamagabe: Umudozi yasabiwe guhuzwa n’Abashinwa bakora imyenda
Nyamagabe: Umudozi yasabiwe guhuzwa n’Abashinwa bakora imyenda

Minisitiri w’Abakozi ba Leta n’Umurimo Uwizeye Judith, yasabye ubuyobozi bw’Akarere ka Nyamagabe gukorana na Minisiteri y’Ubucuruzi n’Inganda gufasha umudozi wahangiye imirimo abaturage benshi muri (...)

Abanyarwanda 920 bamaze kwizigama by’igihe kirekire asaga miliyari
Abanyarwanda 920 bamaze kwizigama by’igihe kirekire asaga miliyari

Ikigo gishinzwe Ibigega by’Umugabane ku Ishoramari (RNIT Iterambere Fund) cyatangaje ko Abanyarwanda 920 ari bo bashoye imari mu igurisha rya mbere bizigama by’igihe kirekire amafaranga y’u Rwanda (...)

Ukwakira 2016: Ibiciro mu mijyi y’u Rwanda byiyongereyeho 7.4%
Ukwakira 2016: Ibiciro mu mijyi y’u Rwanda byiyongereyeho 7.4%

Ikigo cy’Igihugu gishinzwe ibarurishamibare mu Rwanda (NISR) cyatangaje ko igipimo cy’ihindagurika ry’ibiciro mu kwezi kw’Ukwakira 2016 cyagaragaje ko ibiciro mu mijyi Ibiciro mu mijyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.