Advertisement
 
 
 
 
 
 
 
 

Ubukungu

U Rwanda mu bihugu 10 by’Afurika byateye imbere mu buhahirane mpuzamahanga   

  Yanditswe na NTAWITONDA JEAN CLAUDE
 5 months ago

 
 

Kuri uyu wa kabiri tariki 28 Kamena, Banki y’Isi yashyize ahagaragara raporo ya 2016 (Connecting to Compete 2016: Trade Logistics in the Global Economy) igaragaza u Rwanda mu bihugu bya mbere bya Afurika bifite ubuhahirane mpuzamahanga buri ku kigero cyo hejuru.

Iyi raporo yerekana ko u Rwanda ruza imbere ya Burkina Faso, Namibie, na Algerie rukaba ari n’icyitegererezo ku bihugu bidakora ku nyanja byateye imbere mu bijyanye n’ubuhahirane bukoresha ubwikorezi mpuzamahanga.

Nk’uko tubikesha Jeune Afrique, iyi raporo isohoka kabiri buri mwaka yakorewe ku bigo 1050 bikora ubwikorezi mpuzamahanga mu bihugu 132; byagiye bibazwa ku miterere y’ubukungu bw’ibihugu bikoreramo haba ku bijyanye no kwihutisha inzira za gasutamo, agaciro k’ibitumizwa mu mahanga n’uburyo bitwarwamo, korohereza abatwara imizigo ndetse n’imikoranire y’ibigo bitanga serivisi z’ubwikorezi.

Iyi raporo yerekana ko u Budage buza ku mwanya wa mbere ku rwego rw’Isi hagakurikiraho Luxembourg, Suède, Pays-Bas na Singapore mu gihe ku mugabane wa Afurika habanza Afurika y’Epfo iri ku mwanya wa 20 ku isi, Kenya iri ku wa 42 na Misiri ku wa 49.

U Rwanda ruza ku mwanya wa karindwi rukaba urwa 62 ku isi rugakurikirwa na Algeria, Namibia na Burkina Faso. Raporo yerekana ko u Rwanda na Uganda ya gatanu muri Afurika (ikaba n’iya 58 ku isi) urugero rwiza rw’ibihugu bikuraho imyumvire ko kwagura ubuhahirane bishingira gusa ku kuba ukora ku nyanja.

JPEG - 99.5 kb
EAC iravugwa imyato kuri gahunda yo guhuza imipaka kuko byaruhuriye abatwara amakamyo

Umuhora wa Ruguru wahaye isomo amahanga

Banki y’isi isanga ukwihuza kw’ibihugu bihana imipaka ari kimwe mu bisubizo ku kwihuza kw’ibihugu igendeye ku musaruro w’ubufatanye bw’ibihugu bigize Umuryango wa Afurika y’Iburasirazuba (EAC). Ukwihuza kw’ibihugu ngo bibiha ubushobozi bwo guhangana n’imbogamizi za buri gihugu muri rusange.

Ibihugu bitatu bya EAC byaje mu myanya y’imbere muri Afurika ni Uganda, u Rwanda na Tanzania. Raporo ya banki y’isi ishimira cyane intambwe ibi bihugu byateye binyuze mu bikorwaremezo bimaze kubakwa mu Muhora wa Ruguru bihuza u Burundi, u Rwanda na Uganda, Repubulika Iharanira Demokarasi ya Congo, Sudani y’Epfo, Tanzania na Kenya.

Ikindi bihugu by’Umuhora wa Ruguru byashimiwe ni ubushake bukomeje gushyirwa mu guhuza imipaka y’ibihugu bya EAC byakuyeho imbogamizi abacuruzi n’abatwara amakamyo bahuraga na zo mu kwikorera ibicuruzwa byabo.



 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Nyamagabe: Umudozi yasabiwe guhuzwa n’Abashinwa bakora imyenda
Nyamagabe: Umudozi yasabiwe guhuzwa n’Abashinwa bakora imyenda

Minisitiri w’Abakozi ba Leta n’Umurimo Uwizeye Judith, yasabye ubuyobozi bw’Akarere ka Nyamagabe gukorana na Minisiteri y’Ubucuruzi n’Inganda gufasha umudozi wahangiye imirimo abaturage benshi muri (...)

Abanyarwanda 920 bamaze kwizigama by’igihe kirekire asaga miliyari
Abanyarwanda 920 bamaze kwizigama by’igihe kirekire asaga miliyari

Ikigo gishinzwe Ibigega by’Umugabane ku Ishoramari (RNIT Iterambere Fund) cyatangaje ko Abanyarwanda 920 ari bo bashoye imari mu igurisha rya mbere bizigama by’igihe kirekire amafaranga y’u Rwanda (...)

Ukwakira 2016: Ibiciro mu mijyi y’u Rwanda byiyongereyeho 7.4%
Ukwakira 2016: Ibiciro mu mijyi y’u Rwanda byiyongereyeho 7.4%

Ikigo cy’Igihugu gishinzwe ibarurishamibare mu Rwanda (NISR) cyatangaje ko igipimo cy’ihindagurika ry’ibiciro mu kwezi kw’Ukwakira 2016 cyagaragaje ko ibiciro mu mijyi Ibiciro mu mijyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.