2017-10-18 07:01:40 clouds 27o High | Kigali Rwanda

Dukurikire:
 
 

U Budage – G20 : Perezida Kagame yerekanye akamaro k’abikorera mu iterambere rya Afurika

Yanditswe na IMVAHO NSHYA

Kuya 2017-06-13 05:38:54

 
Share on:
 
Yasuwe:194
 
Yavuzweho:200
 
10
 
10

Perezida Paul Kagame avuga ko iyo urwego rw’abikorera rufite ingufu ruteza igihugu imbere, kandi ko za Guverinoma z’ibihugu zishobora guteza imbere uru rwego.

Ibi Umukuru w’Igihugu Paul Kagame yabivugiye mu Budage ejo hashize ku wa 12 Kamena 2017 ubwo hatangiraga inama y’iminsi ibiri ya “G20 Africa Partnership” yiga ku bufatanye bwo gutegura ejo hazaza..

Muri iyi nama ihuza abakuru b’ibihugu banyuranye bo hirya no hino ku Isi, urwego rw’abikorera n’inzego zirwanya ubukene, Perezida Paul Kagame yagarutse ku kamaro k’urwego rw’abikorera mu iterambere, aho yagize ati “Urwego rw’abikorera rufite ingufu, ni izingiro ry’iterambere”.

JPEG - 115 kb
Perezida Paul Kagame ageza ijambo ku bitabiriye inama, yagarutse ku ruhare rw’abikorera mu iterambere

Yavuze ko ko za Guverinoma zishobora kwihutisha iterambere ry’urwo rwego, kandi hakabaho imikoranire ihoraho.

Ati “Tugeze aho ibikorwa bya Guverinoma kuri Guverinoma nta cyo byageraho byonyine […]uruhare Guverinoma igomba kugira, ni urwo ukugabanya igiciro cy’ishoramari hubakwa ibikorwaremezo binoze.”

Perezida Kagame yongeye gushimangira ko hakenewe gukorera hamwe hagamijwe gukuraho ko ibihugu Afurika bya Afurika bikomeza kuba mu bibazo kurusha ibindi bihugu byateye imbere, akomeza agira ati “Ubutumwa ni uko ibibazo by’Afurika byakemurwa igihe cyose urwego rw’abikorera rubigizemo uruhare”.

Gusa ngo ibi byose byagerwaho ari uko nta we uhejwe, aho yagize ati “Iyo uburyo bwo kugera ku mahirwe bugabanyijwe, urugero abagore n’urubyiruko bagahezwa, icyo bibyara ni uko ubuyobozi butererwa icyizere.”

Umukuru w’Igihugu Paul Kagame yongeyeho ko ubufatanye bwagutse ari ngombwa hagati y’Afurika n’ibihugu biteye imbere ndetse n’ibigo mpuzamahanga by’imari bikorana n’ibihugu byose.

Yashimiye Umuyobozi w’Ubudage (Chancellor) Angela Merkel ku bw’ubuyobozi bwe ndetse n’icyerekezo cye cyo gutegura inama y’ingirakamaro nka G20.

MUGABO LAMBERT

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE