Advertisement
 
 
 
 
 
 
 
 

Ubukungu

Tanzania ntikozwa ibya viza imwe y’Ubukerarugendo muri Afurika y’Uburasirazuba   

  Yanditswe na IMVAHO NSHYA
 3 months ago

 
 

Leta ya Tanzania yavuze ko idashobora kwemera amasezerano yo gutanga viza imwe y’ubukerarugendo ihuriweho n’ibihugu bigize umuryango wa Afurika y’Uburasirazuba, EAC.

Ayo masezerano yamaze gushyirwaho umukono n’u Rwanda, Kenya na Uganda. Kenya yari iherutse gutangaza ko Tanzania yivanye mu ishyirwa mu bikorwa ryayo kuko yabonye ko guhuza n’ibindi bihugu iyo viza ntacyo biyungura.

Umuyobozi muri Minisiteri y’Ububanyi n’Amahanga ya Tanzania ushinzwe Ubucuruzi n’Ubukerarugendo, Bernard Haule, yabwiye The Citizen ko n’ubusanzwe, icyo gihugu kitigeze cyemeza amasezerano yo guhuza viza.

Ati”Kuva na mbere Tanzania ntiyigeze ijya muri ayo masezerano. Ntitwigeze twiyunga n’ibyo bihugu, (Kenya, Uganda n’u Rwanda) kuko twasanze ntacyo tuzahomba nitutemera ayo masezerano.”

Abakuru b’ibyo bihugu bitatu bamuritse ku mugaragaro iyo viza y’ubukerarugendo muri Gashyantare 2014, muri gahunda y’imishinga y’Umuhora wa Ruguru.

Iyo Viza yemerera abakerarugendo gutembera ku buntu mu Rwanda, Kenya na Uganda, batiriwe bongera kwishyura indi viza igihe bavuye mu gihugu bajya mu kindi.

Haule avuga ko Tanzania igitegereje ibisubizo by’impuguke zo mu Bunyamahanga bwa EAC mbere yo gufata umwanzuro wo kwemeza iyo viza.

Yongeyeho ko nta tegeko rigena ko Tanzania yiyunga kuri ibyo bihugu. Iki gihugu kivuga ko n’ubunyamabanga bwa EAC bwerekanye ko iyi gahunda irimo imbogamizi.

Bernard Haule ari “Ubunyamabanga bwashyizego gahunda yo gushyiraho ibikorwa remezo bijyanye n’iyi gahunda. Ibi rero ntibirashyirwaho ngo tumenye neza niba ubusugire bw’ibihugu butazahutazwa.”

Avuga kandi ko hari imbogamizi yo gusaranganya amafaranga azava mu kugurisha izo viza. Ahakana ko Tanzania yanze kwishyira hamwe n’ibindi bihugu, ahubwo ko ishaka kumenya neza niba umutekano wayo utazabangamirwa mu gihe umwanzuro wo kwinjiza abanyamahanga ku butaka bwayo uzaba wafashwe n’ikindi gihugu.

Abakora ibikorwa by’ubukerarugendo nabo bavuga ko iyo viza yazahombya Leta ya Tanzania.

Umuyobozi mukuru w’urugaga rw’abacuruza ubukerarugendo muri icyo gihugu, Richard Rugimbana, avuga ko Tanzania ikwiye kwitondera uwo mwanzuro.

Izindi mpuguke mu bucuruzi zivuga ko guhuza viza byungukira Kenya cyane , akaba ari nayo mpamvu ari yo ibishyigikiye cyane.

Umukerarugendo uje mu Rwanda, Kenya cyangwa Uganda yishyura amadorali ijana mu gihe ugiye muri Tanzania yishyura amadorali 150. Tanzania ivuga ko nubwo icyo giciro cya Viza gihanitse kitigeze kigabanya umubare w’abakerarugendo.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.