Advertisement
 
 
 
 
 
 
 
 

Ubukungu

U Rwanda ruracyari imbere mu bihugu bya Afurika binogeye ubucuruzi   

  Yanditswe na NTAWITONDA JEAN CLAUDE
 1 month ago

 
 

U Rwanda rwagarutse mu bihugu bike bya Afurika binogeye gukorerwamo ubucuruzi, ruza no ku rutonde rw’ibihugu 50 bya mbere ku Isi hose.

Raporo mpuzamahanga y’uyu mwaka yerekana uko ibihugu bihagaze mu bucuruzi (Ashish J. Thakkar Global Entrepreneurship Index report 2016) yashyize u Rwanda ku mwanya wa kabiri mu bihugu bya Afurika no ku mwanya wa 43 ku isi hose.

Iyi raporo yerekana ko u Rwanda, Botswana na Afurika y’Epfo biza mu bihugu bikomeje kugera ikirenge mu cya Singapore iza ku mwanya wa mbere. Mu gukora ubushakashatsi hagendewe ku nkingi eshanu ari zo politiki, ibikorwaremezo, uburezi, uko ikirere cy’ubucuruzi gihagaze ndetse n’urwego rw’imuri rusange.

U Rwanda rwagize amanota menshi cyane cyane kuri politiki y’ubucuruzi ndetse n’urwego rw’imari, Namibia iruza imbere mu bihugu bya Afurika mwanya wa 42 hakurikiraho Botswana iri ku wa 44, na Afurika y’Epfo iza ku mwanya wa 46. Ibi bihugu byose uko ari bine byitwaye neza ku nkingi ya Politiki y’ubucuruzi.

JPEG - 156.4 kb
Politiki yorohereza abatangira ubucuruzi kubona inguzanyo mu bikomeje guhesha ishema u Rwanda

Ku nkingi y’urwego rw’imari, Zambia ifite amanota 72% Afurika y’Epfo ikagira 66% n’u Rwanda rukagira 65%.

Raporo ishimangira ko “amanota menshi y’u Rwanda kuri politiki n’urwego rw’imari aturuka kuri gahunda za Guverinoma zorohereza abacuruzi n’abashoramari kwagura ibikorwa byabo. Ugereranyije n’ibindi bihugu bya Afurika, kubona inguzanyo mu Rwanda biroroshye kandi bikorwa mu mucyo wo ku rwego rwo hejuru.”

Iyi raporo ikurikira iya Banki y’Isi yashyize u Rwanda mu bihugu bihagaze neza cyane mu korohereza ishoramari

Na none imibare igaragaza ko mu gihe urubyiruko rwa Afurika ruri hagati y’imyaka 15-24 rwiyongera ubutitsa rukaba gugeze kuri miliyoni 200, ikibazo cy’ubushomeri muri uru rubyiruko gihagaze kuri 4% mu gihe mu bindi bihugu nka Kenya kiri kuri 20% na Uganda kikaba kiri 10%. Bivugwa ko muri Afurika y’Epfo na Misiri ho kiri hejuru ya 40%.

Igabanuka ry’abatagira akazi mu Rwanda rirunganirwa na gahunda ya Leta (NEP Korawigire) yatangiye mu myaka ibiri ishize ikaba imaze guha akazi abarenga ibihumbi 80 nk’uko bigaragazwa na Minisiteri y’Abakozi ba Leta n’Umurimo.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.