Advertisement
 
 
 
 
 
 
 
 

Ubukungu

Rutsiro: Cyimbili yahoze ari indiri y’impiri yahindutse igicumbi cy’ubukerarugendo   

  Yanditswe na IYAREMYE YVES
 May 2016

 
 

Cyimbili ni agace k’umwaro w’ikiyaga cya Kivu, gaherereye mu kagari ka Nkora, umurenge wa Kigeyo mu karere ka Rutsiro.

Mbere hari agace kabagamo inzoka zo mu bwoko bw’impiri bigatuma abantu bahatinya cyane, ariko ubu niho hasangwa ibikorwa byinshi bibereye ubukerarugendo, hakaba hanafatwa nk’indorerwamo y’iterambere mu karere ka Rutsiro.

Abantu bakuze bo muri aka gace basobanura ko izina’Cyimbili’ ubwaryo rifite inkomoko ku nzoka zo mu bwoko bw’impiri, ariko mu rurimi rw’ikigoyi ruvugwa na benshi mu bahatuye, bavuga ‘imbili’.
Izi nzoka ngo zabaga mu rubingo rwinshi rwari ruhateye, buri wese akaba azi ko atari agace ko kwisukirwa, bitewe n’ubugome bw’inzoka z’impiri.

PNG - 694.7 kb
Aha habaga urubingo rubamo impiri none ubu hari amahumbezi akundwa na ba mukerarugendo (Foto Iyaremye Y).

Gusa kuri ubu igishimisha abahatuye ni uko icyari indiri y’impiri bigaragara ko cyasimbujwe ibikorwa bikurura ba mugerarugendo ndetse hakubakwa amacumbi bashobora kuraramo.

Munyarugerero Mathias, umwe mu basaza bahatuye, avuga ko aka gace gafite amateka akomeye cyane, ahanini bitewe n’inzoka zahabaga. Icyakora ngo nyuma haje kugezwa ibikorwa by’iterambere, ishusho yaho irahinduka.
Yagize ati:“Kera hano habaga inzoka nyinshi cyane ku buryo abantu bahatinyaga ngo zirabarya, hari ibigunda ku buryo no kunyura hafi yaho byari ikigeragezo, ariko haje abazungu bahatangiza amashuri, urusengero, hatangira gusobanuka.

Hiyongeraho umuvuduko w’iterambere ry’igihugu, ubu niho hantu usanga hasobanutse muri kano karere, abashyitsi niho tubakirira, ba mukerarugendo n’abandi, iri terambere turikesha umutekano dukoreramo twahawe n’ubuyobozi bwiza.”

Kuva mu myaka ya 1963 ubwiza bw’uyu mwaro bwaje kubengukwa n’abamisiyoneri b’abanyamerika, baje kuhatangiza idini ry’Abatisita.

Uwahamenyekanye cyane muri aba banyamerika akaba uwitwa Kirl wahatangije ibikorwa by’amajyambere, nk’amashuri, ubukerarugendo n’ibindi n’ubu usanga bifatiye runini abahaturiye.

Nubwo abaturage n’abayobozi b’umurenge wa Kigeyo bemeza ko Cyimbili ihatse amateka n’ibikorwa byashobora kubyazwa umusaruro uruseho bihawe agaciro, bemeza ko bagihura n’imbogamizi zo kuba batagira umuhanda, bigatuma kano gace katagendwa cyane, ndetse n’ubuhahirane bukadindira.

Habinshuti Felicien, Umunyamabanga Nshingwabikorwa w’umurenge wa Kageyo, avuga ko ubu bwiza nyaburanga bwa Cyimbili bwatewe imboni n’ikigo cy’igihugu gishinzwe iterambere, RDB, cyahise kihemeza nka hamwe abakerarugendo bashobora kuruhukira, mu mushinga w’ubukerarugendo bwo ku nkengero z’ikiyaga cya Kivu.

Yagize ati:“Dufite byinshi byaduteza imbere byisumbuyeho, ariko kutagira umuhanda biratubangamiye kuko ni bisi iza inaha yonyine ivuye Gisenyi, kandi nayo igenda ari imwe mu munsi wose,kandi nayo iyo imvura iguye ntabwo igenda.Tubonye umuhanda byadufasha.”

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.