Advertisement
 
 
 
 
 
 
 
 

Ubukungu

Rusizi:Bamwe mu babyeyi batuma abana gusabiriza mu mujyi   

  Yanditswe na BAHUWIYONGERA SYLVESTRE
 April 2016

 
 

Ikibazo cy’abana bato basabiriza mu ngo zo mu mujyi wa Rusizi kimaze kugenda kiyongera kikanatera inkeke bamwe mu batuye uyu mujyi, cyane cyane ko bamwe mu basabiriza aba ari abana bato bakagombye kuba bari ku mashuri.

Bamwe muri aba bana bavuga ko baba basibijwe n’ababyeyi bakabatuma gusabiriza, mu gihe abo babyeyi na bo baba bagiye gusaba ahandi.

Igiteye impungenge cyane ni uko rimwe na rimwe muri aba bana usangamo n’abakobwa baba ari bato cyane, ariko ugasanga amayeri bakoresha basabiriza rimwe na rimwe utayakekera umwana ungana nabo.

JPEG - 197 kb
Uyu mwana avuga ko nyina ajya gusabiriza i Bukavu we akamutuma gusabiriza i Rusizi (Foto Bahuwiyonbhera S)

Maniragaba Damascene (amazina yahinduwe) ni umwana uvuga ko ari uw’i Murangi mu murenge wa Kamembe, ahakunda guturuka n’abandi bana benshi basabiriza mu ngo zo mu mujyi wa Rusizi, akaba avuga ko yiga mu mwaka wa 2 w’amashuri abanza ku ka Cyangugu muri uyu murenge.

Aganira n’Imvaho Nshya yagize ati:“Turi abana 2 mu rugo twese turasabiriza, ariko ni mama ubidutuma kuko twe atubwira kujya gusaba mu mujyi na we akajya gusaba i Bukavu,tugahura nimugoroba.

Kuko aba atanatetse hari n’igihe tutajya kwiga kubera inzara, akavuga ko atari byiza ko asaba mu mujyi wa Rusizi kandi natwe ari ho turi, ariko igihe yaguma mu rugo agashaka ikindi akora natwe twabireka kuko atakongera kudutuma.”

Uyu mwana yakomeje avuga ko mukuru we amaze kurambirwa guhora bava mu rugo bajya gusabiriza buri munsi, akavuga ko hari aho yabaye yigiriye mu murenge wa Gihundwe, gusa murumuna we akabona ko ibyo guta urugo na byo atari byo.

Iyi ngeso yo gusabiriza n’ubuzererezi bw’abana muri uyu mujyi, ubuyobozi bw’Umurenge wa Kamembe buvuga ko buyizi, bukaba buvuga ko bwatangiye gahunda yo gukemura iki kibazo buhereye ku kuganiriza ababyeyi.

Umunyamabanga Nshingwabikorwa w’uyu murenge Ntivuguruzwa Gervais, akaba aherutse kubwira Imvaho Nshya ko basanga ikibazo ari ubukene bukabije bukigaragara mu miryango, ababyeyi bakaba bafashwa kubona ikibatunga, ariko abana ntibatangire ingeso nk’izi mbi bakiri bato.

Ku ruhande rw’abaturage bo muri uyu murenge, bo bavuga ko gukemura iki kibazo byahera ku gufasha ababyeyi b’aba bana kubona imirimo ibafasha kubona ibibatungana n’imiryango yabo, ababyanze bagashakirwa ibihano, aho kugira ngo aba bana bagume muri izi ngeso zo gusabiriza bamwe bavuga ko ari naho hatangirira n’ingeso z’ubujura.

 

Comments

 
 
Musanze:Ibigori bari bitezeho umusaruro ushimishije byibasiwe na Nkongwa
Musanze:Ibigori bari bitezeho umusaruro ushimishije byibasiwe na Nkongwa

Abaturage bakora umwuga w’ubuhinzi bo mu mirenge imwe n’imwe yo mu karere ka Musanze, baravuga ko bahangayikishijwe n’uko batazabona umusaruro uhagije w’ibigori muri iki gihembwe cy’ihinga A 2017, (...)

Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.