Advertisement
 
 
 
 
 
 
 
 

Ubukungu

Rusizi:Abavunja amafaranga mu buryo bwa forode bavugutiwe umuti usharira   

  Yanditswe na BAHUWIYONGERA SYLVESTRE
 September 2016

 
 

Mu gihe hakomeje kuvugwa ivunja ry’amafaranga y’amadovize mu buryo butemewe n’amategeko mu mujyi wa Rusizi, ubuyobozi buraburira uwaba agifite iyo ngeso wese kuyireka atarabiboneramo ingaruka zikomeye.

Ubuyobozi bweruye ko uretse n’abafatiwe muri ibi bikorwa bafunzwe, hari n’abandi bakigenzurwa bakekwaho ubwo bucuruzi, ababikora bakaba basabwa kubireka hakiri kare.

Mu kiganiro yagiranye n’abanyamakuru, umuyobozi w’aka karere, Harelimana Frédéric, yavuze ko iki kibazo kibahangayikishije, kandi ngo ubuyobozi ntibuzakijenjekera.

Mu minsi ishize abagera kuri 11 bakaba barabifatiwemo bashyikirizwa inzego z’ubutabera, aho byagaragaye ko hari bamwe bokamwe n’iyo ‘virusi’ badashaka gukurikiza amategeko ngo bacururize aya madovize mu mazu yabugenewe, bene aba ugasanga ari bashobora guteza ibibazo by’amafaranga y’amahimbano cyangwa n’ibindi bibazo.

JPEG - 186.3 kb
Meya Harelimana ahamya ko abavunja mu buryo bwa magendu bagiye gucika burundu (Bahuwiyongera S.)

Yagize ati “Turasaba inzego zose kudufasha gukemura iki kibazo, zaba iz’abikorera, n’izindi, cyane cyane ko uko duhuye n’inzego z’abikorera duhora tuganira iki kibazo.

Icyakora aba babikora bagomba kumenyeshwa ko ingamba zikomeye zabafatiwe, umuti usharira urahari abadashaka guhinduka mu mikorere bagiye kuwunywa kandi itegeko ntirizabajenjekera kuko rirakakaye.”

Bamwe mu bazi uko ubu bucuruzi bukorwa muri uyu mujyi bavuga ko iki kibazo kizagorana gukemuka kuko hari ababumazemo igihe babugereranya n’ubundi bucuruzi bwa marato bwose buhakorerwa, bakaba badakozwa kubireka cyangwa gukorera mu mazu yabugenewe kuko ngo baba badashaka kwicara hamwe, kuko bafite izindi nyungu bakuramo.

Umwe mu bacuruzi basanzwe yabwiye Imvaho Nshya ati “Guca akajagari k’abavunjayi bakora mu buryo bwa magendu muri uyu mujyi bisaba imbaraga zidasanzwe kuko hari ababimazemo igihe kinini kandi byagiye mu maraso.

Bakaba bafite n’abanyekongo bakorana muri ubwo buryo, nkaba mbona bigoye kuko n’abanyadutaro basa n’abananiranye, ariko nibahozaho, bakanabumvisha ububi bw’iyi micururize batabahutaje, ahari bizacika.”

Meya Harelimana we ariko avuga ko ubu bucuruzi bugomba gucika byanze bikunze, kuko buhombya igihugu cyose kandi burimo n’izindi ngorane zishobora guturuka ku ngaruka zaterwa n’ubuhemu bushobora kubonekamo.

Avuga ko itegeko rihana abakoze ibyaha nk’ibi rihari kandi rizubahirizwa ku babifatiwemo, kuko ubuyobozi butazihanganira na gato umuntu uwo ari we wese uzarenga ku mategeko, akora ibishobora guteza ibibazo abaturage ndetse n’igihugu muri rusange.

Yongeyeho ko iki kibazo kimaze igihe muri uyu mujyi wa Rusizi, kandi ko kitagomba gucecekwa kugeza igihe bizagaragara ko abakora ubu bucuruzi baciwe intege burundu, bakava ku izima bagashaka ibindi bakora cyangwa bakavunja mu buryo bwemewe n’amategeko.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.