Advertisement
 
 
 
 
 
 
 
 

Ubukungu

Rusizi: Abacuruza resitora barataka ibihombo   

  Yanditswe na BAHUWIYONGERA SYLVESTRE
 March 2016

 
 

Abacuruza resitora muri santere y’ubucuruzi ya Mashya, mu murenge wa Nyakarenzo, mu karere ka Rusizi, baravuga ko izamuka ry’ibiciro by’ibiribwa ku masoko riri mu bituma basigaye bakorera mu gihombo, kuko bo badapfa kuzamura igiciro cy’ifunguro.

Mu kiganiro n’Imvaho Nshya, bamwe muri aba bacuruzi bavuze ko muri iyi minsi izamuka ry’ibiciro ku masoko riteye inkeke, bikiyongeraho n’ibiciro by’inzu bakoreramo, iby’amashanyarazi n’amazi byose byazamutse cyane.

Bavuga ko bari bagerageje kwihangira imirimo ariko ikibabaje akaba ari uko kubera igihombo bagwamo hari igihe amafaranga yo kugura bimwe mu bikenerwa bayakura mu yindi mitungo bafite, banga guhagarika ubucuruzi bwabo, bakanga no kuzamura ibiciro kuko abakiliya babo badafite ubushobozi ku buryo babyigongera.

JPEG - 291.3 kb
Mukandori Espérance (usuka icyayi) yemeza ko ibiciro byo ku isoko byazamutse bikabatera igihombo (Foto Bahuwiyongera S)

Mukandori Espérance, umaze igihe afite resitora mu Mashya, yagize ati:“Ni ikibazo gikomeye ni ukuri, twari tuzi ko tugiye gutera imbere ariko byahumiye ku mirari kuko urebye uko ibiciro bimeze n’uko byari bimeze mbere, byarazamutse cyane kandi twe ntacyo twazamuye, tukibaza amaherezo yabyo bikatuyonera.”

Atanga ingero z’izamuka ry’ibi biciro, yagize ati:“Nk’ikilo cy’ibirayi cyaguraga 180 mu mezi 2 ashize ubu ni 300, igitoki cyaguraga 2500 ubu ni 5000, ibishyimbo byaguraga 350 ku kilo ubu ni 450,n’ibindi.

Nk’umufuka w’amakara waguraga 5000 ugeze ku mafaranga 13000, amazi ijerikani ni amafaranga 150, turariha umuriro mu buryo buhanitse, inyama na zo zarazamutse, kandi ibyo byose bikiyongeraho n’imodoka zijya kubizana n’abakozi duhemba, ukibaza icyo twunguka kikatuyobera n’imisoro dutanga, n’amazu dukoreramo tuyakodesha menshi.”

Mugenzi we Ngwinondebe Chantal, na we yagize ati:“Hari igihe numva nareka resitora ariko nkareba ikindi nakora nkakibura kandi no gusubira kwicara mu rugo bikanshobera, nkaba nsanga ubuyobozi bwakangurira abaturage kongera imbaraga mu buhinzi bw’ibiribwa bikamanura ibiciro, na Leta ikatugabanyiriza imisoro tukareba ko natwe abana bacu bakwiga na ho ubundi birakomeye.”

Umunyamabanga Nshingwabikorwa w’umurenge wa Nyakarenzo Nyirangendahimana Mathilde, avuga ko izamuka ry’ibiciro by’ibiribwa ku masoko ritangiye kurenza urugero, ariko ko nko mu murenge wabo byatewe n’ibiza by’imvura nyinshi ivanze n’urubura byangije imyaka.

Kuri ibi biza higongeraho na kirabiranya yazahaje urutoki, akabona ko batongeye guhura n’ibibazo ibi biciro byagabanyuka kuko abaturage bakanguriwe guhinga byinshi cyane.

 

Comments

 
 
Rubavu: Barishimira ko karoti zari zabahombanye zabonye isoko mu mahanga
Rubavu: Barishimira ko karoti zari zabahombanye zabonye isoko mu mahanga

Abahinzi ba karoti bo mu murenge wa Kanzenze mu karere ka Rubavu barishimira ko umusaruro wabo ubu noneho wabonye isoko, nyuma y’uko karoti zabo zari zarabahombanye, aho umufuka waguraga ibihumbi (...)

Ngoma: Umusaruro w’ibishyimbo n’ibigori waragabanutse
Ngoma: Umusaruro w’ibishyimbo n’ibigori waragabanutse

Ubuyobozi bwa Koperative Rebakure Munyamurama_KOREMU, ikorera ubuhinzi bw’ibigori n’ibishyimbo kuri hegitari 400 mu murenge wa Murama buratangaza ko igihembwe cy’ihinga cya 2017A kitababereye kiza, (...)

 RAB irasaba abahinzi gucika ku birayi bya ’Peko’ bagahinga ibiryoshye
RAB irasaba abahinzi gucika ku birayi bya ’Peko’ bagahinga ibiryoshye

Abacuruzi bacuruza ibirayi mu masoko atandukanye yo mu karere ka Rubavu bavuga ko babangamiwe n’ikibazo cy’ibirayi byitwa Peko bikomeje kubatera igihombo, kuko abakiriya babigura nyuma (...)

Kicukiro: Hatangiye kubakwa  umudugudu ufite agaciro kagera kuri Miliyari 5
Kicukiro: Hatangiye kubakwa umudugudu ufite agaciro kagera kuri Miliyari 5

Akarere ka Kicukiro katangije ku mugaragaro igikorwa cyo kubaka umudugudu w’icyitegererezo (IDP Model Village) uzatuzwamo abakuwe mu manegeka ufite agaciro kagera kuri miliyari eshanu z’amafaranga (...)

Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.