Advertisement
 
 
 
 
 
 
 
 

Ubukungu

Rubavu:Kurema isoko ry’inka rya Bigogwe bibasaba kurara bagenda   

  Yanditswe na NGABOYABAHIZI PROTAIS
 June 2016

 
 

Bamwe mu borozi bo mu karere ka Rubavu bagurishiriza inka zabo mu isoko ry’inka rya Bigogwe mu karere ka Nyabihu, bavuga ko ari kure cyane, bityo inka zikahagera zananiwe, ndetse rimwe na rimwe bakarara bagenda.

Mu gihe bavuga ko kubegereza isoko ry’inka hafi byabagabaniriza izi mvune, ubuyobozi bw’umurenge wa Bigogwe bwo buvuga ko bitemewe kuvana inka mu karere uzijyana mu kandi zitari mu modoka.

Bamwe mu borozi bazana inka zabo kuzigurishiriza muri iri soko rya Bigogwe baturutse mu karere ka Rubavu, bavuga ko kutagira isoko hafi byabazonze cyane, kuko ngo barara bagenda, hakaba n’ubwo inka zitagangariye mu nzira.

JPEG - 373.7 kb
Bakora ingendo ndende inka zikananirwa

Uwitwa Uwihanganje Jean Damascene, yagize ati:“ Kutagira isoko hafi y’iwacu bituma tuzana inka mu isoko rya Bigogwe dukoze urugendo rurerure, dore nk’ubu kugira ngo tuze kurema iri soko ry’inka bidusaba ko tuba nibura twahagurutse mu gihe cya sa munani z’ijoro kubera inzira ndende.

Rero inka zihagera zananiwe, twifuza ko nibura twagira isoko ry’inka hafi y’iwacu, kuko no kuzisubizayo bidukomerera kuko twongera kurara mu nzira”.

Umukozi w’umurenge wa Bigogwe ushinzwe ubworozi Mungarurire Gilbert, we avuga ko aba baturage barara bagendana inka babiterwa no kwanga kuzishyira mu modoka, ngo zizanwe mu buryo bwemewe n’amategeko.

Yagize ati:“Ni byo koko aborozi bo muri Rubavu bakora ingendo ndende baza ku isoko rya Bigogwe, ariko nkaba nsanga baba batinya kuzinyuza mu mihanda nyabagendwa kuko bitemewe, bityo bakaba basabwa gukurikiza amabwiriza ariho mu gihugu ajyanye n’ingendo z’amatungo”.

Mungarurire kandi ngo ntiyirengagiza ko umuturage ashobora kuba yagurishiriza inka ye kure y’aho atuye kubera ko wenda nta soko koko riri aho hafi.

Aba baturage b’i Rubavu rero ngo mu gihe ubuyobozi bwabo bwaba butarakemura ikibazo cyo kububakira isoko ry’inka hafi yabo, ngo biracyabagoye cyane.

Isoko ry’inka rya Bigogwe ni ryo soko rukumbi ry’inka ryo mu karere ka Nyabihu, aho bidashidikanywaho ko Bigogwe ikize k’umusaruro w’inka muri aka karere. Iri soko rirema inshuro ebyiri mu cyumweru, kuwa mbere no kuwa kane.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.