Advertisement
 
 
 
 
 
 
 
 

Ubukungu

Rubavu:Igiciro cy’ibirayi kirazamuka ku buryo buteye impungenge   

  Yanditswe na IYAREMYE YVES
 4 months ago

 
 

Abaturage bo mu murenge wa Gisenyi mu karere ka Rubavu, batewe impungenge n’igiciro cy’ibirayi kizamuka buri munsi, ku buryo ubu ngo ab’amikoro make batakibyigondera.

Ubu ikilo cy’ibirayi kirabarirwa hagati y’amafaranga 280 na 300, igiciro bavuga ko kidasanzwe mu gace nk’akabo gasanzwe kazwiho kweza ibirayi byinshi.

Abahinzi babyo kimwe n’ababigurisha bo bavuga ko izamuka ry’ibiciro rishingiye ahanini ku ngorane zagaragaye mu ihinga ry’ibirayi, bigatuma n’umusaruro uba muke noneho n’ubonetse bakawuhendaho ngo bagaruze ayo bashoye.

Zimwe mu ngorane bagaragaza harimo kuba igihe cy’ihinga cyarabayemo imvura nyinshi, imbuto mbi bahinze ikabahombera, hakaba kandi n’icyo bita amananiza mu kubona inyongeramusaruro, kuko iyo fumbire itangwa umuhinzi abanje kwerekana icyangombwa cy’ubutaka bwe.

JPEG - 106.1 kb
Igiciro cy’ibirayi cyarazamutse cyane (Foto archive)

Mwangange Jeanne, umwe mu baturage batuye mu karere ka Rubavu, Umurenge wa Gisenyi, yagize ati:”Ubu ngubu kurya ibirayi bisigaye bimeze nko kurya inyama kuko ni imbonekarimwe, ibaze kuba n’abacuruzi bo hasi basigaye batinya kubirangura, umuturage w’ubushobozi buke we urumva byagenda gute?

Igiciro kigeze ku mafaranga 300 kandi biracyazamuka kuko nta musaruro witezwe vuba ngo dutabarwe, bamwe mu bo duhuje ikibazo bafashe umwanzuro wo kuva ku birayi ahubwo turibaza uko turabaho tubivuyeho kuko usanga abakuru n’abato babikunda cyane.”

Nubwo abaturage bahangayikishijwe n’igiciro cy’ibirayi, abahinzi bemeza ko bahuye n’ibibazo bikomeye byatewe n’ibibazo by’imvura yaguye, izuba rikagwa ndetse hazamo n’ikibazo cy’inyo.

Hari n’abahinzi bavuga ko bagiye kuba bahagaritse guhinga ibirayi bitewe n’uko hari abarimo guhunika ibiro 800 byose bikabora bagasigarana imbuto y’ibiro 100.

Umwe muri aba bahinzi yagize ati:”Ubu dusigaye duhinga kubona ifumbire bikaba ingorabahizi, kuko bisaba kwerekana igipapuro cy’ubutaka, bigatuma duhura n’ikibazo cy’igihe, hari kandi kuba ibirayi byarabaye bike abaturage bakiyongera, ababicuruza bagahitamo kuzamura igiciro.”

Harerimana Blaise, umukozi w’akarere ushinzwe Ubuhinzi n’ubworozi, ntiyemeranya n’abahinzi bavuga ko bahuye n’ibihe bibi by’ihinga, ahubwo avuga ko kuzamuka kw’ibirayi ari ibisanzwe muri aya mezi kuko umusaruro uba ari muke.

Yemeza ko kuba igiciro cyarihagazeho byatewe n’imikorere y’amakusanyirizo yaje aje gukemura ibibazo abahinzi bakundaga guhura nabyo, akanasaba abahinzi kutamarira umusaruro ku masoko.

Aragira ati:”Mu karere dufite abahinzi bahinga noneho basarura bakaryoherwa n’ifaranga bakibagirwa ko bazakomeza guhinga n’ubutaha, aba bahinzi rero iyo bagiye kugura imbuto bagasanga yarazamutse ntibabyumva neza, rero turabasaba kwiteganyiriza.”

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Rubavu:Abavunjayi barataka igihombo baterwa n’abamamyi
Rubavu:Abavunjayi barataka igihombo baterwa n’abamamyi

Amashyirahamwe y’abakora akazi ko kuvunja amafaranga y’amanyarwanda n’amanyamahanga mu karere ka Rubavu, barataka ko baterwa igihombo n’abakora uyu murimo mu buryo butemewe n’amategeko, bita (...)

U Rwanda mu nzira zo kuvumburwamo amabuye ya Nickel n’Amabengeza
U Rwanda mu nzira zo kuvumburwamo amabuye ya Nickel n’Amabengeza

Ihuriro nyarwanda ry’Abacukuzi b’Amabuye y’Agaciro ryatangaje ko mu Rwanda hagaragaye ibimenyetso by’amabuye y’agaciro yitwa Nickel n’amabengeza. Mu muhango wo kwizihiza umunsi mpuzamahanga (...)

Abacukuzi  b’amabuye y’agaciro bafite imbogamizi zo kubona inguzanyo
Abacukuzi b’amabuye y’agaciro bafite imbogamizi zo kubona inguzanyo

Abacukuzi b’amabuye y’agaciro mu Rwanda bavuga ko bafite imbogamizi zo kubona inguzanyo z’amabanki muri uwo murimo ngo babashe kuwukora neza. Ibi babitangarije mu muhango wo kwizihiza umunsi (...)

Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.