Advertisement
 
 
 
 
 
 
 
 

Ubukungu

RRA yahisemo kutihutira guhutaza abaturage ku musoro w’ubutaka   

  Yanditswe na NIYONSENGA SCHADRACK
 4 months ago

 
 

Komiseri Mukuru w’Ikigo cy’Igihugu cy’Imisoro n’Amahoro (RRA) Richard Tusabe, yatangaje ko birinze guhutaza abaturage ku bijyanye no gusoresha ubutaka n’indi mitungo kamere nyuma yo gusanga hari ibigomba kuvugururwa mu itegeko rigena uko iyi mitungo yasoreshwa.

Iyi gahunda yayitangarije mu karere ka Gicumbi ubwo yerekwaga imbogamizi abasoreshwa umusoro ku mitungo kamere bahura nazo nko gusoreshwa umusoro utajyanye n’icyo ubutaka bwagenewe, gusoreshwa ubutaka butakiri ubwabo, kwishyuzwa umusoro urusha agaciro ikiguzi cy’ubutaka basoreshwa bwose ndetse no gusoreshwa kandi batishoboye.

Itegeko rigenga umusoro utangwa ku mutungo kamere urimo n’ubutaka ryagarutsweho nk’irikeneye kunozwa na bamwe mu basoreshwa n’abayobozi mu nzego z’ibanze.

Habyarimana Jean Damascene Visi meya w’Akarere ka Gicumbi yagize ati “Mu guhinduza ibyangombwa by’ubutaka Ikigo cy’igihugu gishinzwe ubutaka kirabikora neza ariko wagera kuri RRA umuturage agiye kwishyura agasanga ntacyahindutse.”

JPEG - 108.3 kb
Richard Tusabe asanga kuvugurura itegeko risoresha ubutaka bizafata igihe kirenga umwaka

Bandora Faustin uhagarariye Urugaga rw’Abikorera (PSF) muri Gicumbi yongeyeho ati “Umuntu aba afite ubutaka nka metero 20 akohererezwa igipapuro kimusoresha amafaranga ibihumbi 800 kandi n’ubwo butaka butayagura, ugasanga uwo muturage usoreshwa afashwa na gahunda za leta nk’umuntu utishoboye. Twifuzaga ko uburyo bwo kwishyuza ubutaka bwavugururwa; rimwe na rimwe hari ubwo usanga banakwishyuza ubutaka butakiri ubwawe njye byambayeho.”

Komiseri Mukuru wa RRA, Richard Tusabe yemeza ko hari byinshi bikeneye kunozwa mu kuvugurura itegeko risoresha imitungo kamere harimo n’ubutaka

Ati “Tumaze kubona uko bimeze twahisemo tutakwihutira guhutaza umuturage tumuziza umusoro w’ubutaka, inzego z’ibanze ni zo zigomba kugaragaza icyo ubutaka bukoreshwa kuko twe nka RRA dukoresha ibyangombwa bafite ariko si twe tujya kubihindura. Gusa birasaba ubufatanye n’inzego zose. Ni inzira ivunanye ariko ntakundi twabigenza, ubutata buzakomeza buhinduka uko ibishushanyombonera bikorwa, kuvugurura ibi bizafata igihe kirenga umwaka.”

Mu rwego rwo kugera ku muhigo yahawe, RRA yibukije abayobozi b’inzego z’ibanze kujya bayifasha kwishyuza umusoro aho bishoboka nk’uko basanzwe bafasha leta mu gushyira mu bikorwa izindi gahunda.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Rubavu:Abavunjayi barataka igihombo baterwa n’abamamyi
Rubavu:Abavunjayi barataka igihombo baterwa n’abamamyi

Amashyirahamwe y’abakora akazi ko kuvunja amafaranga y’amanyarwanda n’amanyamahanga mu karere ka Rubavu, barataka ko baterwa igihombo n’abakora uyu murimo mu buryo butemewe n’amategeko, bita (...)

U Rwanda mu nzira zo kuvumburwamo amabuye ya Nickel n’Amabengeza
U Rwanda mu nzira zo kuvumburwamo amabuye ya Nickel n’Amabengeza

Ihuriro nyarwanda ry’Abacukuzi b’Amabuye y’Agaciro ryatangaje ko mu Rwanda hagaragaye ibimenyetso by’amabuye y’agaciro yitwa Nickel n’amabengeza. Mu muhango wo kwizihiza umunsi mpuzamahanga (...)

Abacukuzi  b’amabuye y’agaciro bafite imbogamizi zo kubona inguzanyo
Abacukuzi b’amabuye y’agaciro bafite imbogamizi zo kubona inguzanyo

Abacukuzi b’amabuye y’agaciro mu Rwanda bavuga ko bafite imbogamizi zo kubona inguzanyo z’amabanki muri uwo murimo ngo babashe kuwukora neza. Ibi babitangarije mu muhango wo kwizihiza umunsi (...)

Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.