Advertisement
 
 
 
 
 
 
 
 

Ubukungu

RRA yahagurukiye gusoresha abafundi n’abayede   

  Yanditswe na UWIMANA DONATA
 July 2016

 
 

Ikigo cy’igihugu cy’imisoro n’amahoro (RRA) kigiye gushyira ingufu mu gusoresha inyubako kugeza kuri ba nyakabyizi bazikoraho (abafundi n’ababafasha).

Ibyo bikazajya bikorwa uhereye inyubako igitangira kugera irangiye mu rwego rwo kwirinda amakosa yajyaga akorwa.

Mu kiganiro n’abanyamakuru,iki kigo cyagaragaje ko inzego z’inyubako, n’amahoteli zigicumbagira mu kwinjiza amafaranga ajya mu isanduku ya Leta.

Mu mwaka ushize, ubwubatsi bwinjije Miliyari 11,4 mu gihe mu amahoteli yinjije Miliyari zigera kuri 11.

Komiseri mukuru wa RRA, Richard Tushabe, avuga ko nta mpamvu n’imwe yatuma nyakabyizi atishyura umusoro.

Ati “Ikimubuza kwishyura ni iki?Kandi yakoze igikorwa kibyara inyungu, yahembwe. Nyakabyizi niba akorera amafaranga ibihumbi 4 cyangwa 5 ku munsi mu minsi 20 ashobora kubona ibihumbi 100 kuki atasora? Na mwarimu atanga wa musoro kandi ahembwa ibihumbi 70 cyangwa 80”.

JPEG - 160.2 kb
Komiseri Mukuru wa RRA Tushabe Richard (Foto James R)

Imisoro igomba gutangirwa aba ba nyakabyizi ni umusoro ku bihembo (TPR) ungana na 15%.

Tushabe yavuze ko uretse gusoresha ba nyakabyizi binyuze kuri rwiyemezamirimo ubakoresha, na nyir’inyubako azajya atanga umusoro ku nyungu muri ubwo bwubatsi.

Yongeyeho ko gusoresha inyubako byajyaga bikorwa imirimo yo kubaka yararangiye bigatuma hagaragara amakosa .

Ati “Niba hari amakosa umuntu yakoze agitangira umushinga we ugomba kumara amezi 24 cyangwa imyaka 5, yakomezaga kuyakora kugeza igihe umushinga we uzarangirira, ubwo hakorwa igenzura hakagaragara amakosa na we yemera, agahanwa nyuma y’icyo gihe cyose harimo n’inyungu z’ubukererwe, bituma n’ibihano bizamuka.”

Abanyamahanga bakoraga bagasubira iwabo badasoze

Komiseri Tushabe yakomeje avuga ko kuba igenzurwa ryakorwaga nyuma byatumaga abanyamahanga bakora ku nyubako bisubirira iwabo badasoreshejwe, bikazabazwa nyir’inzu.

Ati “Wajya kumugenzura yari umushinwa ugasanga yaragiye, bigatuma ujya mu bibazo byo kugaruza amafaranga ya Leta yakagombye kuba yarakiriwe.”

Tushabe avuga ko bazakorana n’urugaga rw’abikorera n’izindi nzego za Leta bagasinyana amasezerano azatuma bamenya abubaka abo ari bo n’aho bavuye kugira ngo gusoresha bizaborohere.

Ati “Abavuye mu mahanga nko mu Budage, mu Bushinwa n’ahandi tuzajya tubereka icyo itegeko ribasaba hakiri kare. Mu kiguzi bemeranya n’uwo bubakira bashyiremo n’umusoro kuko harimo abavugaga ko batari babizi bavuga ko nta mafaranga yateganyijwe y’imisoro”.

Yakomeje avuga ko nta musoro wahindutse ahubwo ikigamijwe ari ukunoza imikoranire n’abafite iyi mishinga mu gusoza inshingano bitabagoye n’abafite intege nke bahanwe ariko babanje kwegerwa kandi bahuguwe.

Muri uyu mwaka w’ingengo y’imari ya 2016-2017, RRA irateganya kwinjiza miliyari 1000 na miliyoni 84 z’amafaranga y’u Rwanda.Iki kigo kivuga ko gishobora gusoza 2016 gikusanyije miliyari zigera kuri 980.

 

Comments

  • kalisa July 2016

    Mugeze naho kudusoresha udufaranga tuba twakuye mu buyede n’ubufundi koko! uzabanze wibaze ubuzima umuyede cg umufundi aba abayemo: uko arya we n’umuryango n’ aho barara.
    ubwo se muzagira impuhwe zo kumubaza dépenses cg chargés afite? ngo nibura bimworohereze.
    iyi ni politique yo kutunyunyuza kdi n’ubundi ntako twimereye.
    urugero: Data wacu ni umufundi afite famille y’abantu 6 ahahira, yambika, na Minerval y’abana babiri batoya.
    Ibyo kugirango bikorwe turya rimwe, ubwo se umunsi yatangiye gusoreshwa na rimwe ku munsi
    ntituzabibona, Mureke twipfire!!!!!!


 
 
Rubavu: Barishimira ko karoti zari zabahombanye zabonye isoko mu mahanga
Rubavu: Barishimira ko karoti zari zabahombanye zabonye isoko mu mahanga

Abahinzi ba karoti bo mu murenge wa Kanzenze mu karere ka Rubavu barishimira ko umusaruro wabo ubu noneho wabonye isoko, nyuma y’uko karoti zabo zari zarabahombanye, aho umufuka waguraga ibihumbi (...)

Ngoma: Umusaruro w’ibishyimbo n’ibigori waragabanutse
Ngoma: Umusaruro w’ibishyimbo n’ibigori waragabanutse

Ubuyobozi bwa Koperative Rebakure Munyamurama_KOREMU, ikorera ubuhinzi bw’ibigori n’ibishyimbo kuri hegitari 400 mu murenge wa Murama buratangaza ko igihembwe cy’ihinga cya 2017A kitababereye kiza, (...)

 RAB irasaba abahinzi gucika ku birayi bya ’Peko’ bagahinga ibiryoshye
RAB irasaba abahinzi gucika ku birayi bya ’Peko’ bagahinga ibiryoshye

Abacuruzi bacuruza ibirayi mu masoko atandukanye yo mu karere ka Rubavu bavuga ko babangamiwe n’ikibazo cy’ibirayi byitwa Peko bikomeje kubatera igihombo, kuko abakiriya babigura nyuma (...)

Kicukiro: Hatangiye kubakwa  umudugudu ufite agaciro kagera kuri Miliyari 5
Kicukiro: Hatangiye kubakwa umudugudu ufite agaciro kagera kuri Miliyari 5

Akarere ka Kicukiro katangije ku mugaragaro igikorwa cyo kubaka umudugudu w’icyitegererezo (IDP Model Village) uzatuzwamo abakuwe mu manegeka ufite agaciro kagera kuri miliyari eshanu z’amafaranga (...)

Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.