Advertisement
 
 
 
 
 
 
 
 

Ubukungu

Peteroli mu Kivu yakanguye ubufatanye bw’u Rwanda na Congo   

  Yanditswe na IYAREMYE YVES
 4 months ago

 
 

U Rwanda na Repubulika Iharanira Demokarasi ya Congo (RDC) bigiye gutangira ubufatanye mu gushakisha no gucukura Peteroli na Gazi Methane biboneka mu Kiyaga cya Kivu ku mpande zombi.

Peteroli na Gazi mu kiyaga cya Kivu birongera kugarukwaho ku wa Kane tariki 10 Ugushyingo mu nama yabereye i Goma mu gihe bikubiye mu masezerano amaze imyaka 41 kuko ya asinywe hagati y’ibi bihugu byombi mu 1975.

Kuri ubu u Rwanda rwatangiye kubyaza umusaruro iki kiyaga kuko rukuramo MW 22 ziyongera ku murongo mugari w’amashanyarazi y’igihugu nyuma y’amasezerano aherutse gusinywa hagati y’ibihugu byombi muri Kanama 2016.

JPEG - 346.2 kb
Ministri Biruta na Mugenzi we Aime Ngoy Mukena i Goma

Minisitiri w’Umutungo Kamere Dr Vincent Biruta, yashimangiye ko uretse Gazi Methane hari ibikorwa bihugiweho n’ibihugu byombi byo gutangira gushakisha Peteroli muri iki kiyaga

Minisitiri Dr Biruta yakomeje avuga ko nubwo RDC itaratangira gucukura Gazi Methane, ifite ubushake bwo kubitangira mu maguru mashya kandi bakanifashisha ubujyanama bw’u Rwanda.

Yagize ati “U Rwanda tugeze kure tubyaza ikiyaga ingufu nka Gaze Methane turabona umusaruro. Congo na yo yatweretse amasezerano basinyanye n’abahanga bagiye gutangira kubaka ibikorwa. Twiyemeje gukorera hamwe ndetse tunabyaze ikiyaga peteroli; ibi bizagira inyungu ku baturage baturiye ibihugu byombi.”

JPEG - 2 Mb
Uhereye i Bumoso Minisitiri w’umutungo Kamere Dr Vincent Biruta, Minisitiri Aime Ngoyi Mukena, Julien Paluku n’abandi bayobozi nyuma y’amasezerano (Foto Iyaremye Y)

Minisitiri w’Ingufu zikomoka kuri Peterioli muri RDC Aimé Ngoy Mukena, yemeje ko bafite ubushake bwo kugendera ku muvuduko w’u Rwanda mu kubyaza umusaruro iki kiyaga gifite ubutunzi bufitiye ibihugu byombi akamaro gakomeye.

Yagize ati “Twiyemeje gufashanya iki kiyaga ni isano rikomeye ibihugu byombi bifitanye, rikwiye kubyara inyungu ku bihugu byombi n’abaturage babyo bakabyungukiramo. Tugiye gucukura Gaze Methane, ariko tunashyira imbaraga mu gucukura peteroli kuko ubushakashatsi bwagaragaje ko irimo.”

Inama yabereye muri Congo yahise itangiza ibiganiro by’impuguke zihagarariye ibihugu byombi biri kubera i Rubavu ku buryo bwo guhita bashyira mu bikorwa ibyemezo byayifatiwemo.

JPEG - 249.3 kb
Guverineri w’Intara ya Kivu y’Amajyaruguru Julien Paluku, ari mu bitabiriye inama yiga kubyaza umusaruro Ikiyaga cya Kivu
 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.