2017-06-25 13:58:23 clouds 27o High | Kigali Rwanda

Dukurikire:
 
 

Nyuma yo kwivumbura, Misiri irasaba kugaruka mu muryango w’ibihugu bituriye Nil

Yanditswe na IMVAHO NSHYA

Kuya 2016-08-04 12:33:48

 
Share on:
 
Yasuwe:5
 
Yavuzweho:200
 
10
 
10

Igihugu cya Misiri kiri gusaba gusubira mu Nama y’ibihugu bihuriye ku ruzi rwa Nil (NBI) nyuma yo kwivanamo mu 2010.

Minisitiri Ushinzwe Amazi, Kuhira n’Ingufu wa Misiri Mohammed Abdel Ati, mu nama ya 24 y’abaminisitiri b’ibihugu bihuriye kuri Nil yabereye muri Uganda muri Nyakanga, yasabiye Misiri yasabye ko yakongera igahabwa umwanya muri NBI.

Ati” Misiri ifite ubushake bwo kubakira ku byo twatangiye mu 1999 igashyira hasi amananiza n’ubwumvikane buke byagaragaye mu kwishyira hamwe kw’akarere.”

Kugeza ubu ariko ko nta mwanzuro urafatwa kuri icyo kifuzo. Cyane ko Ethiopia na Misiri bimaze iminsi birebana ayingwe kubera urugomero ishaka kubaka kuri Nil rushobora gutuma amazi y’urwo ruzi agabanuka ntajye mu Misiri.

JPEG - 98.2 kb
Uruzi rwa Nil rufitiye akamaro kanini Misiri

Misiri yivanye mu muryango mu 2010 ubwo u Rwanda, Ethiopia, Uganda, u Burundi, Kenya na Tanzania byasinyaga amasezerano yo gusaranganya amazi ya Nil ku buryo bungana.

Ayo masezerano yabuzaga Misiri gukoresha uru ruzi uko yishakiye mu mishinga yo kuhira imyaka no kuyabyaza amashanyarazi nk’uko yari imaze imyaka ibarirwa mu bihumbi ibikora.

U Rwanda n’ibindi bihugu kugeza n’ubu nabyo ntibirava ku izima, ngo byisubireho kuri ayo masezerano.

Ibihugu bituriye Nil ni Misiri, Sudani, Centrafrique, Eritrea, Ethiopia, Kenya, u Rwanda u Burundi na Tanzania.

Mu masezerano yashyizweho umukono mu mwaka w’1939 no mu 1958 Misiri na Sudani byari byihariye igice kinini cy’inyungu ziva kuri uru ruzi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE