Advertisement
 
 
 
 
 
 
 
 

Ubukungu

Nyuma yo guca caguwa, EAC iri gusuzuma niba ishoboye kwikorera imyenda   

  Yanditswe na MUGABO LAMBERT
 4 months ago

 
 

Ubunyamabanga bukuru bw’Umuryango w’Ubumwe bw’Ibihugu bya Afurika y’Iburasirazuba, EAC, bwatangiye kugenzura ubushobozi bw’inganda zikora imyenda n’ibikomoka ku mpu nyuma y’uko hafashwe icyemezo cyo guca caguwa.

Mu nama ya 17 y’Abakuru b’Ibihugu bya EAC , hafashwe icyemezo cyo guca iyinjira mu bihugu ry’imyenda n’inkweto byambawe “caguwa”. Banemeranyije ko izagenda icibwa gahoro gahoro mu gihe cy’imyaka itatu.

Benshi bahise bagaragaza impungenge z’uko Afurika y’Uburasirazuba idafite ubushobozi buhagije bwo ubushobozi bwo guhaza isoko ry’imyenda n’inkweto mu gihe iyo myenda yaba iciwe.

EAC yahise itegura gahunda yo gusura inganda zikora imyeda itangirira ku ruganda rwa “A to Z Textile Mills Limited”, rukoresha abakozi 8,000, aho 80% ari igitsinagore, ruherereye i Arusha muri Tanzania.

Itsinda ryari riyobowe n’Umunyamabanga Mukuru wungirije wa EAC, Jesca Eriyo ryagiranye ibiganiro n’umuyobozi mukuru wa “A to Z Textile Mills Limited” Anuj Shah wari kumwe n’umuyobozi ushinzwe ishami ry’ubushakashatsi mu bya tekinike muri Afurika Dr. Johnson Ouma Odera n’abandi bayobozi muri uru ruganda nk’uko The Citizen (TZ) ibitangaza.

JPEG - 71.6 kb
Ibihugu bya EAC byiyemeje guteza imbere inganda zikora imyenda

Batemberejwe uru ruganda bareba ubushobozi bwarwo, ireme ry’ibyo rukora ndetse n’ubwoko bunyuranye bw’ibihakorerwa bishobora gukenerwa ku isoko.

Jesca Eriyo yavuze ko gahunda yo guca caguwa igamije guteza imbere inganda zo mu karere, hakaba hari gusuzumwa ibyo inganda zibura kugira ngo zigere ku rwego rwo kwambika abatuye ibihugu bya EAC.

Ubunyamabanga bukuru bwa EAC buvuga ko bufite gahunda yo gusura uruganda rutunganya ibikomoka ku mpu ruherereye ahitwa Moshi muri Tanzania nyuma bakazagera no mu bindi bihugu bya EAC.

Jesca Eriyo yari aherekejwe n’abayobozi mu bunyamabanga bwa EAC barimo umuyobozi mukuru ushinzwe umusaruro Jean Baptiste Havugimana, umuyobozi w’ubuhinzi Moses Marwa n’ushinzwe ibyoherezwa hanze Emmanuella Hakizimana n’abandi.

Ubwo yasobanuriraga Inteko ishinga amategeko imitwe yombi ibijyanye na gahunda ya Leta yo guteza imbere inganda hibandwa kuzikora imyenda, mu ntangiriro z’uyu mwaka, Minisitiri w’Intebe Murekezi Anastase yavuze ko hakiri ibibazo birebena n’amafaranga akiri make ngo igihugu nk’u Rwanda kiyubakire uruganda rw’imyenda, amashanyarazi adahagije, ubumenyi buke mu ikoranabuhanga ndetse n’abaturage batari bahindura imyumvire ngo bumve ko ibyo mu Rwanda byakomera no kurenza caguwa.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Rubavu:Abavunjayi barataka igihombo baterwa n’abamamyi
Rubavu:Abavunjayi barataka igihombo baterwa n’abamamyi

Amashyirahamwe y’abakora akazi ko kuvunja amafaranga y’amanyarwanda n’amanyamahanga mu karere ka Rubavu, barataka ko baterwa igihombo n’abakora uyu murimo mu buryo butemewe n’amategeko, bita (...)

U Rwanda mu nzira zo kuvumburwamo amabuye ya Nickel n’Amabengeza
U Rwanda mu nzira zo kuvumburwamo amabuye ya Nickel n’Amabengeza

Ihuriro nyarwanda ry’Abacukuzi b’Amabuye y’Agaciro ryatangaje ko mu Rwanda hagaragaye ibimenyetso by’amabuye y’agaciro yitwa Nickel n’amabengeza. Mu muhango wo kwizihiza umunsi mpuzamahanga (...)

Abacukuzi  b’amabuye y’agaciro bafite imbogamizi zo kubona inguzanyo
Abacukuzi b’amabuye y’agaciro bafite imbogamizi zo kubona inguzanyo

Abacukuzi b’amabuye y’agaciro mu Rwanda bavuga ko bafite imbogamizi zo kubona inguzanyo z’amabanki muri uwo murimo ngo babashe kuwukora neza. Ibi babitangarije mu muhango wo kwizihiza umunsi (...)

Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.