2017-10-17 06:58:11 clouds 27o High | Kigali Rwanda

Dukurikire:
 
 

Nyamasheke: Umuhanda bahawe na Perezida Kagame watumye bazamura ubucuruzi

Yanditswe na IMVAHO NSHYA

Kuya 2017-05-22 06:39:38

 
Share on:
 
Yasuwe:109
 
Yavuzweho:200
 
10
 
10

Abaturage baturiye ibitaro bya Bushenge mu kagari ka Kagatamu, mu murenge wa Bushenge, mu karere ka Nyamasheke barashimira Perezida Kagame wahaye ibitaro bya Bushenge umuhanda wa Kaburimbo na bo bakaboneraho bagateza imbere ubucuruzi.

Bamwe mu baganiriye n’Imvaho Nshya, bavuze ko uyu muhanda ureshya n’ibilometero 3 uva ku muhanda munini wa kaburimbo Rusizi-Kigali wuzuye mu ntangiriro za 2015, batangira kuwukoresha.

Hari abavuga ko bamaze kongera za butiki bacururiza ibintu binyuranye, cyane cyane ibikenerwa n’ababa bari mu bitaro nk’ibyo kurya, ibyo kunywa n’ibikoresho by’isuku, abandi bakaba bagenda bagura imikorere kubera ko nta vumbi ribasanga mu mazu, dore ko mbere ngo ntawashoboraga gucuruza nk’icyayi kubera ko ivumbi ryacyuzuragamo.

JPEG - 286.4 kb
Amaduka aragenda yubakwa andi akavugururwa kubera uyu muhanda ( Ifoto Bahuwiyongera S)

Niyonsaba JMV utuye mu kagari ka Kagatamu, avuga ko bakimara kubona uyu muhanda batawuhariye ibitaro gusa ahubwo na bo batangiye gushaka imikorere n’abari bafite amazu atagezweho bakaba baratangiye kuyavugurura kugira ngo abe yakodeshwa kuko ari ahantu heza hari ibyangombwa byose bikenerwa n’abashaka amazu bakodesha.

Yagize ati “ uyu muhanda twatangiye kuwubyaza umusaruro w’ubukungu ku buryo bufatika kuko ubu twaguye amabutiki dukoreramo, abandi batangira gutekereza amazu meza bashobora gucumbikiramo abantu bakayaturamo ibyo baba bakora byose, dore ko mbere ntawashoboraga gukodesha inzu yaho kubera ivumbi ryinshi mu gihe cy’impeshyi, no kuhagera mu mvura bikaba ingorabahizi.”

Abaturage banavuga ko igiciro cy’ingendo cyagabanutse, aho moto yacaga amafaranga 600 kugera ku bitaro ubu ari amafaranga 300.

Bavuga ko bazakomeza kuwufata neza mu rwego rwo gushimira Umukuru w’Igihugu wawubahaye, bakazakomeza gutekereza n’ibindi bawubyaza umusaruro.

Umuyobozi w’Akarere ka Nyamasheke wungirije ushinzwe iterambere ry’ubukungu Ntaganira Josué Michel, avuga ko kugira uyu muhanda kimwe n’umuhanda munini wa Kaburimbo Rusizi-Nyamasheke-Karongi ari amahirwe akomeye y’ubukungu bafite, abaturage bakaba badakwiye kuyirebera mu ngendo gusa, ahubwo bakwiye no kuyibyaza umusaruro ufatika w’iterambere.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE