Advertisement
 
 
 
 
 
 
 
 

Ubukungu

Nyamasheke:Aborozi benshi baretse korora inyana bazisimbuza ibimasa   

  Yanditswe na BAHUWIYONGERA SYLVESTRE
 2 months ago

 
 

Mu karere ka Nyamasheke bamwe mu borozi bayobotse ubworozi bw’ibimasa bavuga ko ari bwo bwunguka, inka z’inyana ziragabanyuka cyane, ku buryo bamwe batangiye kugira impungenge ko zishobora gucika burundu.

Bamwe mu borozi n’abacuruzi b’inka bemeza ko ubworozi bw’inka z’umukamo buri mu marembera, kuko ngo kubona inka zibyara byatangiye kuba ikibazo, kuko benshi mu bafite ingufu zo korora badakozwa ibyo korora inyana.

Izi mpungenge zigaragazwa n’abaturage benshi, bavuga ko muri iki gihe ubworozi busigaye bwarabaye nk’ubucuruzi, aho umuntu atororera ubwinshi ahubwo yororera inyungu,kuko aka karere kakaba nta rwuri kagira ngo abaturage bororeremo inka zibyara izindi nyinshi.

JPEG - 323.4 kb
Mu masoko y’inka y’aka karere usangamo ibimasa gusa kuko abenshi basigaye bashaka ibyunguka vuba (Foto Bahuwiyongera S)

Bamwe bakaba batanatinya kuvuga ko inka z’inyana zisigaye zigaragara cyane mu ngo ahanini ari iza Girinka kuko zo uyoroye atagomba kuzimya igicaniro, abandi benshi bamaze kwiyobokera ubworozi bw’ibimasa.

Bavuga kandi ko inyana zirushya korora no kubera uburyo bazororamo zigatinda kubyara kubera ko ngo batamenya igihe zarindiye ngo bazibangurire, ariko ibimasa byo ngo ntibibarushya kandi bigatanga ifumbire nk’inyana, bigatanga n’amafaranga atubutse mu gihe gito.

Igiteye impungenge kikaba ari uko n’abaha abandi amatungo ngo babaragirire nta we ucyemera kuragira inyana, yemera ikimasa bakazagabana amafaranga vuba aho gufata inyana ngo azamuziturire.

Habarurema wo mu mudugudu wa Mpishyi, akagari ka Mataba, umurenge wa Shangi, yagize ati “Impungenge zirahari ahubwo abashinzwe ubworozi mu mirenge no mu karere bakwiye kubikurikiranira hafi, kuko nk’iyo ugiye mu isoko ukagura inyana y’ibihumbi 250, undi akagura ikimasa cy’amafaranga nk’ayo, uwaguze ikimasa akakiragira mu mezi 6 gusa bashobora kumuha amafaranga ibihumbi 450 kandi yaramuhaye n’ifumbire.

Ni mu gihe uwaguze inyana ishobora kumara umwaka itarabyara kandi itararenga kuri ya mafaranga, tugahitamo kwiyororera ibimasa.”

Bamwe mu bacuruzi b’inka Imvaho Nshya yasanze mu isoko ry’inka rya Bumazi, nabo bagize bati “Nta gushidikanya ubworozi bw’inka muri aka karere bwatangiye gukendera kuko nko mu isoko nk’iri inyana aba ari nke cyane, abenshi bigurira ibimasa.

Ugasanga nta we ufite gahunda yo korora igihe kirekire, bose bafite iy’ubucuruzi kandi ntiwaba ufite abana biga ngo worore inyana uzabone amafaranga y’ishuri, bisaba ibimasa uzajya ugenda ugurisha ukayabona, ari yo mpamvu n’amata ahenda cyane.”

Ushinzwe ubworozi muri aka karere Sindayiheba Félix, we ariko si ko abibona, kuko avuga ko nubwo ibimasa bigenda birushaho kuba byinshi n’inyana zihari, cyane cyane izo muri gahunda ya Girinka.

Yemeza ariko na we ko mu borozi basanzwe inyana zigabanuka, akavuga ko batabuza umuntu korora inka ashaka, bapfa korora kimyamwuga, agasanga ubworozi butazakendera nk’uko babivuga.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Abacukuzi  b’amabuye y’agaciro bafite imbogamizi zo kubona inguzanyo
Abacukuzi b’amabuye y’agaciro bafite imbogamizi zo kubona inguzanyo

Abacukuzi b’amabuye y’agaciro mu Rwanda bavuga ko bafite imbogamizi zo kubona inguzanyo z’amabanki muri uwo murimo ngo babashe kuwukora neza. Ibi babitangarije mu muhango wo kwizihiza umunsi (...)

Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Nyamagabe: Umudozi yasabiwe guhuzwa n’Abashinwa bakora imyenda
Nyamagabe: Umudozi yasabiwe guhuzwa n’Abashinwa bakora imyenda

Minisitiri w’Abakozi ba Leta n’Umurimo Uwizeye Judith, yasabye ubuyobozi bw’Akarere ka Nyamagabe gukorana na Minisiteri y’Ubucuruzi n’Inganda gufasha umudozi wahangiye imirimo abaturage benshi muri (...)

Abanyarwanda 920 bamaze kwizigama by’igihe kirekire asaga miliyari
Abanyarwanda 920 bamaze kwizigama by’igihe kirekire asaga miliyari

Ikigo gishinzwe Ibigega by’Umugabane ku Ishoramari (RNIT Iterambere Fund) cyatangaje ko Abanyarwanda 920 ari bo bashoye imari mu igurisha rya mbere bizigama by’igihe kirekire amafaranga y’u Rwanda (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.