2017-09-21 09:07:12 clouds 27o High | Kigali Rwanda

Dukurikire:
 
 

Nta gabanuka ry’ibiribwa rizabaho kubera nkongwa –MINAGRI

Yanditswe na IMVAHO NSHYA

Kuya 2017-05-01 13:07:29

 
Share on:
 
Yasuwe:143
 
Yavuzweho:200
 
10
 
10

Minisiteri y’Ubuhinzi n’Ubworozi (MINAGRI) iratangaza ko icyonnyi cya Nkongwa cyateye mu bice bitandukanye by’igihugu kitazateza igabanuka ry’ibiribwa, kuko Leta yatangiye kukirwanya yivuye inyuma.

Mu mpera za Gashyantare 2017 habaruwe hegitare zigera kuri 15,699 zihinzeho ibigori zangijwe na nkongwa mu Karere ka Nyamagabe, hangana na kimwe cya kane cy’ubutaka bwa hegitari 63,499 bwahinzweho ibigori mu gihugu hose.

Ubwo butaka bwahinzweho ibigori bukaba ari 5% by’ahahinze imyaka itandukanye mu gihugu, ariko Minisitiri w’Ubuhinzi n’Ubworozi, Dr Gerardine Mukeshimana, arahumuriza abahinzi n’Abanyarwanda muri rusange, akavuga ko ko nta kibazo cy’ibiribwa kizabaho.

Yagize ati “Nkongwa nta bwo izahungabanya kwihaza mu biribwa kuko ibigori nta bwo byahinzwe ku buso bunini mu gihembwe cy’ihinga cya 2017 B.”

JPEG - 101.9 kb
Minisitiri w’Ubuhinzi n’Ubworozi, Gerardine Mukeshimana

Yakomeje agira ati “Igipimo cy’ubuso bugera kuri 95% bw’ubutaka bwahinzweho muri iki gihembwe (hegitari 1,300,000) buriho imyaka izatuma habaho kwihaza mu biribwa.”

Mukeshimana avuga ko ibihingwa birimo ibishyimbo, insina, umuceri, ingano, soya n’imyumbati, ari byo byahinzwe cyane ku buryo bizaziba icyuho cy’ibigori.
Icyorezo cya kongwa cyateye mu myaka cyahagurukiwe n’inzego zitandukanye harimo n’ingabo z’igihugu aho zanohereje Kajugujugu mu gutera imiti.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE