Advertisement
 
 
 
 
 
 
 
 

Ubukungu

Nta bikorwa remezo bizongera kwangiza ibisanzwe- MININFRA   

  Yanditswe na NIYONSENGA Schadrack
 19 April

 
 

Minisiteri y’Ibikorwa remezo n’abafatanyabikorwa bayo bafashe ingamba zo kubungabunga ibikorwa remezo hirindwa ko ibikorwa bishya byajya byangiza ibiba bisanzwe bikoreshwa.

Igongana ry’ibikorwa remezo rikunda kugaragara cyane mu gihe cyo kubaka cyangwa gusana, aho wasangaga ari nk’umuco ko ahagiye kubakwa umuhanda, inyubako, cyangwa imiyoboro y’itumanaho ibikorwa bihasanzwe birimo nk’amatiyo y’amazi cyangwa insinga z’amashanyarazi byangirika.

MININFRA ivuga ko izi neza uburyo ibikorwa remezo byangiza ibindi bikabangamira imibereho y’abagenerwa bikorwa. Gusa ngo uretse ibyangizwa n’ibindi bishya hari n’ibyangizwa n’abaturage ubwabo.
Minisitiri Musoni yagize ati “Hari aho byangizwaga bigasaba ko umuturage atanga amafaranga ngo abisubirizweho, ibyo ni byo twemeje ko bihinduka n’aho bibaye bikajya bisanwa ako kanya. Dufite ingero nyinshi z’ahagiye hakorwa imihanda ikangiza amatiyo y’amazi abaturage bakabura amazi urugero twatanga ni muri Busanza, ahandi ugasanga imiyoboro y’itumanaho igenda igonga imihanda, insinga z’amashanyarazi zikangizwa n’ibindi. Ariko ibyo byose twabifatiye ingamba”.

JPEG - 229.8 kb
Minisitiri Musoni James asobanura uburyo ibikorwa remezo bigiye kujya byitabwaho (Foto Niyonsenga S)

Zimwe mu ngamba MININFRA n’ibigo biyishamikiyeho byafashe mu kurinda ibikorwa remezo kwangiza ibindi harimo ko nta rwiyemezamirimo uzemererwa gutangira gukorera ahantu ikintu mu gihe ibihasanzwe bitarimurwa.

Ku mihanda hazajya hashyirwa itiyo nini igomba kunyuzwamo izindi nsinga zose nk’izitumanaho, iz’amashanyarazi cyangwa amatiyo y’amazi, hazashyirwaho uburyo ahantu runaka haba hazwiho kuba haherereye ibikorwa runaka.

Aho ibikorwa remezo byamaze kwangizanya naho Minisiteri yiyemeje kubisana mu gihe cya vuba icyakora iyi Minisiteri inagaruka ku ruhare rw’abaturage mu kwita ku bikorwa remezo aho Minisitiri Musoni asaba abaturage kwibera ijisho kuko ari ibyabo.

Yagize ati “Abaturage nibabe maso, bite kuri ibi bikorwa kuko ni bo bifitiye akamaro, aho ubonye umuntu ari kwangiza umenyeshe ababishinzwe kuko abangiza ibikorwa remezo hari ibihano biteganywa n’itegeko bibahana kimwe n’abubaka hejuru y’ibikorwa remezo nabo bazajya bahanwa”.

Abaturage baganiriye n’Imvaho Nshya bo basanga n’ubwo ibi Minisiteri yiyemeje gukora ari ingenzi, atari byo byihutirwa ahubwo hari hakwiye gushyirwa imbaraga mu gusana bimwe mu bikorwa remezo byamaze kwangirika cyane cyane nk’amatiyo y’amazi ndetse n’imihanda imwe n’imwe.

 

Comments

Who are you?
Your post
  • To create paragraphs, just leave blank lines.

 
 
Rubavu:Abavunjayi barataka igihombo baterwa n’abamamyi
Rubavu:Abavunjayi barataka igihombo baterwa n’abamamyi

Amashyirahamwe y’abakora akazi ko kuvunja amafaranga y’amanyarwanda n’amanyamahanga mu karere ka Rubavu, barataka ko baterwa igihombo n’abakora uyu murimo mu buryo butemewe n’amategeko, bita (...)

U Rwanda mu nzira zo kuvumburwamo amabuye ya Nickel n’Amabengeza
U Rwanda mu nzira zo kuvumburwamo amabuye ya Nickel n’Amabengeza

Ihuriro nyarwanda ry’Abacukuzi b’Amabuye y’Agaciro ryatangaje ko mu Rwanda hagaragaye ibimenyetso by’amabuye y’agaciro yitwa Nickel n’amabengeza. Mu muhango wo kwizihiza umunsi mpuzamahanga (...)

Abacukuzi  b’amabuye y’agaciro bafite imbogamizi zo kubona inguzanyo
Abacukuzi b’amabuye y’agaciro bafite imbogamizi zo kubona inguzanyo

Abacukuzi b’amabuye y’agaciro mu Rwanda bavuga ko bafite imbogamizi zo kubona inguzanyo z’amabanki muri uwo murimo ngo babashe kuwukora neza. Ibi babitangarije mu muhango wo kwizihiza umunsi (...)

Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.