2017-05-27 10:19:18 clouds 27o High | Kigali Rwanda

Dukurikire:
 
 

Ngoma: Umunyeshuri arateganya kubaka uruganda rw’amakaro adasanzwe

Yanditswe na IMVAHO NSHYA

Kuya 2016-09-09 05:10:59

 
Share on:
 
Yasuwe:20
 
Yavuzweho:200
 
10
 
10

Umunyeshuri witwa Ishimwe Eric urimo gusoza amasomo yo ku rwego rwa Kaminuza mu ishami ry’ubwubatsi (Civil Engeneering) mu ishuri rikuru ry’imyuga n’ubumenyingiro mu ntara y’Uburasirazuba, IPRC East, yishimira ko ahavanye ubumenyi bwo gukora amakaro agezweho, ku buryo yiteguye gushinga uruganda akaba rwiyemezamirimo.

Ishimwe Eric ni umunyeshuri urangije kwiga mu mwaka wa 3, muri IPRC East, ishuri ryigisha imyunga n’ubumenyingo, riherereye mu karere ka Ngoma.

Mu bushakashatsi yakoze asoza amasomo ye y’ubwubatsi, yavumbuye uburyo bwo gukora amakaro akoreshwa mu bwubatsi muri sima.

Afite umwihariko wo kutanyerera, ari mu mabara atandukanye arimo umweru, umutuku, umukara, kandi ashobora kwimukanwa mu gihe umuntu yimutse, arayasenya, akajya gukoreshwa ahandi.

JPEG - 124.6 kb
Ishimwe Eric wavumbuye uburyo bwo gukora amakaro akomeye kandi atanyerera abikesha ubumenyi yahawe mu ishur

Mu kiganiro n’Imvaho Nshya, Ishimwe Eric yavuze ko yishimira ko ku ntebe y’ishuri yahakuye ubumenyi bukwiye afata nk’impamba ifatika izamufasha kwihangira imirimo no guha abandi akazi.

Yagize ati “Nta bwoba mfite ngo ni njya hanze nzabura akazi, ndizera ko uyu mushinga uzambeshaho, kuko icyo bigiye kumfasha nk’umuntu wize muri Civil Engeneering, ubu sinshobora kuba umushomeri, niNgera hanze nzakora, nshobora gushinga kampani nkaba nanagurisha.”

Amakaro Ishimwe akora ni ayo mu bwoka bwa ‘terrazo’ayakora muri sima, agashyiramo amabuye; avuga ko kugira ngo atangize umushinga wo kuyakora bimusaba nibura miliyoni 4, akagaragaza ko ubu yiteguye kugana ibigo by’imari byunganira urubyiruko bikamufasha kubona igishoro agashinga kampani iyatunganya.

Yagize ati “Ubu ngiye gushaka uburyo nkorana na BDF nkabahereza uyu mushinga wanjye, bakaba bampa amafaranga nkagura ibikoresho byinshi byizewe ku buryo byamfasha gukora, nkaba niteguye gushinga kampani mu minsi iri imbere, nibura mu Burasirazuba abantu bakajya bangana.”

Eng. Ephrem Musonera, Umuyobozi mukuru wa IPRC East, avuga ko nk’ishuri ryigisha imyuga n’ubumenyingiro biri mu ntego zabo guha abanyeshuri ubumenyi bubaha ububasha bwo kwihangira imirimo.

Agaragaza ko uyu munyeshuri wabashije kumenya uburyo yakora amakaro meza, bigiye kumugirira akamaro cyane kuko n’ikigo ngo gifite gahunda yo gukomeza gukorana na we.

Yagize ati “Uriya munyeshuri abantu benshi bamubonyemo ubushobozi, ku buryo ubumenyi afite babubyazamo umusaruro kandi natwe turateganya gukomeza gukorana na we ku buryo amakaro na hano dushobora kujya tuyakora ku buryo bugaragara, bihereye mu nyubako twubaka aha ngaha, hanyuma uko turushaho gukora menshi tukaba twanayashyira ku isoko.”

Ishimwe Eric urangije Kaminuza mu ishami ry’ubwubatsi agaragaza ko amakaro akora atandukanye cyane n’amanyerewe mu Rwanda kuko yo aba akozwe mu ibumba, mu gihe we ayakora muri sima, akagira umwihariko wo kutanyerera, kandi akaba yakwimukanwa.

Ikaro rimwe riba rifite ibipimo bya santimetero 20 kuri 30, kandi ngo aho atumijwe kuyubaka aca amafaranga ari hagati y’ibihumbi 16 na 18 by’amanyarwanda kuri metero kare imwe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE