Advertisement
 
 
 
 
 
 
 
 

Ubukungu

Munywe amata mbere yo kuyagurisha-Murekezi   

  Yanditswe na NGABOYABAHIZI PROTAIS
 May 2016

 
 

Minisitiri w’Intebe Anastase Murekezi, yashyikirije inka 50 abaturage batujwe mu murenge wa Gashaki mu karere ka Musanze, abibutsa ko umukamo nuboneka bakwiye kujya babanza kunywa amata mbere yo kuyagurisha.

Abaturage bahawe inka ni abahoze batuye mu manegeka no mu birwa byo mu kiyaga cya Ruhondo, ubu batujwe neza.

Nyuma y’umuganda wari ugamije kubungabunga ibidukikije yakoreye muri uyu murenge, Minisitiri w’Intebe yashyikirije aba baturage izi nka, ababwira ko Perezida wa Repubulika Paul Kagame yazibahaye kugira ngo zibafashe kugira imibereho myiza n’iterambere muri rusange.Uwo muganda watangizaga icyumweru cyahariwe kubungabunga ibidukikije.

Yagize ati“Ndagira ngo mbonereho no gusohoza ubutumwa bwa Nyakubahwa Perezida wa Repubulika y’u Rwanda Paul Kagame, wabahaye izi nka kugira ngo zizakomeze zibafashe kwiteza imbere.

JPEG - 117 kb
Minisitiri w’Intebe Anastase Murekezi ashyikiriza inka umwe mu baturage (Foto Ngaboyabahizi P).

Inka ni uruganda, muzazikuraho amata, ifumbire no kubona ibicanwa mu buryo bworoshye, kuko ikomokaho na biyogaze, ariko kandi nanone mumenye ko mugomba guha abana banyu amata namwe mukayanywa, mbere yo kujya kuyagurisha.”

Minisitiri w’Intebe kandi yibukije abahawe inka ko bakwiye kuzifata neza, kugira ngo bazabone uko bitura uwazibahaye.

Iyi miryango yahawe inka kandi yanahawe inzu zo guturamo yubakiwe, zifite ibikoni, ubwiherero n’ikigega gifata amazi, byose hamwe byatwaye amafaranga miliyoni magana inani na mirongo icyenda n’enye, ibihumbi magana abiri na cumini na bibiri n’amafaranga ijana na mirongo ine n’atanu (894 212 145).

Umwe mu baturage worojwe inka akanahabwa inzu, Singirankabo Theogene wo mu kagari ka Kivumu, mu murenge wa Gashaki, yashimiye cyane Leta yamukuye mu buzima bugoye bwo ku kirwa, none ikaba inamuhaye inzu n’inka izajya imukamirwa.

Yagize ati “Ntabwo nari nzi ko naba mu nzu nk’iyi ntubatse kandi nziza, kuko namaze imyaka myinshi mu kirwa, kwambuka byari ikibazo, uwabaga adafite amafaranga yo guha umusare yigumiraga mu kirwa, ariko ibi navuga ko nzutse kubera ko aribwo ahari mbonye Isi.

Nawe se ubu ndagenda ngatahira igihe nshakiye nta gutinya ngo ndagwa mu mazi, abana bacu barajya ku ishuri uko bashatse, Kagame wamunganya iki? Ni nde muntu wubakira undi inzu nk’iyi irimo amashanyarazi, akagerekaho no kumuha inka nayo ataguze? Ati nanjye niteguye kumwitura”.

 

Comments

 
 
Mukahigiro yubatse inzu ebyiri z’ubucuruzi abikesheje kudoda inkweto
Mukahigiro yubatse inzu ebyiri z’ubucuruzi abikesheje kudoda inkweto

Mukahigiro Pascasie utuye mu kagari ka Gasovu, mu murenge wa Karambi mu karere ka Nyamasheke, avuga ko amaze kugera kuri byinshi abikesheje ubudozi bw’inkweto. Uyu mugore w’imyaka 45 avuga ko (...)

 Akarere ka Musanze  kazakoresha miliyoni 18 ku muyoboro w’amazi wa Rukore
Akarere ka Musanze kazakoresha miliyoni 18 ku muyoboro w’amazi wa Rukore

Ubuyobozi bw’Akarere ka Musanze buravuga ko bwateganyije amafaranga miliyoni 18, azifashishwa mu mushinga wo gusana umuyoboro w’amazi wa Rukore uri mu murenge wa Muko na Nkotsi, umaze imyaka 2 (...)

Abanyenganda b’i Huye baracyafite imbogamizi mu kwimukira muri zone yagenewe inganda
Abanyenganda b’i Huye baracyafite imbogamizi mu kwimukira muri zone yagenewe inganda

Mu gace kagenewe inganda mu kagari ka Sovu mu murenge wa Huye mu karere ka Huye, usanga hataritabirwa cyane ngo hakorerwe ibyo hagenewe, kuba nta bikorwaremezo birahagezwa n’ibibanza bihenze (...)

Kirehe: Umukobwa agiye gushinga uruganda ruzohereza inyama z’ingurube mu mahanga
Kirehe: Umukobwa agiye gushinga uruganda ruzohereza inyama z’ingurube mu mahanga

Umukobwa witwa Umubyeyi Aimée Laetitia, utuye mu karere ka Kirehe, umurenge wa Kigina, avuga ko ateganya gukora uruganda rutunganya inyama z’ingurube, ahereye ku bworozi bw’ingurube akora, (...)

Abahinzi bo muri Kigali basabwe guhaza isoko ry’imboga
Abahinzi bo muri Kigali basabwe guhaza isoko ry’imboga

Abaturage bakorera ubuhinzi mu bishanga by’akarere ka Kicukiro basabwe gushyira imbaraga mu kongera umusaruro w’imboga bagahaza isoko ryo mu Rwanda hagamijwe kugabanya amadevize asohoka igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.