2017-08-22 09:34:31 clouds 27o High | Kigali Rwanda

Dukurikire:
 
 

Muhanga: Umutungo w’Ikigo cy’imari ugiye gutezwa cyamunara

Yanditswe na IMVAHO NSHYA

Kuya 2016-03-27 10:13:24

 
Share on:
 
Yasuwe:14
 
Yavuzweho:200
 
10
 
10

Ikigo cy’imari iciriritse (CAF: Caisse des Affaires Financières) giherereye mu murenge wa Nyamabuye mu karere ka Muhanga, mu ntangiriro z’iki cyumweru cyafatiriwe imitungo, kugira ngo umuturage witwa Uwimabera Anastasie yishyurwe amafaranga miliyoni makumyabiri n’eshanu, urukiko rwategetse ko iki kigo kimwishyura.

Imitungo y’iki kigo cy’imari CAF Isonga yafatiriwe nyuma y’uko uyu muturage atsinze urubanza yagishinjagamo kumwirukana mu buryo bufifitse, urukiko rutegeka ko kimwishyura amafaranga y’u Rwanda miliyoni 25.

Uwimabera avuga ko ari mu banyamuryango batangije iki kigo cy’imari mu karere ka Muhanga, ariko ngo yaje gutungurwa no kubona bamwirukanye mu buryo budakurikije amategeko, ari nayo mpamvu yitabaje inkiko kugira ngo zimurenganure.

Yagize ati «Nabatsinze inshuro nyinshi, ariko bakomeza kujurira kugeza mu Rukiko rw’Ikirenga, ari narwo rwabategetse gushyira mu bikorwa iki cyemezo.»

JPEG - 76 kb
Imodoka za Polisi ubwo zari zaje gupakira ibikoresho bya CAF ISONGA i Muhanga (Foto Muhizi E)

Umuhesha w’inkiko yifashishije Polisi y’igihugu barafatira imodoka n’amapikipiki abiri ya CAF Isonga, kugira ngo bitezwe cyamunara uyu muturage yishyurwe.

Sebashi Claude, Umuyobozi w’umusigire w’Akarere ka Muhanga, avuga ko bagiye kuvugana n’ubuyobozi bw’iki kigo cy’imari, kugira ngo harebwe uburyo basubukura ibikorwa, kuko gufunga burundu atari wo muti.

Uretse Uwimabera watsindiye miliyoni 25, hari n’abandi banyamuryango birukanywe na CAF bavuga ko bagejeje ikirego cy’abo mu nkiko, bakaba bategereje kuburana. Hari amakuru avuga ko uretse ishami rya Muhanga, n’andi mashami ya CAF Isonga akorera mu ntara y’Amajyepfo yakinze imiryango.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE