Advertisement
 
 
 
 
 
 
 
 

Ubukungu

Minisitiri w’Intebe yasabye amahanga guhagurukira ubushomeri mu rubyiruko   

  Yanditswe na BENIGNE MUGISHA
 25 April

 
 

Minisitiri w’Intebe Anastase Murekezi yasabye impuguke mu by’imirimo zo mu karere gushakira umuti urambye ikibazo cy’ubushomeri cyane cyane mu rubyiruko rwarangije amashuri.

Minisitiri w’Intebe yabigarutseho ubwo yafunguraga ku mugaragararo inama nyafurika ku guhanga imirimo yahuje inzego zinyuranye n’ibihugu by’Afurika n’ibyo mu Karere mu rwego rwo kurebera hamwe uburyo bunoze bwo kurwanya ubukene n’ubushomeri mu rubyiruko.

Yasobanuye ko ubushomeri bwahindutse ikibazo mpuzamahanga, ku buryo abayobozi bakwiye guhaguruka bagashakira umuti ibibazo bitandukanye bibutera.

Ati“ Icyegeranyo cy’Umuryango Mpuzamahanga w’Umurirmo cyo muri 2015 cyagaragaje ko 43% by’urubyiruko badafite akazi cyangwa bakora ariko bakiri mu bukene. Ibihugu byose bikwiye kwishyira hamwe iki kibazo kigashakirwa umuti urambye.”

JPEG - 154.8 kb
Murekezi Anastase, Minisitiri w’Intebe (hagati), Uwizeye Judith, Minisitiri w’abakozi ba Leta n’umurimo (ibumoso) na Lamin Manneh, uhagarariye ONE UN mu Rwanda

Minisitiri Murekezi yongeyeho ko u Rwanda rwatangiye gukora iyo bwabaga ngo ikibazo cy’ubushomeri gicyemuke.

Ati “Iyi nama ibaye mu gihe Guverinoma y’u Rwanda yari yaratangiye gushakira umuti ikibazo cy’ubushomeri mu rubyiruko mu rwego rwo kurwanya ubukene n’ubushomeri.”

Yagaragaje ko buri mwaka hahangwa imirimo inyuranye itari iy’ubuhinzi ndetse urubyiruko n’abagore bakabona ingwate ku mishinga yabo binyujijwe mu kigega cy’ingwate (BDF).

Minisitiri w’Intebe yagarutse ku kwigisha urubyiruko imyuga nk’imwe mu nzira yo kurwanya ubukene n’ubushomeri, bityo, Guverinoma y’u Rwanda ikomeje gushyigikira no gushyiraho amashuri y’imyuga iciriritse (TVET).

Imyanzuro yafatiwe mu nama ya mbere yagezweho hejuru ya 80%

Minisitiri w’Abakozi ba Leta n’Umurimo, Uwizeye Judith yabwiye itangazamakuru ko iyi nama ibaye ku nshuro ya kabiri, asobanura imwe mu myanzuro yari yafatiwe mu nama ya mbere yanagezweho ku kigereranyo kiri hejuru ya 80%.

Ati “Inama yabanje yafatiwemo imyanzuro inyuranye yiganjemo guha urubyiruko ubumenyi ngiro kugira ngo rugendane n’isoko ry’umurimo no kurushishikariza kwihangira umurimo.”

Abajijwe intera urubyiruko rugezeho rwihangira imirimo mu gihe bigaragara ko rurimo abashomeri batari bake, Minisitiri Uwizeye yagize ati “ abihangira imirimo bakomeje kwiyongera, gusa ikibazo gihari ni mu rubyiruko rw’abanyeshuri barangije kaminuza badahita babona imirimo.”

Minisitiri Uwizeye yasabye urubyiruko gutinyuka bakagana isoko ry’umurimo ryo mu karere, bagapiganwa n’abandi, dore ko u Rwanda rwafunguriye amarembo abo mu bindi bihugu bya EAC.

Muri iyo nama hatanzwe ubuhamya bwa ba rwiyemezamirimo barimo umunyarwandakazi n’urubyiruko rwo mu gihugu cya Botswana, aba bose bakaba barabashije kwihangira umurimo bahereye ku gishoboro gito no ku bumenyi bavanye mu mashuri.

 

Comments

Who are you?
Your post
  • To create paragraphs, just leave blank lines.

 
 
Rubavu:Abavunjayi barataka igihombo baterwa n’abamamyi
Rubavu:Abavunjayi barataka igihombo baterwa n’abamamyi

Amashyirahamwe y’abakora akazi ko kuvunja amafaranga y’amanyarwanda n’amanyamahanga mu karere ka Rubavu, barataka ko baterwa igihombo n’abakora uyu murimo mu buryo butemewe n’amategeko, bita (...)

U Rwanda mu nzira zo kuvumburwamo amabuye ya Nickel n’Amabengeza
U Rwanda mu nzira zo kuvumburwamo amabuye ya Nickel n’Amabengeza

Ihuriro nyarwanda ry’Abacukuzi b’Amabuye y’Agaciro ryatangaje ko mu Rwanda hagaragaye ibimenyetso by’amabuye y’agaciro yitwa Nickel n’amabengeza. Mu muhango wo kwizihiza umunsi mpuzamahanga (...)

Abacukuzi  b’amabuye y’agaciro bafite imbogamizi zo kubona inguzanyo
Abacukuzi b’amabuye y’agaciro bafite imbogamizi zo kubona inguzanyo

Abacukuzi b’amabuye y’agaciro mu Rwanda bavuga ko bafite imbogamizi zo kubona inguzanyo z’amabanki muri uwo murimo ngo babashe kuwukora neza. Ibi babitangarije mu muhango wo kwizihiza umunsi (...)

Hafashwe toni 7 za caguwa zinjizwaga mu Rwanda ari magendu
Hafashwe toni 7 za caguwa zinjizwaga mu Rwanda ari magendu

Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU), rifatanyije n’ikigo cy’igihugu cy’imisoro n’amahooro (RRA), bataye muri yombi abantu 3 bakekwaho kwinjiza ibiro (...)

Abavuzi gakondo bagiye gushinga uruganda rw’imiti na banki
Abavuzi gakondo bagiye gushinga uruganda rw’imiti na banki

Abavuzi bo mu Rwanda no mu bindi bihugu bya Afurika y’Uburasirazuba, bibumbiye mu Muryango Mugari w’Abavuzi Gakondo, UMUAGA, batangiye kwiga ku mishinga ikomeye y’igihe kirekire irimo ibitaro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.